دوافع الحب ♥

11

#دوافع_حب11
#نون_علي

من جانب رنا

لمن صحيت لقيت  نفسي في المستشفى  ماما كانت  جنبي والين ،،،،ما كنت فاهمه الحصل شنو اخر حاجه مذكرها كنت في غرفتي ،،عاينت لقيت مركبين لي درب ،،،ماما لمن لاحظت لي ،،قالت لي رنا صحيتي ؟؟؟؟ ،،حاسه ب شنو، ،،كانت بتتكلم بلهفه ،،البشوفها هسي ما يشوفها وهي حبساني، ،ما رديت عليها ،، ألين قالت لي انادي ليك الدكتور ؟؟؟ برضو ما رديت ،،ما كان عندي طاقه ارد لي زول بس ساكته ،،ماما لمن شافتني كدا بقت تبكي قالت لي رنا اتكلمي معانا ،،ألين مشت تنادي الدكتور ،،،،قبل ما تجي بابا دخل ،،جاء وقف جنبي قال لي يرضيك تخوفينا عليك كدا ،،يوم كامل ما راضيه تصحي تشوفينا؟؟؟؟ استغربت يعني انا يوم كامل قاعده هنا ،،،ليه عندي شنو انا ؟؟؟،،، بابا لمن شافني كدا قال لي اعفي لي يا بتي ما كنت عارف الحاصل معاك ولا عارف انو سوسن حبساكي بس كلو بيهون ،،،، عاينت لي بابا ،،،من سكاتو عرفتو ما عارف عن الحصل او السبب شنو ورا حبستي ،،ماما مع كلامو بقت تبكي ،،،،  اي نعم زعلانه منها بس ده م يدل علي اني ح اكون مبسوطه وهي بتبكي قدامي، ،،،بعديها الدكتور جاء و ألين وراهو، ، الدكتور قال لي بابتسامه شنو لكن يا رنا تخوفي اهلك عليك كدا !!!! ،،ما رديت ،،، جاء فحصني  وسالني لو حاسه ب اي حاجه كنت  بهز ليهو راسي بس ،،،بعد ما خلاص قال لي عوافي ان شاء الله  تقدري تطلعي بعد كدا ،،،، سكت ،،، الدكتور بعد ما طلع اهلي طوالي طلعوا وراه،،، شويه كدا الباب فتح لقيت حسان قدامي ،،، وقتها الدينا دي لفت بي الف،،م مصدقه انو قدامي ،، اي نعم كانوا يومين ما شوفت بس والله حسيتهم سنتين، ،انا مستعده اتحبس سنيني كلها بس نهايه  الحبسه القي حسان قدامي ،،،مافي واحد فينا اتكلم ،، لانو نظراتنا كانت متوليه اي حاجه ،،،قرب علي  قال لي ليه تعملي في نفسك كدا؟؟؟؟؟،، انتي عارفه انا الحصل فيني شنو لمن سمعت بيك في المستشفى  !!!!،،، ليه يا بت الناس تعملي فيني كدا ،،،سكت ،،،داير يقول لي حاجه ،،ناس بابا جو داخلين، ،، قال ليهم حمدالله علي سلامتها  عاين لي ،،وطلع ،، بعديها عاينك ما تشوف الا النور لقيت اهلي كلهم في الغرفه، ،،ما كنت  قادره اتكلم مع زول ،،بس كنت بهز ليهم راسي ،،لحدي ما طلعونا  تاني ما شوفت حسان ،،،اتلف افتش فيهو لمحتو من بعيد واقف ،،استغربت ليه ما يجي !!!،،،نظراتو لي كانت غريبه لا اراديا  بكيت ،،،اي حاجه معانا معكسه ماشى بالمقلوب

"ألا ليت الذي بيني وبينك عامر وبيني وبينا العالمين خراب"
_________________
من جانب هديل

