دوافع الحب ♥

7

#دوافع_حب7
#نون_علي

كان انسب حل إني اعمل نفسي غمرانه ،،بس لمن شوفت هجمتو علي قربت اقول ليهو انا كويسه مافيني حاجه ،،، قلبي وجعني لمن سمعتو بئنب في نفسو ويلوم فيها بس قلت يستاهل  عشان تاني ،،شالني وضماني عليهو  وطلع بي لي بره ،،كنت مفتكره ح يختني في السرير بس قعد في السرير وهو لسه شايلني  قرب وشو مع وشي، ،قال لي عارفك كذابه افتحي عيونك ساي،،  فتحت عيوني بسرعه، ،،ابتسم  قال لي ممثلة فاشلة ،، على الاقل  كان تحافظي على توازن انفاسك ،،ما معقوله اول ما اهبشك جسمك يرجع وانفاسك تبقى ما منتظمه  وده كل غمرانه ،،، لا عرفت اضحك لا عرفت اصفق ليهو على التركيز الفيهو ،، لمن شافني ساكته ،،رجعني على السرير و ضمني عليهو قال لي ما تعملي فيني تاني كدا ،،،ما بتعرفي البحصل فيني شنو يا بت  ،،،، لمن اتذكرت الحصل و هند بقيت ببكي ،،رفع راسو عاين لي قال لي ليه ليه !!!!! سكت وزدت في البكاء ،،قال لي  بسم الله !! ده كل عشان هند ،،دي اصلا ما بتستاهل دمعه ،،قلت ليهو بس العملت انت ما هين بالعكس بدل تشاكلها شاكلتني انا ،،، وبقيت ببكي بصوت ،،سكت مسافه هو بمشي يدو علي ضهري ويحاول يهدي فيني ،،، في النهاية لمن غلبو رفع راسي بيدينو بحيث وشي يبقى مقاصد وشو ،،،قال لي انتي مفتكره اني خليتها كدا من غير ما ارجع ليك حقك لااا يا ستي ولا عاش ولا كان البهينك  انتي عندي حاجه ما هينه عشان اخلي اي من كان يهبشك، ،، عاينت ليهو  وابتسم لمن لقاني ساكته  او مستغربه في كلامو قال لي بعدين انا دايراك،،،  تصالحيني،،عاينت ليهو نظام اصالحك  ؟؟؟؟ قال لي اي تصالحيني  قبيل خالفتي كلامي وانا ما عندي زول بخالف كلامي ،،،سكت قلت ليهو بس انت كمان شاكلتني !!!  قال لي ااااا خلاص كدا ح نصالح بعض ❤❤❤❤ وللمرة  البعد كم هو ما يمهلني ❤❤
"لم يكن بالنسبه لي عمار فقط بل الميم هونت علي وانزاحت قليل للالف  ليسبقها ❤ ويبقى العمار الذي يحل قلبي ❤"
___________________
رنا
رجعنا البيت واخواتي مشغلنها لي ،،، ألين قالت لي مشيتي هربانه منهم جوك لحدي عندك، وسن قالت لي وهسي رجعوا معاك🤣،،، بركاتك يا اختي ،،،سكت ما رديت ليهم كفاية على اني بقيت مع حسان يعني القعده هناك ما جات بالخساره، ،، بعديها الوضع بقى كالاتي لو في اي حاجه دايره حسان برسل بطلب عديل رنا  في الاول كنت بخجل من ناس البيت بس لقيتهم ما مركزين معانا شكلهم متعودين  او  عشان انا بعمل ليهو اي حاجه فبقت ما فارقه معاهم ،،، المشكله بقت في اخواتي هم على فهم اني خلاص حسان ده مفروض اخليهو وكذا بس هم ما عارفين الحصل شنو، ،،لحدي ما في يوم كنت ماشه على بيتنا وخليت اخواتي مع حبوبه ،،واثناء ما ماشه حسيت بحاجه بجرني  من يدي  على زقاق كدا فاصل بين بيتنا وبيت حبوبه ،،، دايره