دوافع الحب ♥

13

#دوافع_حب13
#نون_علي

بعد ما رنا حسيتها اتصالحت مع الموضوع سمعنا زغاريد في الجزء التاني ،،وسن جرت تشوف الحاصل ،،بعد ما جات  قالت عقد بسمه وحسان يوم الجمعه ،،عاينت لي رنا نظراتها كانت خاويه،،،حسيت بيها نفس الشعور الجاني لمن قالو لي عمار ح يعرس هند وقتها حسيت الدنيا دي بتدور بي ،،،،مسكت رنا علي قلت ليها قوي نفسك الجايك ما هين،،،دايره اصبرها وفي نفس الوقت اوريها الحاصل ،،خاصه انو الليله التلاته يعني الجمعه فضل ليها يومين ،،،زعلت عليها والله بس دي قسمه في النهايه ،،،هي بعد مسافه قامت دخلت غرفتها ،،قلت ليهم خلوها تقعد براها تتقبل الصدمه دي ،،، وطلعنا انا و امي علي الباب ،،، وانا سرحانه في رنا يعني بالجد ربنا يصبرها ،،،وكمان هم ح يبقوا معاها في نفس البيت ،، يعني لو عصرت ليمون الدنيا كلو علي قلبها ما ينفع ،،، لازم تسافر ،، قلت بعدين اكلم عم مصطفي تجي تقعد معانا  احسن تكون بعيده ،، امي قالت لي نمشي نبارك ليهم !!!! شينه يا بتي ،،،  قلت ليها يا امي امشي انتي انا بنتظرك هنا في الشارع، ،، قالت لي ارح معاي ،،قلت ليها يا امي ما بقدر بحس نفسي زي الخنت رنا خنتها، ،،امي ما زادت معاي ومشت ،،،وانا وقفت في الشارع  منتظراها بفكر في رنا وبسمه وحسان ،،،، يعني هسي في داعي للجوطه دي،كلها لو حسان من البدايه كان عرس رنا ما كان احسن؟ ،هسي لو  عرسو من بسمه ما تم مستحيل أعمامي يوافقو يعرس رنا لانو ح يقولو ليهو دي بت عمها وبتعمل مشاكل بيناتهم وكذا، ،،،، وصلني صوت الزغاريد تحلف تقول دايرين يسمعوها لرنا ،،، لمحت حسان هو طالع من بيتو ،،عاين لي باستغراب، ،قال لي هديل ؟؟؟؟ مالك واقفه في الشارع ادخلي ،،قلت ليهو لااا منتظره امي !!! قال لي تنتظريها في الشارع؟؟؟؟؟ قلت ليهو اااي هي مشت ناس بسمه تبارك ليهم قلت كلامي وانا بعاين ليهو بغيظ، ،،،اي نعم بسمه برضو بت عمي واكيد ح افرح بيها بس،كمان ما علي حساب رنا ،،انا هسي لو جيت سالته بسمه بتحب حسان ما اعتقد تحبو زي رنا ،،،و الواجعني كلنا عارفين رنا بتحب حسان مستحيل تكون هي راحت عليها ،،،بس خلاص ربنا قدر كدا ،،،هو عاين لي وشكلو فهمني ماخده موقف من الموضوع  ،،،،اخد نفس قال لي يا هديل ما كان عندي حل غير ده !!!! مفتكره ساهل علي كدا ،،؟؟؟؟؟، قال كدا بصوت عميق لدرجه حسيت حسان ده شايل جروح وطن ،،،قبل ما استفسر في عربيه جات وقفت قدامنا، ،،، ياها زاتها الما بتغباني حقت عمار،،طلع من العربيه ضرب الباب ده ضربه حسيت الضربه دي جوه قلبي  ،،،،لو ما حسان انا كان جريت من منظرو  وعرقوا الظاهره، ،،سلم علي حسان، ،،،منظرهم هم بيسلمو علي بعض يخوف ،،،، البنيه القويه ليها دور و الاتنين طوال، ،،،،عمار قبل علي قال لي نمشي !!!!!  طبعا بيحاول يكون عادي قدام حسان !!!!،، قلت ليهو امي جايه ،،،، حسان قال ليهو وين تعال اتفضل ،،قال ليهو والله مرة تانيه مستعجلين ،،وسكتنا ،،،حسان لمن حس انو في حاجه بيناتنا قال لينا طيب اها امشي انا ،،،،  عمار ما خل حسان يمشي كويس مسكني من يدي وضغطني عليها قال لي ممكن اعرف ليه ما وريتيني انك طالعه ؟؟؟؟؟؟؟؟؟ طرطور انا قدامك ؟؟؟،،،قال لي تجي لحدي هنا وتبهدلي نفسك انتي وامك بالمواصلات  وانا عندي عربيه ممكن اوصلك ليه تعملي كدا ؟؟؟؟؟ ليه بتعبي نفسك وبتعبيني معاك يا بت الناس؟؟؟؟؟؟؟،،،خليت اي حاجه قلت ليهو مافي تعب ما انا ياما مشيت بالمواصلات ،،،، عاين لي قال لي ده كان زمان  بس هسي انا موجود ،،،، وبعدين شايفك ماخذه راحتك مع حسان ،،،ماشي ماشي يا هديل  عندنا بيت بيلمنا، ،،، مجر دا قال بيت بيلمنا خفت قالت خلاص ح يموتني  ،،هيئتو كان مخيفه كاني اتجاوزته كل الحدود ،،،، في المسافه ديك جات امي ،،سلم عليها قال ليها شنو يا الخاله فاطمه ساعه منتظرنك  وهو بيبتسم معاها ،،،  اتغير تغير غير ،،حسيت عندو انفصام في الشخصيه والله ،،،قالت ليهو الحاله اني باركته واقفه !!!!،،، قال ليها مباركه عندكم عرس ولا شنو، ،،قالت ليهو اي ولد عم هديل حسان اتقدم لي بت عمها بسمه ،،،،قال ليها جد هسي كان واقف معاي ،،،ما كلمني!!،،، قلت ليهو يمكن قال اجي اوريك انا ،،،، هز لي راسو هو بيحدر لي ،،قال لينا ارح خليت امي تركب قدام هو جاء قرب لي قال لي بتحامي ليهو ،،،حسابك بقى عسير معاي ،،،،الليله الا تشوفي مكان تبيتي فيهو ،،،سكت وجسمي قام سبيه سبيه  ،،،، يمرقني الله انا ما زول ،،،ركبنا واتحركنا  وامي تتونس مع عمار ،،،تلفوني اتصل في الاول استغربت من الرقم ،،،لمن ما رديت تاني اتصل ،،، عمار مراقبني بالمرايا  قال لي البيتصل بيك منو ؟؟؟؟؟ قلت ليهو وانا بعاين لي تلفوني قلت ليهو ده بتاع الدكان الجنبنا عبد الرحمن ؟؟؟؟؟؟،،، استغرب قال لي بتاع الدكان!!!! ،،قبل شال التلفون بطريقه سريعه خطفو خطف  ،،،قال لي داير منك شنو كمان ؟؟؟ وجاب رقمك من وين !!!!،،قبل ما ارد لقيتو ردت عليهو  سمعت عمار بيقول ليهو مع عمار زوج هديل يا عبد الرحمن،،،، بعديها سكت مسافه قال ليهو في ياتو مستشفى  وصوتو بقى هادي ،،،انا وامي لمن قال مستشفي  بقينا مخلوعين ،،منو الفي المستشفي ؟؟؟؟؟؟ ، بعد ما قفل ،،، نحنا بيقينا علي اعصابنا ،،نسأل فيهو هو ما بيرد بس لف العربيه ،،،بي سكات، ،،بعد ما وصلنا المستشفي قبل علينا قال لينا يخوانا  استهدوا بالله ،، قالت ليهو قول طولي من قبيل انت ساكت في منو في المستشفي  اتكلم ؟؟؟؟؟ قال لينا  انزلو ،،،قلت ليهو ما نزله ما لم توريني  عبد الرحمن قال شنو ،؟ جايبنا هنا ليه ،،، قبل علينا قال لينا استهدوا بالله يخونا ،،قلت ليهو قول طوالي الحاصل في شنو!!! قال لي ااااا عبد الرحمن قال عم احمد لقوه واقع جنب البيت ونقلوها طوالي علي المستشفي  ،،،، امي بقت تبكي ونزلت سريع من العربيه ،،،انا بحاول استوعب قلت ليهو عم احمد منو ؟؟؟ قصدك منو !!!! قال لي هديل !!!،،  صرخت فيهو قلت ليهو ما تقول لي هديل انت قاصد ابوي ؟؟؟؟؟ ابوي يا عمار؟؟؟؟؟  نزلت من العربيه سريع لقيت امي واقفه مع عبد الرحمن جريت جري، ،،سمعت بيقول ليها هسي هو في غرفة الإنعاش  ،،، الأرض دي حسيتها اتهدت فيني ،،،، امي قالت ليهو هي بتبكي الغرفه وين؟؟؟من جانب تاني