دوافع الحب ♥

15

#دوافع_حب15
#نون_علي

بقينا مشغولين مع ابو هديل ،،،، في اليومين  ديك ،،، بقيت بحاول بقدر الامكان ما اركز مع حسان او بسمه ،،، والعرس حقهم اتأجل لحدي ما عم احمد يبقى كويس ،، كنت ملاحظه في المستشفى  تعامل عمار مع هديل ،، على ما اعتقد لو كانت ملكة ما كان بتتعامل كدا ، حتى لمن يكون ماجنبها بتابعها بعيونو ،،، اتحسرت على نفسي اي نعم هديل صبرت ونالت ،،،بس انا الصبر ببقى لي حار أو ممكن اقول بغلبني  ،،، لدرجه في يوم  كنت قاعده مع هديل لقيت حسان وبسمه جايين مع بعض، ،،انا دخلت النار وطلعت  ،،،،  اتحرقت روحي،،،، بسمه دي ما فضل ليها ليها إلا ترقص قدامي من شدة ما هي مبسوطة،،، يعني والله عم احمد في شنو ونحنا في شنو ،،،،في نفس اليوم هديل وقعت داخت ،،،اتهجمنا كلنا ،،، وعمار ده كان بصرخ في الدكاترة حرفيا ،،بقول ليهم ساعدوها سريع ،،،شوفوا الحاصل عليها، ،،حتى لمن جابوا نقاله عشان يودوها الغرفة سريع هو رفض قال وروني وين ،،كلنا استغربنا من تصرفو،،،بس في النهاية مافي زول علق دي مرتو، ،،عمار ده جرَ بيها جري ولا كأنو شايلها، ،،،يعني بالجد وزنها وين لي وزنو ،،زول كدا عريض و طويل ضخم ،،،،هيئتو مخيفة  في نفس الوقت جذابه، ،، نظراتو ما معروفه ،،، طبعا انا جاريه ومركزة معاهم ،،،جاتني ضربة في رأسي ،،، اتلفت لقيتو حسان ،،،شكلو ركز لي ،،،دايره امشي اعترض طريقي ،،، عاينت ليهو ،،نظراتو كانت قوية، ، ،،،قال لي تاني مرة عيونك دي بقلعها ليك لو لقيتك تعايني لراجل ،،سكت مسافه واصل بعديها غيييري  ،،،،مشكله حسان بتكلم بطريقة  واثقة ،،، يعني فوق حصل لي ده كلو بسببو  هو برضو داير يواصل ،،، مفتكرني  شنو انا ،،،، في الوقت ده كانت بسمه جايه علينا ،،،دايره امشي مسكني من يدي ،،،جريتها بقوة ،،، سمعت بسمه بتقول برضو يا رنا مُصرة تتلصقي في حسان !!!!!!!،،، قلت ليها مش حسان ده قدامك انا شوفتيني جيتو ؟؟؟؟ قولي ليهو هو ما يتلصق فيني ،،، وبالمرة اقول ليك مش حسان ده اشبعي بيهو شبع طيب ،،،،
مشيت وانا ما دايره اتلفت وراي ،،، يعني فوق اي حاجه رنا بتطلع الغلطانه  اقتل نفسي دي اريحهم!!!! ،،، لقتني الين قالت لي وين انتي ؟؟؟،،، ما رديت، ،قلت ليها هديل وين ؟؟؟؟ قالت لي رقدوها في الغرفه القدامك ديك ،،،، ...
..
