دوافع الحب ♥

18

#دوافع_حب18
#نون_علي

ابوي كان بيفكر بطريقه ما منطقيه ،،، يعني عشان وليد داير هند المفروض انا اوافق علي القرار ده  ،، اني ارجع تاني هند لعصمتي،،، اذا وليد انسان متهور انا ليه اتحمل نتائج تهورو ده ،،،، ابوي قال لي يا عمار دي كانت مرتك مافيها حاجه لو رجعتها ،، بس وليد لو عرسها ح تبقى مشكله ،، قلت ليهو كيف مافيها حاجه لو رجعتها !!!،، انا الزوله دي ما دايرها ،،،وعلي ما اعتقد انا مستقر مع مرتي فليه اخرب بيتي ب يدي ،، قال لي يا ولدي ده اخوك ،، ما تخليهو يضيع  منناااا، ،، لو على هديل انا ممكن اتكلم معاها وافهمها طبيعه العلاقه بيناتكم ،،، سكتتت ،، يعني انا علاقتي مع هديل في حد زاتها متوتره  فوق ده ح تتتوتر  زياده ،، ابوي قام طلع وقال لي فكر في كلامي ،،،بعد ما طلع،،، كرهته نفسي وكرهته هند ،، مجرد ما افكر في شعور هديل ح يكون كيف ،،قلبي بيوجعني، ،بس كمان هي قالت لي ابوها اني ما فارق معاها ،، قعدته مسافه ،،تاني  اتصلته ب هند ،،، اول ما ردت ،، قلت ليها لو مفتكره انك كدا بتلوي دراعي، ، وانا ارجع ليك تاني ف احب اقول ليك انتي بتحلمي  عارفه يعني شنو بتحلمي ،، قالت لي عمار مالك هسي !!!! قلت ليها يعني عامله ما عارفه نفسك ؟،تمام يا زوله ،،قفلت الخط ،،،من دون تفكير رميت التلفون بقوة لمن اتكسر ،،انا هند دي اقتلها اقتلها وروني بس..،،،، يعني حتى بعد كلام هديل القالتو والله ح اتمسك بيها  ،،، ح اخليها تحبني ،،مافي حاجه اسمها اعرس فوقها، ،ما معقوله انا بصلح في العلاقه تاني اجي اخربها .....