اصرخ قفل خشمي قال لي ده انا يابت ،!! قلت ليهو حسان الجابك هنا شنو !!! قال لي جابني الشوق ما معقوله ما قادر اشوفك ،،، قلت ليهو بس معظم وقتي معاك بالتلفون ،،قال لي التلفون ده تصبيره ،،،وبعاين لي شديد زي الزول البيحاول يحفظ ملامحي  ،،،، قال لي انا بعد كدا جبت آخري لازم لازم بعد كدا نعرس بعض ،،اتهجمت اي حاجه كنت متوقعاها الا انو موضوع العرس ده حسيت الموضوع ده صعب شويه ،، قال لي مالك سكتي ،،متوقعه مني كل مرة اجي اجرك كدا زي العامل حاجه غلط لاا الموضوع ده ما بمشي كدا انا داير امسك يدك قدامهم كلهم ،،، ما عارفه جاتني بسمه  في بالي ليه ،،قلت ليهو طيب بسمه ،،عاين لي قال لي انتي عارفه انا بسمه دي اصلا ما كنت عايزها بس وقت اعترفتي لي ما كنت متوقع من الحاجه دي يعني انتي بالنسبه لي اختي ،،لمن قال كدا دموعي خلاص دايره تمشي ،،مسكني من يدي قال لي طيب خليني اتم كلامي ،،قلت ليهو  داير تقول شنو تاني !  شال نفس قال لي ممكن افهم هسي بتبكي ليه انا لسه ما خلصت كلامي، ،،،سكت ،،اخد نفس قال لي ايوا يارنا انا كنت معتبرك زي اختي  عشان كدا ما كنت قادر احدد موقفي معاك فجات خطوبتي من بسمه على حس انك تنسيني او تشوفي حياتك مع الزول المناسب معاك انا وقتها استخسرتك على نفسي بالنسبه لي انتي تستاهلي احسن من كدا، ،،بس  تجاهلك لي  خلاني ما قادر  استحمل دخلت في حرب نفسيا بقيت افكر لو عرسكِ زول غيري و يبقى تجاهل وفي نفس الوقت  اهتمام لزول تاني
ما كنت ح اقدر استحمل الحاجه دي عشان كدا  ما حسيت اني عايز اخسرك حاولت  ارجعك لي ،،افهميها زي ما عايزه تفهميها ممكن تقولي اناني او متملك المهم انتي تكوني معاي ❤ ،،، بعد ما انتهى من كلامو كنت مصدومه انو كل المشاعر دي كانت جواه ما عبر عنها،،، البركه والله في يوسف الخلاهو يتحرك،، لمن لقاني ساكته قال لي انتي عارفه يوم قولتي ليوسف موافقه عارفه الحصل فيني شنو انا قربت  اكسر ليهو راسو وراسك انتي كمان بالنسبه لي يا رنا انتي ملكيه خاصه بي انا  من حقي انا ما من حق غيري ما هو يا نعيش سوا يا نموت سوا ،،،،، كلامو ده خلاني في وضع  اتصرف كيف ما عارفه  ،،، بس قلت ليهو يا بختي انا بيك والله ❤،،،قال لي يا بختي انا والله عايز يقرب بعد مني سريع قال لي امشي امشي من قدامي ،، ضحكت كوني شايفه تاثيري على حسان دي براها بالنسبه لي انجاز او حاجه حلوة ،،عاين لي بغيظ قال لي ما تضحكي هي ناقصه هي،،امشي امشي سريع ،،مشيت خطوتين لقيت اخواتي قدامي ،،، دخلت في ضفوري اخواتي عاينوا لي وهن مهجومات ،،ألين قال لي ده شنو يا رنا ؟؟؟؟؟؟؟ بتعملي في شنو وحسان مالو !!! سكتت ،،وحسان ما رد،،المشكله انو عينو قويه بعاين ليهم زي كأنو ما عمل حاجه اي نعم ما عملنا حاجه بس وقفتنا  في حد نفسها غلط خاصه خاصه انو خاطب وهم عارفين الحاصل كلو ،،، ألين شكلها فهمت الوضع مسكتني من يدي قالت لي  لاا يا رنا شكلك اتهابلتي على راسك ده ،، ودايره تجرني ،،، حسان جاء فكاها مني و وقف قدامنا، ،كلنا رافعين  راسنا ليهو ،، الطول  والعرض ليهو دور والله، ،،قال ليها لو عندك كلام يبقى معاي انا ،،، لهجت صوتو خلت جسمنا يقوم سبيبه سبيبه، ،،ألين زاتها قويه قالت ليهو كلامي ما بيبقى معاك بيبقى لي الماعندها كرامه دي ،،،، قال ليها كرامه!!!! بالنسبه لي شنو  انا عايزها زي ما هي عايزها، ،،عاينت ليهو قالت ليهو عايزها ؟؟؟ وده من متين ان شاء الله ،،، انت عارف رنا دي كم مرة بكت بسببك كم مرة زعلت و ساهرت الليل بسببك !!! عارف  لاااا ما عارف صح ،،طيب يوم اعترفت ليك عارف الحصل عليها شنو، ؟؟ جيت اتفقدتها  جيت شوفت الحصل معاها شنو ؟؟؟؟ لااا انت بكل بساطه مشيت خطبت بت عمها ،،متخيل وقتها كان شعورها شنو ؟؟؟؟ بتصدق لو قلت  ليك قربت تروح مننا بسببك ،،، هسي جاي تقول ولا كانو حصل حاجه انك عايزها !!!! وين كنت من زمان ما تقول لي ما لاحظت  لتصرفاتها  ولهفتها عليك ،،لا لدرجه انت استغليت  الوضع وبقيت تتحكم فيها بعدلك وهي راضيه بالحاجه دي كانت منتظره منك اقل اهتمام بس وين  انت استكترتو  عليها  ،،، لكن ما بلومك بلومها هي   الهونت مشاعرها  ليك ،،وبعد ده كلو جاي ترجعها ليك بعد ما حسيت انك خسرتها جاي تملكها من الاول ،،انا متاكدة انك ما بتحبها انت بتحب اهتمامها بس ،، مافي حاجه اضمنك بيها عادي ممكن تخذلها تاني بعد ما عشمتها فيك يعني ايام  انت ما كنت مقدم ليها حاجه انكسرت من تصرفك ،،،هسي وانت مقدم ليها و مخليها فرحانه بيك ح يحصل ليها شنو  اأكد ليك تمام المرة دي ما ح نقدر نحصلها اختي وبعرفها حتموت نفسها ح تروح فيها بسببك  ح.... ما تمت كلامها  لانو في اللحظه دي  ضمني  عليهو  شديد ولا كان هاميهو  الواقف منو ولا الفي منو ،،، بس ضماني  بكل قوتو زي كأنو بقول لي مستحيل اخليك ،،، انا  كان كل ما تقول كلام ببكي زيادة قدرت تقول الما قدرت اقولو لانها ما كانت خايفة منو ما خايفة انها تخسرو بس انا كنت خايفه ..انا جربت شعور انو بعيد عني حرفيا كنت بموت ببطء، ،فاول ما لقيت انو عايز فرصه مني ما قدرت اقول ليهو لااا  ،،، يخوانا الحب ده كدا بخلينا  فاقدين المنطق ونجري ورا سعادتنا ما بخلينا نشوف انو عندنا كرامه لانو بكل بساطه في الحب كل قيود عزة النفس بتنهزم  قصادو  ،،،فبنبقى شاكين و بكاين ،،وبنكون دارين الزول ده معانا ،،،،حسان حرفيا لمن كان ضاميني عليهو كنت متاكده انو حاليا ما حاسي بزول ،،لحدي ما جات بسمه حاولت اتفك منو واخواتي بقو ينبهو فيهو بس هو ولا كأنو معانا،، لمن حس بينا  واستشعر وجودنا  ،، زح مني شويه وباسني في جبيني قدامهم