دوافع الحب ♥

17

#دوافع_حب17
#نون_علي

عمار نازل في السلم خطوه خطوه ،،ويبتسم ويقول ما اتبسمته، ،، لمن لقاني مركزه معاه ،،،صره وشو،،،عمار ده بالجد ما طبيعي ،، كنت مفتكره لمن يشيلني ح اطلع سريع من غير زول يشوفنا، ،، بس ما وصلنا الباب كدا صادفنا عم عبد الحفيظ وهو طالع ماشي،، كلنا علي بعضنا اتهجمنا،،،انا اتمنيت الارض دي تبلعني، ، عمار طوالي نزلني ،،عم عبد الحفيظ قال ليهو هديل ماله !! عيانه!!!،، قال ليهو اي تعبت شويه ،،، عم عبد الحفيظ عاين لينا كدااا، ،قال لي سلامتك يابتي ،، وقبل علي عمار قال ليهو وموديها وين هسي !!!!،،، قال ليهو لااا بس هي قالت الا تمشي بيت اهلها، ،،عاينت لي عمار بغييظ ،،قال لي تمشي هسي يا بتي ،،!!!!!،، قلت ليهو ااا اي مافي مشكله ،،، داير يتكلم بس سكت، ،، شكلو في حاجه في راسو ،،، لانو قال لينا كويس،وطلع طوالي ،،، اتحيرنا فيهو انا و عمار،،، بس عمار ما علق وقال لي ارح ،، عاينت لي العربيه ،،قلبي اباها بالله واحد ،،بس مافي حل ،،،ركبنا العربيه ،،، عمار كان ساكت،، حتى لمن نزلت ما قال لي شي، ،، اي مافي حاجه يقولها بس كنت دايرهو يتكلم معاي ،،بس واضح انو بالو ما معاي ،،،قالت ليهو عمار الشنطه !!!،، قال لي اااا نزلها لي ،،،وقال لي هسي ح تدخلي كيف!!!!،، قلت ليهو علي فكره ده بيتنا يعني ح اعرف ادخل ب وين ،،، قال لي اها وريني ،،، بكل بساطه جريت الشنطه براحه ،، وفتحت الباب من فوق حاولته بقدر الامكان ما اجيب صوت ،،،لمن الباب فتح عاينت ليهو بانتصار كدا ،،ابتسم لي بالجنبه كدا نظام ده اسهل حاجه تعمليها ،،، دخلت وقفلت الباب وراي، ،بعديها سمعت صوت العربيه اتحركت، ،اتنفست الصعداء اخيرآ،،، علي قول عمار التقول بنعمل في حاجه غلط ،،، دخلت لحدي جوه ،، سمعته صوت حبوبه وهي بتصحي في واحده من البنات ،،، جريت الشنطه علي طرف ،،، وطلعت التوب براحه ،، بس قبل ما اطلعوا كويس هي شعرت بي اتلفت علي قالت لي وين انتي !!!! ما سامعاني من قبيل بصحي في البت دي ،، استغربت يعني ليه ما سألتني كنتي وين وكذا ،،، حبوبه ما من النوعيه البتسكت ،،،قلت ليها لاااا يادوب شفتك ،،،قالت لي كنتي وين انتي في الحمام ولا شنو ،،، هزيت ليها راسي ،،وانا خايفه تكون عارفه حاجه كدا ولا كدا وتجي تقول كذبته عليها، ،، بس هي قالت لي سمح جيبي لي مويا اتوضه الصلاه ما تفوتني ،،، قلت ليها حاضر، ،مشيت جبت ليها مويه وانا بالجد ما فاهمه حاجه ،،،بعديها دخلت الشنطه تحت السرير قبل ما زول يلاحظ ،، عشان لو في زول ما لاحظ لي غيابي اعمل فيها ميته عديل ،،،، مسافه ما صليت وكذا، ،كانو ناس البيت صحوا ،،،، جاتني رنا قالت لي دي الحاله