"الحاجه المؤسفة انهم بقوا لينا عابرين بعد ما كانوا لينا وطن "

_________________________

من جانب هديل

كيف يعني حامل الدكتورة دي جنت !!، ،،،مستحيل تكون جنت عاينت لي عمار نظام كيف!!! وين ؟؟؟؟ يعني هو عقيم كيف كلامها ده!!! معقوله كذب علي !!! افكاري تودي وتجيب !،،،،،،ملامح عمار زاتها كانت مهجومه،شكلو زاتو دخل معاي في دوامه من الأفكار، ،،،،الدكتورة قربت علي قالت لي هي بضحك ،، مالكم اتجهمتوا كدا ؟؟؟ ما عايزين  بيبي ؟؟؟،،، مافي زول ردَ فينا، ،ضحكت قالت عموما انا كنت بهظر معاكم ،،شفت الحب البيناتكم قلت اشوف ردة فعلكم ،،،عمار  ده قال ليها بصوت عالي لمن هي نطت، ،،دي حاجه تهظري فيها!!!،،، انتي جايه تفحصي ليها ولا تلعبي معانا ،،،والله الدكتورة دي لمن قربت تجري ،،،قالت ليهو انا انا بعتذر ،،، قال ليها اطلعي بره ،،،، قالت ليهو بس ،،،قال ليها بره بره واعقابك معاي انا ،،،،جرت جري ،،،تاني ما شوفتها الا وهي مافي ،،،المشكلة هي جات فوق جرح، ،ده ما وقتو خالص ،،، الدخلت فينا ما اظن تمرق بالهين ،،،بعد مسافه قبل علي ،،، قال لي حاسه بأي تعب !!!!!،،، ما رديت ،،، ما عارفه وقتها كان احساسي شنو بالضبط بس كان في زعل جواي ،،، لسه حكايه انو استغلاني  دي راكزه في عقلي ،،، داير يتكلم ،،الباب دق ،،بعديها امي دخلت ومعاها  الباقين ،،،هو  اوتومتك  اتحرك من جبني ،،،امي دي تبكي وتستريح، ،قالت لي بقيتي علي انتي وابوك  يابتي ،،، قلت ليها لاااا يا امي انا بقيت كويسه ،،،عمي عبد الله قال لي قلت ليك ارجعي ابيتي اها شوفتي الحصل ليك ،،،،قلت ليهو هسي ابوي كيف ،،، قال لي كويس الحمد الله بس منتظرين متين يصحا، ،،،سكتت ،، قلت ليهم خلاص خليكم معاه انا بقيت كويسه، ،، فعليا بعد مسافه طلعوا كلهم ،،، ورنا دي دايره تتكلم معاي ،،بس تاني طلعت ،،، شفت بسمه واقفه بعيد ،، حاسه في حاجه بيناتهم بي ما ركزت، ،مشاكلهم البسيطه دي وين لي مشاكلي ،،، ألين قعدت معاي  ،،بعد مسافه جاتنا زوبه تبكي ،،قالت لي هديل !!!!! سللاامتك  يا قلبي ،،،بالسلامه لي عم احمد ،،، جات قعدت جنبي ،،، قلت ليها الله يسلمك يارب، ،،، قالت لي كنت مسافره اول ما سمعت طوالي قطعت تذكره  وجيتك ،،،، قلت ليها ما بتقصري  يا زوبه قعدت معاي مسافه ، جات هاجر وهي كذلك تعتذر انها ما جات طوالي ليه ،،، قدرت ظروفهم،، جاتني السستر  طلعت الدرب قالت لي ما اوصيك على الاقل اكلي!!!،،،زوبه وهاجر اتونس معاي ،،بعديها مشوا قال بجوا بكره ،،،، عمار تاني ما شفتو الا بليل لمن قالوا ابوي صحى وكذا ،،، شفتو واقف بعيد ،، فرحتي ب ابوي ما خلتني مركزه معاه ،،، كنت مبسوطه شديد ،،،، والناس تحمدلله لينا في السلامه، ،، بعد ما نقل ابوي الغرفه عاديه ،،، اول ما شفتو قدامي صاحي بكيت ،،، هو بس كان بعاين لي ،،، أشر لي بيدو نظام تعالي ،،جيتو وقعت في حضنو وانا ببكي ،،،هو زاتو بكى قال لي يا بتي اعفي لي ،،،وانا ما فاهمه اعفي ليهو عن شنو بالضبط بس كنت ببكي ،،،قلت ليهو عليك الله ما تخوفنا  عليك تاني، ،،قال لي يا بتي الاعمار دي بيدي الله ،،مافي زول عارف بموت متين!!!!