كأنو بقول ليهم ايوا انا عايزها ،،، قال لي الايام بيناتنا❤،، عاين ل ألين  اوعك تملي ليها راسها بالكلام ده و قال بصوت عالي كل واحده فيكم تمشي تشوف شغلها ،،،عاينا لبعض باستغرب ،،، تاني مرة قال بصوت اعلى كلو على بيتو سريع ،،،فعليا ما لقيت زول قدامي اختفو في لمح البصر ،،البشوف ألين اختي وهي بتتكلم معاه ما يشوفها وهي جاريه منو ،، انا ما قدرت اجري لانو ماسك يدي ملامح وشو ما كانت بتفسر  هو بعاين ليهم اول ما فاتو وقبل علي ملاحو لانت وبقت هاديه سبحان مغير الاحوال، ، قال لي صبرتي على ده كل براك، ، وانا المتخلف ما كنت عارف حاجه اعفي لي يا بت الناس بس كلو بتعوض،، عمرك ما تختي في راسك اني ممكن اخليك انتي حاجه عظيمه عندي ❤❤ دايره ارد قال لي كفايه السمعتو الليله ح يخليني لي باقي عمري كل اسدد في الحاجه العملتها ليك ،،، هسي امشي البيت ،،،سكتت ،،قال لي امشي ،،عاينت لي يدي ماسكها قوي ،،ركز ل يدي قال لي ما هين علي افكك بعد ما لقيتك بس كل بهون وانا وانتي والزمن طويل ❤❤،،،
على كدا مشيت بيتنا والأرض دي ما شايلاني  اقرب اقوم انطط لحظتها نسيت اي حاجه عملها لي وبقيت مركزه مع الحاضر وبس ،،كلام اختي ألين  صح وما بغلطها على القالتو  بس كمان هي ما حاسه ب الانا حاسه، ،،ده ما حب يوم والليله وبس لاا ده حب اتوالد جواي من انا صغيره لقيت نفسي بالفطره كدا مايله ليهو ،، اول ما دخلت غرفتي لقيت اخواتي منتظرني  ،،قلت ليهم  قبل ما تقولو اي حاجه انا اديتو فرصه تانيه ،،، اتهجمو لدرجه ألين مسكتني  من كتفي وهي بتهز فيني قالت لي جنيتي  انتي جنيتي  وريني ؟؟؟؟؟؟؟؟؟  يا غبيه ده حسان  الطول عمرو ما شايفك ولا جايب ليك خبر خلاص ما هانت عليك نفسك ؟؟؟؟؟؟،، وسن قالت لي  ليه تعملي في نفسك كدا وريني ؟؟؟؟؟،،،، لو قايله حسان ده هسي معاك كويس بكره بتغير عليك ؟؟؟ قلت ليهم مستحيل يتغير علي ؟؟؟ ألين  قالت لي خلاص لعب ليك بعقلك؟؟؟؟،، طيب وريني يا بتاعت المستحيل لحدي هسي ما انفصل من بسمه ليه ؟؟؟؟؟،،، راجي شنو ،،،، وبعدين كيف تسمحي ل نفسك تقربي من زول خاطب بت عمك، ،وقلت ليها انا ما قربت وانتو عارفين كويس انا الهربت منهم وهم جوني وانا ما اتدخلت في خصوصياتهم  وهم الاتدخلو في خصوصياتي  انا ما غلطت عليها هي الغلطت علي وريني انتي هي ما كانت شايفاني  بحب حسان كيف ،،،قالت لي حتى ولو ده ما مبرر  ،،ونفترض انها شايفاك  عايزه حسان بس ما جات قالت ل حسان تعال اخطبني انتو قايلين الموضوع لعبه يخطب على كيفو ويربط على كيفو طيب بت الناس ديك ذنبها شنو ؟؟؟؟؟،،، قلت ليها ذنبها شنو يا ألين خلاص نسيتي هي كانت بتتعامل معاي كيف خلاص بقيتي تحامي  ليها نسيتي اني انا اختك ،،، ياخ ما انتي كنت شايفه  البحصل معاي،،، قلت الكلام ده بقيت ببكي حرفيا انا تعبت طول عمري بفكر في غيري ولمن جات فرصه افكر في نفسي كلهم وقفو ضدي ده كل ليه !!!!