تشفيهو وتجي قعدتي ب وشك ،، قلت ليها خليني من ده ناس البيت ما لاحظو!!! قالت لي ما ااا انا اي زول يسال منك بقول ليهم في الحمام ،،، ومرات اقول ليهم مشت لي زوبه وهكذا بس الوحيده الما قدرته ليها امك ،،، قلت ليها في الحمام مشت الحمام لقتك مافي ،،قلت ليها عند ناس زوبه قالت اتصلي لي بيها ،،، ما معقوله تقعد معاهم لي الوقت ده ،،في النهايه قلت ليها راجلها اتصل بيها ،،، قلت ليها اها ،،، بس تاني هي فهمت براها ،،،قلت ليهو كييييف !!!!! الليله ده كلام شنو !!!! امي ح تقول عني شنو ،،،، قالت لي اتكلمي براحه ح تفضحي نفسك براك يا هبله ،، قبل ما ارد جات امي ،، استغربت لمن شافتني ،،،قالت لي انتي جيتي متين !!!!!!!،، ما عارفه نفسي خجلانه كدا ليها ،، قلت ليها ااا جيت بليل متاخره ،،كان عندي هدوم اكويها وكذا، ،،، قالت لي سممح ،،، ومشت علي كدا ،،،، رنا قالت لي دايره تكوي هدومكِ قلتي لي هااااا!!!،، ضربتها قلته ليها اسكتي انتي ،،،، قالت لي يا زوله بختك والله اريتوا حظي زي حظك ،،، ما رديت عليها لانو هي ما عارفه الحاصل معاي ،،او طبيعة علاقتي مع عمار ،،ما بمعنى اني عرستو خلاص كدا الحياة ح تبقى ورديه ،،،لسه ولسه، ،،عاينت ليها لقيتها سرحانه ،، قالت ليها خليني انا انتي الحاصل معاك شنو!!!!،،، حسان ليه فجاءه جده في العرس !!!،، قالت لي يا هديل حسان ده صفحه اتقفلت خلاص ،،،مش انتي قلتي لي ما تخليك الضحيه في الموضوع اها انا خليت الموضوع من اساسو ،،،، حسيتها بتلومني بطريقه غير مباشره قلت ليها انا لمن قلت ليك ما تخلي نفسك الضحيه في الموضوع كان قصدي يعني ما انتي يكون الطرف المقدم ما انتي تكون دايما المتمسكه في العلاقة ،،خليك شويه كدا مرنه ،،، قالت لي لا مرنه لا غيرو ،،خلاص داير يعرس ،ولا اراديا بكت ،،مسكتها علي وهي لسه بتبكي ،، جات الين فينا، ،لقت رنا بتبكي ،،قالت ليها تاني يا رنا تاني !!!!!،،، يا بت الناس الموضوع ده لي مصلحتك افهمي ،،، ما ردت عليها ،،بس قلت ليها يا ألين براحه الموضوع ده انتو مفتكرين ساهل كدا ،،،، قالت لي طيب لمتين لمتين يا هديل !!!!،،، قلت ليها لمن ربنا يهونها ،،،سكتنا بس رنا لسه بتبكي ،،، بالجد صعبه عليها ،،، بذكر زمان طوالي لمن تجيني تحكي لي بيهو من هي صغيره وحسان ده مركز تفكيرها ف ما هين عليها الموضوع ده .....