دوافع الحب ♥

4

#دوافع_حب4
#نون_علي

حبست نفسي في الغرفه واكبر مخاوفي بتحصل انو يحن لي مرتو الاولى  او يحاول يرجع ليها ،،كميه من الاحباط ما عادي ،،اخير لو كنت بعيده منو علي الاقل مقتنعه بعد هسي قريب وبعديه في نفس الوقت ،،،بعد مسافه سمعت الباب بدق ،،يادوب فكر يجيني يادوب اتذكرني، ،،،قال لي هديل افتحي الباب !!!! لمن لقاني ما رديت قال لي  هديل ،،،وضرب الباب ،،، في النهايه مسحت دموعي وطلعت ليهو بعد ما سمعتو بقول لي لو مافتحتي بكسرو ليك ،،،،  واضح اني كنت ببكي ،،قال لي ليه ليه يا بت الناس بتعملي في نفسك كدا ،؟؟،، سكتت  قال لي تعالي تعالي وداير يجرني عليهو ،،،وقتها ما قدرت فقلت ليهو اقيف اقيف ،،، بعد ما خلصت مكالمه مع هند جايني  تشوفني يادوب ،،،انت وقت ما بتحبها معرسني انا ليه ،،،؟؟؟؟ سكت مهجوم فيني ،،، قبل ما يرد قلت ليهو ولا  شعره تاني ما تمسها مني ،،، ودخلت غرفتي ما عارفه تصرفي ده صاح ولا غلط ،،،بس الغيره بتعمي العيون وتخلينا ما شايفين قدامنا ،،، ما بلومو براهو انا زاتي غلطت لمن وافقت يعني ما كنت عارفه ح يحصل ده كلو،،،، ما دخل علي تاني دخل غرفتو ومن اليوم داك زي الما عايشين مع بعض ،،،تبعد كم يوم من الموضوع ده سامعه حركتو زي البقول لي قومي في النهايه لمن غلبو دق لي الباب قال لي انا ماشي الشغل عايزه حاجه ،،،، اتهجمت يعني حتى لو بين خلاف حتي لو ما بحبني مفروض يقدر انو نحنا عرسان  نظرت الناس لينا شنو ؟؟؟؟،،، لمن لقاني مهجومه قال لي مضطر امشي في مناقصه استلمها واجي ،،،، عاين لي مسافه قال لي عايزه حاجه ،،،هزيت ليهو راسي ،،،، داير يقرب بس شكلو اتذكر كلامي طوالي سحب خطواتو قال لي طيب  امشي انا .....