،،،، ألين حضنتي قالت لي يا غبيه في زول بقيف مع الغريب ويخلي اختو ،،بس كمان يا رنا عشان ده كل انا ما دايراك تتعبي ،،، عشان الشفتيهو ما حاجه هينه ،،عشان عارفه الناس دي ما ح تقدم ليك حاجه انتي ليه ما دايره تعرفي قيمه نفسك ليه ما عايزه تفهمي انك جوهره و اي زول بتمناك ،،،قلت ليها دي ما حاجه بيدي اختيار  اننا نحب منو دي ما حاجه نحنا بنحددها  بنلقي نفسنا كدا خلاص حبينا الزول ده ،،شوفتي ليك زول حب زول لمجرد انو قال مفروض احبو ؟؟؟؟ دي حاجه بيد مشاعرنا  وعواطفنا  ما بنقدر نقول ليها لا ده مناسب معانا وده لااااا ،،، قالت لي اي نعم  ما بنححدد ولا بيدنا بس بنقدر نبعد؟؟؟؟؟؟؟،، قلت ليها ليه نبعد طول ما عندنا فرصه نقرب ليه نجري من سعادتنا طول ما هي قدامنا!!!،،قالت لي بكل بساطة لانو ح نتعب ،،ح تعيشي مجهجهه  بين نارين يعني متاكده حسان ح يعيشك يومين حلوين ويومين متغير عليك !!! افهميني حسان ما بحبك انتي ك رنا بحب اهتمامك فيهو ،،، طيب وريني  هو عارف انتي بتحبي شنو وبتكرهي شنو؟؟؟؟؟ عارف ادق تفاصيلك ،،، الحب دا يا رنا ما ب الكلام  في حاجات مفروض تكون معروفه من قبل الطرف التاني مش لمن نسألو نقول ليهو انت عارف نحنا بنحب شنو،،ونوريهو ،،،الحب الانتي واهمة نفسك ليهو عامله ليهو مبادئ من مافي احب اقول ليك غلط في غلط الحب ده زاتو دافع لحاجات كتيره ،،قلت ليها ومن الدوافع  دي اني  مفروض علي اقاتل عشانو، ،،هنا قطعتنا وسن قالت لي تقاتلي!!!! يا وهميه انتي قايله نفسك في حرب ؟؟؟؟؟؟ داخله منافسات انتي شنو اقاتل وبتاع لاا عليك الله جيبي سيف  وبقيها حرب بعدلها ما ده الناقص ،،،، هنا انا و ألين ضحكنا، ، ألين قالت لي طيب يا رنا طول ما عايزه تقاتلي قاتلي بس بعدين ما تجي تشكي وتبكي انا خايفه عليك ،،قلت ليها لاااا  المرة دي يا فوزته   قلت الحمد الله يا خسرت وبرضو الحمد الله اقول نلت شرف المحاوله، ،، وسن قالت لي انتي راسك ده فيهو شنو يا عبيطه ده حسان شنو نلتي شرف المحاوله؟؟؟؟؟؟،، قلت ليها اسكتي انتي ما عارفه حاجه ،،،قلت لي لا واضح انك عارفه ،،، و ألين عشان تغير قالت لي ما شوفتي قبيل لمن  كورك فينا انا قلبي ده وقع في كرعيني، ،،وسن قالت ليها لاا دي هينه في النهايه جرينا ،،بس  لمن حضنها ولا كننا واقفين ولا هببنا ،،،، ضحكت قالت ليها  عينو قويه، ،، وسن قالت لي ما شوفتي بسمه  دي شويه وكان ح تجي  توريك ليهو ،،،، ألين قالت ليها هي تقدر ؟؟؟؟ بس تقرب من اختنا دي والله نوريها ،،، ضحكت قالت لي اي ابتسمي يا جميل  ❤ ،،،مع اني ما واثقه من البنعمل فيهو ده بس عشانك  نشوف نهاية الموضوع ده وين ،،،جريت عليهم وحضنتهم الاتنين ،،،يا بختي يا بختي انا بيكم انا بحبكم انا بحبكم ،،،، وسن ضحكت قالت خلاص جنت 🤣💛💛💛 ،،، البركه فيك يا حسان الطلعت لينا الشخصيه الحلوه دي 🤣 قلت ليهم من زمان في بس انتو ما ملاحظين، ،قالو لي لااا ما بنلاحظ الا نحنا ،،وسن قالت لينا  ح تحصل حروبات تاني ،،ألين  قالت ليها  الله يكون في عونا نحنا ديل 🤣💛💛،،، امي جات داخله فينا قالت لينا وين انتو من قبيل ،،،لمن شافت وشنا ظاهر  علينا مبسوطين قالت الله  يديم الانبساطه  يارب ،،عاينت لي اخواتي قلت ليهم واحد اتنين ،،، بقينا  نسابق الحيصل  لامي اسرع منو ،،بقت تضحك فينا قالت خلاص  يا سوسن بناتك جنو ↖️💛🤣
_________________
هديل
صحيت لقيت عمار صاحي ابتسمت لا اراديا، ،،هو لمن لمح ابتسامتي قال لي صحي  النوم ،،مبسوطه؟؟؟، سكت غلبني ارد ،،، مش يدو على وشي قال لي لو مت هسي ما بكون داير حاجه خلاص بموت مبسوط في اكتر من كدا انبساطه ،،،قلت ليهو وانا بحاول اطلع في صورتي قلت ليهو بعد الشر عليك ،،، قال لي اممم طيب ما وريتني انتي نفسك  في شنو،،، بقيت بفكر قلت ليهو اااا انا ما نفسي الا في اولاد شبهك زيك كدا ،،قلت بعفويه عن رغم نفسي تتحقق 💛 بس ما عرفت غلطت في شنو عاين لي مسافه وبعديها قام بسرعة زي الزول الضربتو كهرباء، ،،اتهجمت قلت ليهو عمار،،، ما رد علي ولبس وطلع على طولو ،،،بقيت بفكر انا غلطت في الكلام ولا انا عملت شنو  انتظرت مسافه جاء تاني راجع وفتح الدولاب شال علبة سجارة وطلع من الشقه كلُ كلُ ،،بقيت مستغربه  ليه العنف ده كل  انا ما قلت حاجه والله ،،، سرحت في خيالي تاني قلت يمكن هو ما داير مني اولاد ما داير يربط نفسو معاي ،،، يربط نفسو ليه  بواحده ما صدقت اتقدم ليها ،،، لزوله مخلوعه لوجودو معاها ،،اتذكرت هند سنتين هم عايشين مع بعض ما ولادة يعني هو فهمو شنو يعرس و يطلق الواحده  ولا كيف!،، مشكلتو  شنو؟، ،،قعدت ابكي وشي ده وقع من البكى لمن اتخيلت مصيري ح يكون زي هند ،،،،، بعد ساعتين اتصل بي  فالاول اترددت ارد بس هو واصل في الاتصال  ،،بس رديت من غير ما يبرر لي موقفو او  يوريني عمل كدا ليه وخلاني في الحاله دي قال لي حضري حاجاتك ح نرجع الشقه الفوق ناس امي،،، وقفل اتذكرت دي نفس الشقه الكانت عايشه  فيها هند ،،يعني خلاص كدا الفاصل حقي انتهى ح اقعد زيها سنتين ويطلقني، ،،ياريتني  ما وافقت عليهو ،،،،بقيت ببكي يعني عمار ده من، النوعيه اليعيشك في سابع سماء وفي كسر من الثانيه يجيبك الأرض خابطه راسك ،،، ولا كأنو بعرفك ....بعد اخدت بكيتي بقيت بلم في الهدوم وانا مستسلمه لامر الواقع خلاص هي سنين وبنعيشها  وبنروح فيها ،،،حرفيا انا الحياة دي غلبتني  غلبتني والله،