بعد مسافه جات امي قالت لي تعالو اشربوا الشاي عشان تنطفو البيت ده ،،، قلت لي رنا خليك انتي نحنا بنقوم ب اي حاجه،،،قالت لي لااااا بقوم معاك ،،،فعلا مسافه ما شربنا الشاي ،،بدينا ننظف ساعه كدا خلصنا ،،وانا عايني علي شنطتي سحبتها براحه ودخلتها غرفتي ،،، بعديها اعمامي جابوا الحاجات حقت الكرامه علي حس غدا وكذا ،،، خليتهم ينزلوا في الحاجات ،،ومشيت لي ابوي في الصالون لقيتو قاعد براهو سالمته علهيو قلت ليهو كيف الليله، ،قال لي الحمد الله يا بتي ،،، ،،قعدة في الكرسي القصادوا وقال لي يا بتي دايره اسالك سؤال ،،،اتحيرت ابوي لو عندو اي شي بيقولها لي طوالي مش بيطلب مني ،،فقلت ليهو اكيد ،،،عاين لي في عيوني وقال لي مبسوطه مع راجلك؟؟؟؟؟،،، اتخلعته في السؤال بس قلت ليهو ليه يعني السؤال ده ؟؟؟؟ قال لي انتي بس جاوبي ،،قلت ليهو لاااا الحمد الله مبسوطه يا ابوي ،، قال لي بالجد ،،،قلت ليهو بالجد ليه الحاصل شنو ،،قال لي لااا بس عايز اضمئن عليك يا بتي ،، قلت ليهو لااا ما تشيل هم الحمد الله علاقتنا كويسه ،،قال لي تعرفي انا حاسي اني ظلمتك لمن عرستك ليهو ،،،قالت ليهو لاااالاااا مافي اي ظلم يا ابوي بالعكس والله ،،، قال لي يعني حكايه انو كان متزوج قبلك دي ما فارقه معاك !!!،، اتوترته بس بينته ليهو الموضوع عادي ،،قلت ليهو براك قلت يا ابوي كان ،،يعني هسي نحنا في الحاضر فاكيد ما ح يفرق معاي ،، عاين لي مسافه قال لي طيب لو فكر يرجعها ؟؟؟؟؟،، هنا سكتتته ،،ما فكرته في يوم انو ممكن يرجعها ،،، لمن لقاني ساكته ،،قال لي يا بتي من حقو لو عايز يرجعها في النهايه دي كانت مرتو ،،،بس انتي لو ما راضيه بالحاجه دي تعالي طوالي قولي لي ،،، قاطعتو وانا بشجع في نفسي عشان احاول اضمئن ابوي ما دايره يشيل همي كفايه لحدي كدا ، لازم اواجه اموري براي،، قلت ليهو يا ابوي هو لو داير يرجعها طبعا من حقو وانا اكيد ما ح اعترض في النهايه دي كانت مرتو الاولى ،،، مع كلامي ده لقيت عمار قدامي ،،وشو ده كان منفوخ من الزعل ،،رغم اني اتوترته لمن شوفتو قدامي بس تاني قلت يزعل ليه انا ما قلت حاجه تزعل ،،، اي نعم انا فكرة انها كانت مرتو الاوله بتقتلني قتل فخلي لمن يرجعها💔، ،، ابوي عاين لي وعاين ليهو ،،،قال ليهو تعالي يا ولدي ،،، سلم عليهو في راسو ،،وانا سلم علي عادي ،،، ما استغربت في تصرفو لانو بالنسبه لي عمار ده لسه ما مفهوم ،،،، ركزته لقيتو لابس الجلابية السمنيه ،،، بيني وبين نفسي ابتسمت ،،، ابوي لمن شافني اتبسم براي ،،قال لي بتوزيعي في البسمات مالك !!!!،، عمار طوالي عاين لي ،اتحرجته بس قلت ليهو لاا مافي حاجه ،،، شويه كدا اولاد اعمامي جو،،، قبل ما يسلمو ،،لقيت عمار بيقول لي امشي بهناك ،،، بقيت ما عارفه امشي ولا اسلم ،،،بس خالد سبقني وجا عشان يسلم ،،، وقف عمار قدامو ،،،مده ليهو يدو ،،، سلم عليهو ،،، خالد قبل علي ،،بس عمار مسك يدو قال ليهو معليش يا ود الخال بس هي ما بتصافح، ،، حصلت صننننه كدا عجيببببه ابوي ده يعاين لي عشره عشره نظام من متين وانتي ما بتصافحي!!!!!