_______________
من جانب رنا
وقفت قدام يوسف قلت ليهو انا موافقه ،،،  ما رد لي بس اختو قالت لي موافقه علي شنو ،،، قلت ليها يوسف بشرح ليك ،،، ومشيت لقيت اخواتي منتظرني مشيتي  وين انتي ؟؟؟؟ وسن قالت لي ما شوفتي بسمه عملت شنو قال جات قالت لينا قول لي اختك الملصوقه في خطيبي احسن ليها تخليهو ،،،،ألين قالت لي عملتي شنو انتي ،،قلت ليها لا ما عملت حاجه بس هي قالت كدا ؟؟؟؟ عاينو لي الاتنين بطبعي هاديه بس المرة دي نهائي ما ح اكون ليهم الضحيه  مشيت ليها افتش فيها البيت ركن ركن قالوا رجعت ،،قلت في  نفسي ماشي عندنا بيت يلمنا يا بسمه ،،،تاني يوم اهلنا قالوا ماشين وكذا انا قلت ليهم ح اقعد مافي زول اعترض نسبه لانو خالتو  فاطمه بقت براها ولسه معاها الضيوف ،،،  اخواتي عارفين عايزه ابعد من حسان ومن البيت البجمعني بيهو ،،، بس دي تفوت علي حسان جاني داخل وولا قال في بنات ولا في ضيوف ،،قال لي ممكن افهم دايره تقعدي ليه ؟؟؟  سبب واحد يخليك مافي ،،،قلت ليهو  عايزه اقعد فيها حاجه ما انا ياما جيت قعدت هنا مالك ما اعترضتَ، ،قال ليها هسي الوضع مختلف ،،،قلت ليهو  مختلف ؟؟؟؟؟ وهو انت  ما خاطب ما جبت خبري هسي وخاطب ح تجيب خبري ،،،،قال لي رنا امشي بالتي هي أحسن وارح بيت ،،قلت ليهو ما ماشه، ،،قال لي انتي من متين بقيتي  تاخدي قراراتك براك، ،ضحكت بيني وبين نفسي ما انا الغبيه الكنت عامله فيها البت الما بتطلع الا باذن ود عمها ،،،اكيد كان شايفني البت الهبله البتجري وراهو وما عندها شخصيه وقرارو هو قرارها ،،، ليهو حق يشوف نفسو علي بس تاني لاااا  ،،،قلت ليهو ما ماشه ما ماشه ما بتفهم؟؟؟؟؟ هنا الناس انتبهت علينا حبوبتي قالت ليهو ها يا ولدي خليها تقعد مالك انت ،،قال ليها لااا يا حبوبه بتجي مرة تانيه  احسن ترجع ،،،حبوبتنا التانيه قالت ليهو  دحين هي ما ماشه  ح تجبرها ،،،قال ليها وهو بعاين لي اي بجبرها،،،،حبوبتني التانيه قالت ليهو ليه كنت عاقد عليها ونحنا ما عارفين ؟؟؟؟،،،بقيت بعاين لحبوبتي في قلبي بقول ليها ينصر دينك يااخ ،،،،خالتو فاطمه ادخلت قالت ليهو انت  يا حسان خليها تقعد واقعد انت زاتك ،،،عاينت لخالتو فاطمه نظام انا هاربه منو من هناك اجي القاهو هنا ،،،قال ليها بس قالت ليهو من دون بس اقعد البيت بيتك ،،،،سكت ،شكلو ضرب الموضوع في راسو قال ليها سمح بقعد وعاين لي وقال بصوت واطي مفتكره ح اخليك  انتي ويوسف  براكم علي جثتي يا رنا قال كلام  ومشى ،،لا اراديا انا الهبله بقيت بضحك بالجد علي قول هديل البني آدم لمن تكون النعمه في يدو ما بحس انو خلاص ح يخسرها، ،،،بس يا فرحه ما تمت بسمه اول ما عرفت جات زاتها  قالت ح تقعد يومين ،،،ها انا هاربه منكم من هناك القاكم هنا !!!!
_________________
من جانب عمار
-كيف الكلام ده يا عمار انا صاحبك القديم ومفروض تقيف معاي ،،،،
عمار قال ليهو بقيف معاك ايوة بدعمك ماديا  واي حاجه بس المناقصة دي ما بقدر اتنازل عنها ..
قال ليهو يا عمار افهمني انت عندك شركات كتيره ما وقفت على المناقصة دي انا محتاج ليها عشان اقدر اقيف من تاني وارجع اسهمي في السوق من اول ،،، قال ليهو انا متفهم عشان كدا ح ادعمك ماديا  يعني كل احتياجاتك علي واعتبرها سلف لمن ترجع اسمك في السوق تعال رجعها  لي ،،، قال ليهو ايواا بقت كدا يعني ح تبخل علي بشويه مناقصه  على فكره انا ما محتاج قروش عشان  اتسلف منك ،،انا جيتك وانا عشمان فيك بس طول ما انت بالانانية  دي كلها لازم تعرف اني من اليوم ما صاحبك، ،،،عمار ضحك قال ليهو وانت من متين كنت صاحبي ؟؟؟ بس ما علينا المناقصة دي تلزمني وتنازل ما بتنازل عنها يا محمد ،،،قال ليهو ايوااا ده اخر كلامك قال ليهو ايوة ،،،قال ليهو تمام يا عمار  الايام بيناتنا، ،،، وطلع علي كدا ،،،
بعد ما طلع قعدت مع نفسي  ما حصل عملت حساب لي زول وبااذات في الشغل بس محمد مهما  كان في يوم صاحبي حتي لو خذلني مرة بس برضو العشره ما بتهون الا على اولاد الحرام ،،،لقيت  تلفوني اتصل هديل !!!!!! قلت لي في نفسي والله حيرتيني  معاك ،،،مرة احس انك عايزني مرة احس انك  بتكرهيني  ،،، رديت ليها اختصرت المكالمه كلها في انها نازله قلت ليها لاااا ما بتنزلي براك ،،،خليني اخلص واجي اطلع معاك ،،،سكتت مسافه شكلها ما مقتنعه ،،،قلت ليها هديل اسمعي الكلام ،،،قالت لي طيب ،،وقفلت على كدا ،،ضحكت يعني مهما تبين انها قويه بس هي طيبه وعفويه ،،،،طول عمرها هديل عجباني بس الكان موقفني اني اني ما ح اقدر احقق ليها انها تكن ام رغم  انو الدكاتره قالو ماشي كويس بس برضو، ،،،،عشان كدا ما كنت داير اعرسها من البدايه خوفته انكسر على يديها او تعيرني بالحاجة  دي ساعتها انا ما عارف كان ح يحصل لي فيني  شنو  ،،،،  اتذكرت  قبل كم يوم لمن  قالت لي ما تمس شعر مني ما عارف الشقلب حالها شنو ،،بس اكيد سمعت حاجه من كلامي لي هند يعني هند  لا ح تريحيني  هي موجوده ولا هي مافي ،،،رغم ده كلو الحمد الله  انها بقت زوجتي ومن حقي والباقي كل بهون ❤❤ ،،غبي ضيعت علي نفسي سنين على الفاضي ساي ،،،بس المهم هي معاي ،،،