_______________

من جانب بسمه كانت قاعده في غرفتها وحابسه  نفسها عليها امها قدر ما حنستها تفتح الباب ما رضت في النهايه قالت ليها الله يهدي  سرك يا بتي ،،،  بعد ما مشت امها بقت تبكي بعدلها  ،،لامت نفسها شديد اتسرعت في انها وافقت على طلب حسان لسه  بتتذكر لمن طلب منها في يوم عرس ود عمها صهيب وقال ليها انو داير يتقدم ليها كانت متاكده انو طلبو ده كان دافع لحاجه بس هي وافقت على امل انو يشوفها  او يلاحظ ليها ،،بس غير دخلت نفسها في متاهة  ما عارفه نهايتها  وين ،،، وهسي الليله ما اعمل  لشعورها اي اهتمام ولا كانها مخطوبه ليهو او هي على اسمو ،،، وب كل عين كان ماسك رنا ولا كأنها  هي حشره قدامو ،،والزاد عليها رنا دايما كانت بتشوف الناس بتفضلها عليها رغم انهم في نفس العمر بس هي دايما ماخده اي حاجه ليها ،،،فكانت كل ما تلقى فرصه في رنا ما بتخليها بتحاول  توري ناس البيت انها موجوده ،،، وهسي حسان  دايرها هي كمان ،،،بعد ساعات من البكاء اخدت قرارها ما ح تكون الطرف الدايما يقرروا الناس بدلها او تخلي الناس تحدد مصيرها فترت وتعبت نفسيا من الحاجه دي ،،، فأخذت قرارها  اذا هي خربانه تخرب عليهم كلهم واذا حسان ما شايفها تخليهو يشوفها ،،،ورنا زي ما هي ما راعت لمشاعرها هي ليه تراعي لمشاعرهاا!!!! ما ح تبقى من نوعيه البت البتقعد في السرير  وتنتظر تشوف الحصل شنو، ،،ما اتعودت على انها تشيل الصبر بعكس  بتخلي الصبر هو يشيلها    ......
___________________
رنا
بعد الحصل بيني وبين اخواتي يادوب حسيت انو وراي ضهر، ،،وراي سند   اقدر وادافع وبعديها نشوف البحصل ،،،بعد الكلام ده لقيت اتصال من يوسف اتوترت توتر يعني يوسف ده طلع من بالي كل شين في حقي والله بعد ما قلت ليهو موافقه اجي اقول ليهو معليش غيرت رايي ،،، في النهايه لازم يعرف ردت ليهو قال لي وين انتي !!!معقوله تمشي ما تقولي لي  ،قلت ليهو يوسف بعتذر ليك والله بس كنت مستعجله ،،سكت ،،بعديها قال لي مستعجله انتي ولا حسان مستعجل عليك، ،،،قلت ليهو يوسف  واله يعني بس ،،قاطعني قال لي ما عارف ليه حاسي انك باديه تتغير علي ؟؟؟؟ استغربت هو انا متين اتعاملت معاك كويس لمن تقول اتغيرت عليك،،،لمن لقاني ما رديت واصل قال لي انا عارف بتفكيري في شنو بس نحنا لازم يا رنا نتقابل، ،،،سكت ،،،بقيت افكر احسن بالنسبه لي اقابلو  تكرم لي زول ما اتعامل معاي بطريقه سيئه ف ليه ارفض زي ما انا وافقت عليهو ح ارفض الموضوع بطريقه ظريفه، ،قلت ليهو خلاص مافي مشكله ،،قال لي تمام  نتلاقى  بعد  يومين لانو هسي عندي حاجه داير اعملها وبعدين نتلاقى قلت ليهو طيب تمام.... وقفلنا علي كدا ،،،جاني في خيالي لو حسان عرف ،،،، قلت لااا احسن ما اوريهو واحسم الموضوع مع يوسف  وخلاص و يادار ما دخلك شر ....

" هي ما عارفه الشر يادوب بيقول بسم الله"
______________
يتببببع
💛💛💛💛💛