،،، عمار زاتو بالغ يعني ديل انا ديل متربيه معاهم زي اخواني ،، عادي مافيها حاجه لو سلمته ،،، قبل علي وقال لي بصوت ما مسموع بطرف سنون انتي لسه واقفه !!!! امشي بهناااك، ،،طوالي مشيت، ،،رغم التوتر الحصل بس عمار دا ما عندو شغله بزول الفي راسو بيعملو ،،، وصلت حوش النسوان لقيت حاجات كتيرة كراتين كراتين ،،يعني كميه ما تكفي ناس الحله وبس لااا دي ح تكفي المربعات كلها ،،،يعني والله كميه سنه لقدام نحنا ما ح نحتاج نمشي الدكان ،،، اتخلعت ،،وعاينت لقيت اهلي زاتهم مخلوعين ،،،وبعاينوا لي ،،قلت ليهم اعمامي ديل ما خلو حاجه في السوق ،،بالحاجات دي ممكن نفتح بقاله عديل، ،، امي قالت لي ديل ما اعمامك ،، اعمامك جابوا حاجات الكرامه كامله ،،بس راجلك الله يديهُ العافيه جاب اضعاف مضاعفه من الجابوهم اعمامك ،،،،، قلت ليهم الحاجات دي كلها جابها عمار !!!!،، ألين قالت لي وهي بتضحك عزاك لكنن يا زوله ،،، سكتتت ،، حبوبه قالت لي بختك عاد يا يمه راجل السرورو ان شاء الله حظ كل بت ،،❤،،انتي قايله الراجل الكريم بيتلقي بالساهل! البيعز نفسو ومرتو ونسابتو ما هين❤ ،،، ألين قالت ليها دا ما عز لكن ،،، قالت ليها ما هي كما محظوظه بتقع مع واحد زي ده ؟،،، تعرفوا انا ما حصل شوفت لي راجل بيعز نسابتو كدا ،،ويخليهم ما محتاجين لحاجه ،،، رنا قالت ليها لقتها والله المحظوظة، ،،،، قالت ليهم محظوظه شنو دي مفروض تمسك في راجلها قوي كمان ده بيفرطوا فيهو !!!!،،، انا في كل الحوار الحاصل ده ما مركزه الا مع عمار ،، يعني الفهم شنو، ،، اي عادي ممكن يجيب بس كمان ما بالكميه دي ،،،،، بعديها بدينا نجهز في الاكل انقسمنا علي اتنين جزو يعمل الفطور والتاني الغدا ،، شويه شويه بدوا يجونا الناس ،، خالتو ليلي ومعاها هاجر واولادها وعلياء زاتها معاهم ،،، تعاين لي ساي بس نهائي ما اشتغلت بيها ،،، بعد ما خلصنا من الاكل حق الغدا مشيت طوالي غيرته هدومي ،،، جاتني زوبه قالت لي العويره دي الجابها شنو ،،قلت ليها ما عارفه والله ،، قالت لي البت دي اصلو ما بحبها كرييهه ياااخ ،، قلت ليها حتى انا على فكره ، لكن ما عندي حل غير اني استحملها ،، قالت لي ااااا عشان عمار صح ،، قلت ليها زوبه انتي ما عندك شغله غيري !!!!،، قالت لي لاا ما عندي ،،مسافه ما خلصته قلته ليها ارح بعد كدا نوزع الصواني ،،، كانوا كميه من الناس ،، اليوم دا تعبت تعب ،،، ما شفت عمار غير مرتين غير بالصدفه كمان،،بس وشه كان صاااري، ،، قلت ياربي الحاصل معاه،،، يمكن من كلامي حق قبيل ،،، تاني قلت لااااا ما جايه....
_________________