ماا كنت مصدقه السمعتو كيف يعني !!!!!! عمار عقيم !!!!!! مستحيل طبعا !!!!!!طيب ليه ما وراني من بدري !!!!!! يعني لمن قام اليوم داك ،،،،و زهج كان بسبب الموضوع ده عشان قلت ليهو  نفسي في اولاد منك !!!!! طيب انا ما كنت عارفه ليه  اتعصب فيني  وقتها ،،،، وهسي قايل الموضوع ده ببساطه ولا كانوا  ؟؟؟؟؟؟؟،،،اي نعم خلقه ربانيه  او وراثه او اياً ما كان ،،،كان من البدايه اكون عارفه، ،،،مصدومه فعليا انا مصدومه ،،، لدرجه  ما قدرته اعبر او اتكلم ،،بس ساكته بعاين ليهو ،،،هو على العليهو زاد قال لي شوفي يا هديل طلاق وما بقدر اطلقك، ،،وقام على كدا ،،،لحظتها ما استوعبته كلامو  ،،فوق ده كلو ما ح اقدر  اطلق ،،، حاليا موضوع الطلاق ده ما هاميني ،،،بفكر في السمعتو ده ،،عمار ما سمع ردي قام  ،،، الليل كلو بفكر في الموضوع، ،واتصرف كيف ،،،لي نص الليل  كدا عمار جاء دخل الحمام وبعديها جاء ورقد ،،،، ولا سالني من اي حاجه رقد نام طوالي،،،،الصباح صحيت لقيتو طلع ،،، اخدت نفس يعني انا لسه ما قادره احدد موقفي معاه ،،،صحيت وعملت لي نفسي شاي، ،،المرة دي ما لقيت اي ورقه ،،،والله الشاي غلبني اشربوا، ،،،جيت راجعه شغلت التلفزيون  ،،، قعدته مسافه ،،،تاني غفلتو ،،،والله يخوانا انا مقلقه وراسي شاطب، ،، غلبني الاعملو، ،البكاء زاتو غالبني يعني بين زعلانه وما قادره ابكي ،،،مخدوعه كل اتوقعتو الا انو يطلع عقيم عقلي ما قادر يستوعب النقطه دي ،،،يعني هسي اقوم امشي بيتنا ولا كيف ،،، ياااخ اسئله كتيره في راسي ،،، قلت انا لو قعدته هنا راسي ح يطق احسن انزل تحت لحدي بعدين ما يجي واشوف البيحصل ،،،،لبسته وانا بحاول بقدر الامكان اني ما افكر في الموضوع ده ،،بعد ما خلصته نزلت تحت ،،كان يادوب الساعه  11،،،لقيت خالتو ليلي و علياء قعدين تحت بعاين ليهم وانا بفكر يا ربي عارفين ولدهم!!!!،،، ،، سلمت عليهم،،،خالتو ليلي قالت لي اقعدي يا بتي،،، اها فطرتي ولا لسه ،،،قلت ليها لااا فطرت الحمد الله    والله كذابه ساي انا،،قالت لي  اهاا، لانو نحنا فطرنا لينا مسافه ،،، عاينت ليهم نظام  انتو عندكم نفس تفطروا كمان،،،تاني قلت لي نفسي بسم الله كمان هم  الدخلهم شنو يمكن زاتو ما عارفين ،،خالتو ليلي قالت لي امبارح مشيتي ناس امك اها لقيتهم  كيف ،،قلت ليها كويسين الحمد الله ،،،سكتنا علي كدا ما كان في موضوع  نقولو ،،،وكمان يعني علياء نظراتها ما اتجاوزتني، ،،،عشان اكسر الصمت ده قلت لي خالتو ليلي ،،كيف انتي مع السكري !!!،، قالت لي تمام الحمد الله وهسي ذكرتيني  عندي حبوب مفروض ابلعها ونسيتها كلو كلو ،،، دقيقه بس يا بتي ابلعهم واجيك ،،قلت ليها لااا ما مشكله ،،احسن ترتاحي  ،،، قلت لي سمح، ،ومشت على كدا بقيت انا وعلياء ،،،عاملين زي المتهم والقاضي ،،، ما عارفه ليه انا خايفه منها ،، انا ما علمت ليها حاجه لمن اكون خايفه منها لو اتكلمت معاي برد ليها ،،لو علي الشكل بشاكل معاها شكلها لسه ما بتعرفني ،،المفروض هي تخاف ،،على الاقل انا عمار بيقيف معاي لانو متاكد ما بغلط فيها اذا هي ما غلطت فيني   ،،،، وبعدين هي خربانه خربانه اكتر من كدا ح تخرب كيف؟ ،،،، عاينت ليها طوالي نظام اي انا زاتي بعاين ليك ،،، بقت عباره عن حرب عيون ، ،، هي لمن شافت نظراتي ،،شكلها اتهجمت  متوقعه اكون زي هاجر  واخاف منها وكذا لاا معليش ،،، لمن غلبتها نظراتي قالت بالجد عالم بجحه  تعاين لزول بعين قويه ،،قلت ليها سبحان الله البجح  بقى يعرف يتكلم !!!!،،،سكتت،، بعديها جات قعدت في الكرسي الجنبي قالت لي لو مفتكره نفسك ح تتقوي  ب عمار  وتقدري تردي لي معليش قبل ما تبقي مرتو انا اختو ،،، قلت ليها لو انتي اختو او هو معتبرك اختو  ما كان منعك تتطلعي لي فوق !!!!!،،، ضحكت ضحكه بستفزاز كدا شكلها مغيوظه ،،،قالت لي ههه عمار الفرحان بيهو ده وقت هند كانت بتغلط فيني كان بيشكلها، ،متخيله معاي هند مرتو البحبها وقف قصدها عشاني ،،فما بالك انتي !!!!،، ما ركزته في جمله البحبها  لمن لقتني سرحانه ابتسمت قالت انتي مفتكره انو ما كان بحبها ،،، سكت ،، سكاتي ده خلاها تواصل كانها لقت فيني فرقه  ،،،،قالت لي انتي ما عارفه؟؟؟ يعني يا حرام ديل كان بيضربوا بيهم المثل في حبهم ،،،قلت ليها بطريقه لا اراديا طلقها ليه ؟؟؟؟ ،،، ضحكت قالت لي ببساطه عشان اخوي عقيم  ،،،وسكتت  دايرني اتهجم وكذا بس هي ما عارفه انو قال لي ،،بس المشكله في انو هي خلتو عشان عقيم ليه طول ما هي بتحبو ،،،،واصلت قالت لي مافي واحده بترضى بواحد ما بقدر يجيب ليها اولادي ،،،وريني ح يكون فايدتو  شنو!!!  ،،،، انا بعرف علياء من الشخصيات الا بترحم لا بتخلي رحمة ربنا تنزل بس كمان ده اخوها !! ،،  يعني حتى لو اخوي فيهو عيب او اي حاجه ما بقعد اتكلم بيها ،،،او اهاجمو  فيها ،،،  انا نزلت من فوق عشان اريح نفسي شويه جات العبيطة دي زادت علي ،،دايره اقوم ،،قالت لي وهي بتعاين لي من فوق لي تحت هو بصراحه هند ما رضت بالحاجه دي لانو بت ناس واهلها معروفين، ،،اما الباقين قصاد العز الحيشوفهو  ح يرضو بالحاجة  دي ،،،، كلامها صدمني بس قلت ليها علي فكره الناس البتتكلمي  عنهم اي نعم من قاموا ما لقوا في يدهم طبق دهب بس الحمد الله عينا مليانه الباقي علي العندو لسه طمعان ،،، خليتها تهرج  بي وراي بس ما كنت فاضية ليها ،،،طلعت سريع ما عشان خايفه من ردها ،،بس كمان عشان الحاجه القالتها، ،،في ايدي ما اصدقها بس كلامها منطقي ،،، يعني لو ما بحب هند ما كان هسي عرسها ،،وهي لمن عرفت ما رضت فعشان كدا اطلقت منو ،،، طيب انا المسكينه  دي ذنبي شنو في الجوطه دي كلها؟؟؟؟؟؟ ،،،،،رضيت بالهم و الهم ما راضي بي !...
_____________________