،،، قلت ليهو من بين دموعي وانا بشهق ربنا يطول في عمرك يا رب ،،،قال لي طول العمر ما حاجه سمحه لكن يا بتي ،،،، ما رديت بس انا ببكي ،،، جاني صوت عمي قال لي ابوك تعبان بتبكي هسي هو كويس برضو تبكي ،،،عمي داير يلطف الجو  ،،،، بعديها كلهم  جو سلموا على ابوي ،،وانا بقيت قاعده جنب كرعينو ما مصدقه ،،،نهايه ما ح انسى الحلم الشُفتو وانا بتخيل راح فيها ،،،، الحمد  الله انو قدامي ،،، بقيت افكر اني لازم اريح ابوي يعني اشوف لي شغل اشتغل ،،، بعد كدا خلاص يرتاح ،،، عارفه انو ح يعترض، ،بس لازم ،، الفايده حقتي شنو وقت يكون محتاج لي ما يلقاني، ،، ما ح اخلي شعور  انو  ربنا ما رزقووولد يخليهو يندم او يتحسر ،،،، قلت اكلم عمار اشتغل في شركتو  بدل ابوي ،،،بعد كدا فتر خلاص ،،جاتني مراره في حلقي احساس زوجي مدير الشركه وانا اجي اشتغل تحتو  ،،، بس الشغل شغل في النهايه على الاقل قروش حلال ،،  حسمت امري ،،، جاء الدكتور قال على بكره كدا يطلع ،،، طلعت وانا بفتش في عمار قلبت المستشفى دي قلب ما لقيتو ،،،اخر حاجة  طلعت بره  قلت يمكن بره ،،برضو مافي ،،جيت داخله و انا حاسه بخيبة امل ،،،  سمعت صوتو و هو بقول لي كنتي وين؟؟؟ اتلفت بفرح ،،،لقيتو شايل في يدو علب حلاوة واكل،،،جاني شعور حلو ،،،ابسط حاجه عمار ده مهتمي بيها ،،، قلت ليهو كنت بفتش عليك ،،، عاين لي باستغراب !!!!!،، قلت ليهو جيب جيب اشيل معاك ،،، قال لي لاااااا بشيل براي خليك انتي  ،،كنتي بتفتشي لي ليه !!!،،، قلت ليهو بصراحه دايره اشتغل معاك وكذا، ، لمن لقيتو ما رد حسيت انو ما ح يرضى ،،فطوالي قلت ليهو لو انت ما عايز تشغلني مافي مشكله بشوف لي اي مكان تاني ،،،سكت جاني قريب قال لي هو انا تشتغلي معاي عندي اعتراض خليها لمن تشتغلي عند غيري ده معنهاةاخر يوم ليك ،،، سكتت ،، ردة فعلو كانت  عنيفة لدرجه زعلت ،،، ومشيت طوالي من قدامو ،،قصدو شنو ب اخر يوم ليك  !!!!؟؟،،، يعني لو ما عايزني اشتغل  يقول لي عشان اتناقش معاهو بي ما يقطع الموضوع من راسو، ،،،بعد كلام ده بقيت اتجنبو  لحدي تاني يوم ،،، كنت مستغربه في ابوي كل ما اعاين ليهو بصادف انو بعاين لي ،،نظراتو ما قادره افسرها ،،،لمن جينا نطلع ابوي ركب مع واحد من اعمامي ،،،  وامي معاه ،،دايره اركب ،،ابوي قال لي ليه ما تركبي مع راجلك  ؟؟؟؟،،، حسيت ورا سؤال ده في حاجه ،،قلت ليهو لاااا بس قلت اكون معاك ،،قال لي انا كويس امشي اركبي مع راجلك ،،قلت ليهو كويس ،،، مشيت، ،لقيت عمار واقف زي الكأنو منتظرني ،،، قال لي كويس جيتي براك ،،، قلت ليهو كما ابوي ما كان جيت ،،، حسيت بيهو اضايق،،بس ما اشتغلت بيهو ،،،رغم انو عمار ما كان مقصر معاي نهائي ،،،واصل لي درجه برجع البيت يجيب لي هدوم ويجي ،،، في العربيه ساكتين، ،،قال لي ممكن افهم دايره تشتغلي ليه ،،، قلت ليهو يادوب داير تسأل ؟؟؟ قال لي انتي ما خليتي لي طريقة أسألك ،،، قلت ليهو بس انت حزمت الموضوع طوالي قلت لي مافي ،،، قال لي هسي وريني دايره تشتغلي  ليه !!!،، قلت ليهو تاني ما دايره ابوي يشتغل وكذا، ،،عاين لي ،،،قال لي ببساطه ما تشتغلي وانا بصرف عليكم ،،، قلت ليهو لااااااا لااا  انا عايزه اشتغل واصرف عليهم  ،،، قال لي مش قروشي هي قروشك؟؟؟؟؟؟؟ سكتتتت ،،، قلت ليهو ابوي ما برضى ،،، قال لي انتي مشكلتك عم احمد ولا انتي اصلا عايزه ؟؟؟،، قلت بصراحه انا عايزه اشتغل ،،، قال لي بس ح تقدري توافقي بين البيت و الشغل ؟؟؟؟،،، حسيتو بقلل من قيمتي  قلت ليهو ااااكيد  طبعا ،،،هز لي راسو ،، عاينت بالقزاز  ،،،، ما عارفه علاقتي مع عمار دي ح تمشي لي وين ،،، يعني  ما متفهمين  ،،،وصلنا البيت  لقيت رنا و زوبه وباقي بنات الجيران و بنات اهلي منظفين البيت  ،،، بعديها  بيتنا ده اتملئ ملي بالناس مافي زول ما جانا كنت مركزه انو علياء ما جات ،،بس متوقعه منها كدا هي في بيتها ما مستحملاني لمن تجيني هنا ،،،، الا كان القيامه دايره تقوم ،،، لحدي بليل كدا الناس خفت ،، بس في اعمامي في الصالون ونسوانهم احساس بكره في كرامه وكذا، ،، عمار اتصل بي ،، قال لي اطلعي لي بره ،،قلت ليهو هسي قال لي اي ،،، قلت ليهو كيف اطلع واخلي الناس معانا والبيت ماشاء الله  ، ،،قال لي ماهو يا تطلعي يا اجيك ،،حسيت انو مجنون ممكن عادي يعملها ،، اقرب توب جنبي، ،، رنا قالت لي وين ماشه، ،قلت ليها عمار منتظرني في الشارع، ،ابتسمت قالت لي يوم واحد من دونك غالبو!!!! ما رديت ليها  طلعت ليهو طوالي ،، لقيتو منتظرني في العربيه ،،، ركبت قلت ليهو عمار !!!!! وانا باخد انفاسي ،،اول حاجه عملها نزل التوب من راسي ،،، عربيتو مظلله، ، وخت يدو في وشي قال لي بالنسبه لأنو ح تنومي في بيتكم !!!!،،، طيب انا امشي وين ؟؟؟؟،،، عاينت ليهو بإستغرب !!! قال لي رايك شنو تبيتي في بيتك❤،،، قلت ليهو ما بقدر قال لي اهون عليك؟؟?؟ قلت ليهو ما كدا بس يعني لو  مشيت معاك هسي بكره الصباح ما بقدر اخت وشي في وش زول !!!!!،، قال لي ليه؟؟؟ انا معرسك بالسر ما كلهم عارفين اني راجلك ،!!! قلت ليهو عمار عليك الله ما تحرجني ،،، سكتتت ،،، حسيتو اتعصب ،، قال لي تمام انزلي، ، قلت ليهو عماااار !!!!،،، قال لي ما مشكله انزلي ،،فتحت الباب اترددت  تاني قفلتو
جيت عليهو بوستو في خدو مسافه ،،بعديها رجعت ،، وانا حرفيا وشي  بقى محمر ،،، هو عاين لي وضحك ب استهتار ، قال لي انتي بتراضي في ود اختك !!!؟؟،قبل ما افهم  جارني عليهو لدرجه وقعته عليهو ،،،تاني ما شعرت الا انفاسنه انقطعت  ❤،،، هو لصق جبهتو في جبهتتي ويديو لسه في رقبتي من ورا ،،،صوت انفاسنا عالي حرك انفو مع انفي وقال لي اتعملي اتعملي يا عمري لمتين ح اقعد اعلم فيك ،❤!!!،،،
....
# "وكأن القلوب تشتاق وكأن القلوب تتعانق!!"❤❤
___________________
يتتبببع