"بينما تظن انك لا تعني لي شيء  بينما انت الفؤاد وما يحتويه "
___________________

من جانب رنا

بعد خلصنا من يوم الكرامه ،،ما ارتحنا كويس لقيت يوسف مرسل لي رساله بقول لي ممكن تطلعي لي بره ،،،،في الاول اترتده بس تاني قلت امشي  ،، بس قلت امشي اشوف، ،لقتني وسن وانا طالعه قالت لي ماشه وين !!!،، قلت ليها جايه ،،ما خليتها اتكلمت طلعته ،، لقيتو منتظرني بالعربيه بره، ،، اشر لي نظام اركبي ،، ركبت وهو اتحرك طوالي، ،قلت ليهو ماشي وين !!!! دقيقه دقيقه فهمني ،، قال لي بسم الله يا رنا اكيد ما ح اخطفك ،،،قلت ليهو ما قصدي كدا بس عشان انا ما كلمت ناس البيت ف عشان كدا بسال !!! قال لي لااا نشوف مكان هادي نقعد فيهو ،،، قلت ليهو لااا انا ما دايره انزل من العربيه احسن نكون قاعدين هنا ،، عاين لي ،،قال لي يعني ما دايره تنزلي معاي ،،، قلت ليهو ما قصدي كدا بس خلينا في العربيه احسن ،، قال لي طيببب ح احترم رغبتك بس المرة الجايه  علي انا يعني ح تنزلي معاي ،،قلت ليهو تمام مافي مشكله ،،، وقف العربيه علي جنب كدا   ،،، قبل علي ،، اتوتره من نظراتو ،، وقال لي ليك فترة قاطعه الخبر مالك الحاصل معاك !!! قلت ليهو انا كوويسه مافي حاجه ،،، قال لي مش اتفقنا اليوم داك اننا نتلاقى، ، قلت ليهو اااي بس كمان حصلت ظروف ،،، قال لي ايوةة،،،وصحي مبروك لي حسان وبسمه ،، حسيت بطعنه في قلبي ،، بس قلت ليهو الله يبارك فيك ،،، سكتت مسافه بعديها قال لي بصراحه يا رنا انا  عايز اتقدم ليك ،،،لو انتي وافقتي انا بكره بجيب اهلي ،،، اتهجمت ،،هو واصل قال لي عارف انك عايزه حسان بس انا راضي بالحاجه دي ،،يعني مستعد احاول معاك لحدي ما تحبيني  ،،حتى لو اخدته عمري كل وانا بحاول في الحاجه دي ،،عمري ما ح ازهج ،،يوم مناي توافقي بي ،،صدقيني قبل اي شي ح اخاف ربنا فيك ،،، انا ما عايزك تقدمي لي ،،، لاااا انا البقدم ليك ،، ولا تتعبي نفسك ،،انا بتحمل التعب كلو ،، بس انتي وافقي ،،،   بعاين ليهو  مع كل كلمه بيقولها كنت بقارنها مع تصرفات وكلام حسان ،،، يعني حسان ده بحس بيهو مستغني ،، بين انو متقبل وجودي في حياتو وما متقبل ،، في الوقت الهو بيحاول يبعد او يكرهني فيهو في زول تاني بيقرب مني ،،ولو عليهو يفرش لي الارض ورود، ، علي قول اختي انا بستحق زول يقدرني يحترمني ،،، يمكن يوسف ماهو الشخصيه الفي بالي ،،،بس كمان هو راضي بالحاصل معاي ،، عارف نفسو اني ما ح اتقبلو في يوم، ،بس هو فوق ده كلو راضي ،،، بقيت ما عارفه اعمل شنو، ،هو لمن شاف ترددي قال لي انا ما عايز منك غير القبول بس القبول  ،،، قبل ده كلو لازم يكون في رابط رسمي معاك ان شاءالله  خطوبه ،،بس ابقي المسؤول  عنك ،،يكون عندي قابليه ادخل في اهلك اطلع معاك ،، المهم اكون طرف اساسي في الموضوع  ،،وغير كدا اولاد اعمامك تاني مافي زول ح يقدر يفتح خشمو معاي ،،، انا عايز اتقرب بطريقه  الناس دي ما تلومنا بيها ،، والعجب لو وافقتي علي العرس طوالي  ونسافر من البلد دي كان هسي الحمد الله  عبرنا ،،، انا كل مرة بستغرب في كلام يوسف اكتر ،،، قلت ليهو انا عايزه وقت افكر ،،قال لي مافي مشكله اخدي راحتك بس عليك الله ما تتتااخري في الرد ،،، هزيت ليهو راسي ،،قلت ليهو ممكن نرجع ،،قال لي بسس ،،قلت ليهو معليش بعد كدا لازم ارجع ،،، طوالي هو لف العربيه واتحرك علي البيت ،،، بقيت بتخيل لو هسي حسان قال لي كلام ده كان حصل شنو!!!! لو حسان مكان يوسف كنت ح اكون اكتر انسانه فرحانه في العالم ،،بس ديمآ  الحياة كدا ما منصفه  معانا  في الوقت الزول البنحبو بيبعد عننا و في ذات الوقت بيتقرب لينا ناس تانين ،،، نحنا مش ما عايزينهم بالمعنى الحرفي كدا ،،، بس كمان ما هم المفضلين  عندنا ،،،اتنهدته بحسره، ،، يوسف كان متابعني بطرف عينو زي كانو عارفني بفكر في شنو ،،،عشان كدا ما اتكلم معاي لحدي وصلنا ،،، قال لي فكري واديني خبر ،، فعليا  نزلت ،،لقيت قدامي حسان وبسمه ،،،شكلهم طالعين، ،جاني شعور انو الاتنين ديل عايزين بعض وعايشين حياتهم  عادي   ،،،بس اناا العويره ،،، حسان لمن شافني نازله من العربيه جاني قال لي وين مشيتي !!!! كنتي مع يوسف بتعملي في شنو !!! ما رديت ،،ودايره امشي مسكني من معصم يدي قال لي مش بتكلم معاك ردي ،،،  قال لي يااااخ ردي قبل افلت اعصابي ،،، قالت ليهو انت ما عندك دخل فيني ،،، قالت لي لاا والله !ومن متين، ،،  طبعا ده كلو يوسف وبسمه متابعين ،،، قلت ليهو بي كل بساطه عشان يوسف ح يجي يتقدم لي ،،، ولي كدا من حقي او من حقو يطلع معاي ،،،، قال لي كيففففف  كيفف!! ، قلت ليهو اي ح يجي يتقدم وانا موافقه بيهو ،،في النهايه بقى راجل وداير يوفي بوعدو  ،،،ياريتني ما قلت ليهو كدا ،،، حسان ولا كذب طوالي مسك  يوسف ،،اشتبكو الاتنين مع بعض ،،،حسان ده كان بيضرب بقوه قال ليهو كمان جاي تتقدم ليها لاااا خلااااص مافي غيرها  ،،،،حسان كان معصب شديد، ،، ويوسف شكلو  ماخد موقف من حسان لانهم الاتنين كانوا بيضربوا  بغل  ،،،  انا طبعا بقيت اصرخ  ،،، وقلت لي حسان خلاص ح يموت علي يدك ،،قبل علي قال لي خلاص خايفه عليهو  !!!،، هنا يوسف استغله الفرصه وهاجم حسان ،،انا بقيت مافاهمه ،،، بسمه جرت ناادت اعمامي ،،، يا االله فكوهم ،،وعلي صوتهم  ناس امي وخالتو فاطمه وهديل والباقين جو طالعين ،،ما فهمين الحاصل  ، ، ،،لمن جاء عمي احمد زاتو قال ليهم ده شنو البتعمل فيهو ده مفتكرين نفسكم شفع!!!،، مافي واحد فيهم رده ،،، قال ليهم  ما عايز افهم اتشكلتو لي لانكم رجال وعارفين الغلط من الصاح بس بقول ليكم ما عندكم دخله بيتي لو ما اصالحتو، ،،،حسان قال ليهو بتطردني من بيتك ياعمي؟،،قال ليهو انا ما بطردك  انا بشارطك يعني لو عايز تقعد تتصالحو،   ،،، قاطعتو بسمه وبتقول ليهم ده كلو بسبب رنا كلهم اتلفتوا علي مهجومين  ،انا زاتي اتهجمته معاهم ،، ماما جاتني  قالت لي بصوت عالي عملتي شنو تاني ،، قبل ما ارد جاء صوت حسان القوي هو بيقول ليها ما تكوركي فيها ،،،، حصلت صننننه  كدا عجيبه ،،،ماما طوالي جرتني ودخلتني جوه ،،، الموقف في حد نفسو كان محرج ،،،،انا البكى ده والله كملتو كملتو  ...