دوافع الحب ♥

8

#دوافع_حب8
#نون_علي
من جانب عمار

كل ما اتعايش مع الوضع بجي بذكر الواقع المرير الكنت خايف منُ حصل ،،، بعد ما قلت الحمد الله حياتي ماشه كويسه مع هديل وبقيت بمهد في الموضوع  لحدي ما اقرب منها و اوريها شعوري نحيتها،،جات وذكرتني ،،انا لو قالت لي دايره النجوم كان جبتها ليها ،،فما بالك هسي حاجه ممكن  تتحقق لو عرست غيري ،،موضوع الخلفه مع هند ما كان هاميني قدر ما هاميني هسي مع هديل ،،،ما كان فارق معاي اي نعم بحسسني بقلة في رجولتي ،،بس برضو كنت متعايش مع الموضوع،،،انا ما مشكلتي في عدم الخلفه لانو ده قدر ربنا ،،بس خايف من نظرت هديل  اتجاهي خايف اقول ليها تقرر تخليني، ،هنا ما ح اقدر الومها ما بقدر اربطها بي حياتي ،،ما بقدر  احرمها من شعور الامومه ،،،،بعد ما قالت لي هي نفسها في شنو قمت طوالي ،،، طلعت بره لقيت نفسي مخنوق ،،شلت السجاير حقتي وطلعت ،،، ما بذكر اني بعد عرست هديل كنت محتاج ليهم ،،،لانو من عرستها ما حسيت في يوم اني مضايق ،،لكن قصاد الايام دي كلها جا يوم في اقل من دقيقة هدم اي حاجه، ،،ركبت العربيه وبقيت لافي ساي اتشاكلت مع كم زول في الشارع وده ما هدا  من نفسي ،،،،اثناء ما سايق جاني الم بسيط في كراعي اي نعم خفت وكتير كمان بس بتجي زي وجعه خفيفه  ،،، مع الم كراعي اذكرت محمد مافي غيرو ح يستفيد من الحاجه دي ،،اتصلت ليهو ،، اول ما رده قال لي هو بيضحك الذكرك بي تاني شنو،،قلت ليهو  بعصبيه وانا بحاول افضي نفسي فيهو

_ما اذكرتك  حباً فيك بس انت لو راجل كان ما رسلت شويه اولاد صيع  عشان  يهاجموني،،،كان تقيف قدامي راجل لي راجل

_ هسي متصل بي وجاي نافش ريشك فيني انا !!!! طيب عشان ما اكتر معاك ده ما انا رسلت ليك اولاد لكن الحمد الله في زول رسلهم ليك ،،علي الاقل يأدبك

_يأدبني؟؟؟؟ ههه  ،،،لو جد داير يأدبني  كان وقف قدامي ،،شوف من الاخر كدا مافي غيرك وكان ده ما انت انت ،،،بس اتاكد اني ح اردها ليك

_  لااا بالجد اتخلفت يا عمار ،،هسي انا لو عايز اعمل ليك حاجه بأجر لي رجال يدقوك ويمشو؟ ،،انا ما بستخدم اسلوب التهديد، ،انا بقضي علي الزول من جذورو، ،عشان لو الزول ده بقى كويس ح  اروح فيها انا ،،،.

بعد ما خلص  قفلت منو ،،،جواي شك ده ما محمد العمل كدا ،،بالذات بعد كلام ده ،،محمد لو داير يأذيني جد ح يقتلني  بس الضريب ده تهديد او انا انذار  بقيت افكر في كل الناس البتعامل معاهم ما عرفت ،،اذكرت هديل خليتها برها ،، ضربت الدركسون  بيدي ،،،تاني ما بقدر اخليها براها بذات بعد السمعتو  من محمد متاكد انو ناوي لي ،،، لكن مالو نشوف بيقدر يعمل شنو ده كان قدر !!!

(الثقه الزايد  بتغطس الحجر يا سيدي 🤣↖️)

اتصلت علي هديل في الاول ما ردت ،،اول ما ردت قلت ح نرجع البيت  وعقلت متاكد انها زعلانه بس انا في وضع داير زول يهديني ،،، عارف نفسي لمن اكون مضايق ما بشوف قدامي ....