دوافع الحب ♥

19

#دوافع_حب19
#نون_علي

كانت جاي وافكاري مزاحمه  في نص الجواطه دي كلها هديل اتصلت، ،، اول ما رديت عليها، ،صوتها كان متغير واضح انها بتبكي ،،قلت ليها هديل ،،طوالي قالت لي عايز ترجع هند !!!!،،، استغربت كيف عرفت  !!! انا ما عايز ارجعها بس هي القال ليها منو !!،،  فلمن قالت لي ورقتي  تصلني ،، مسافه استوعب كلامها غفلت الخط، ،، بالبساطه دي هي مفتكره ،،،،، بس هي القال ليها منو !!!!،،، انا اصلا ما عايز ارجع هند ،، بس هي ليه بتتعامل معاي كدا !!!،، ليه ما فارق معاها ،،، كنت داير امشي ليها في بيتها ،،بس خليتها،، متأكد لو مشيت ح اعصب عليها زياده ،،،  ساعتين وانا قاعد متوتر شديد، ،فكرة انها  قاعده تبكي دي ما مريحني  ،،، في النهايه نزلته تحت لقيت ابوي وامي ،، قالت لي ابوي انت اتكلمت مع هديل ،،، سكتتت مسافه  قال لي اي اتكلمت معاها ،،، قلت ليهو ليه ليه يا ابوي  !!!!! ليه تعمل كدا ،، انا وريتك راي ،، ليه تمشي تدخلها في الموضوع ،،قال لي بس هي راضيه، ،، كيف ، ،كيف يعني راضيه، ،،بالبسهوله دي !!!! يعني  مفتكره شنو هي ،،، اني ح اجري وراها ولا احنسها  انا لو روحي فيها بشيل روحي دي ،،، ما رديت وطلعت ،،،، كيف يعني  موافقه ،،طيب موافقه وعايزه اني اطلقها  ،،،مفتكره الموضيع  دي كدا ،،،حاولته اتصل بيها مكالمتين ما ردت ،،، قلته الصباح لازم ارجعها  وهي بعيده كدا مافي حاجه بتتحل ،،اليوم ما عارف مرة كيف ،، بس مسكتا نفسي رجاله والله ،، الصباح طوالي مشيت ليها ،،، سلمتا علي ابوها وكذا،   قلت ليهو يا عمي اظن بعد كدا هديل قعدتة معاك !!!،،، ضحكك ،، قال لي خليها معاي كم يوم تاني ،، عرفتو داير يشغلها ،، قلت ليهو مافي مشكله لمن امشي الشغل تجيك ،،، قال لي ليه يااخ خليها معاي بالمرة ،، قلت ليهو ما كفايه العمرها ده كلو معاك ،،، عاين لي وابتسم قال لي اها ح تحسدني، ،هنا ضحكته ،، بعديها  قام ،، اتأخر مسااافه ما عارفه الحصل معاه شنو، ،بس لمن جاء راجع قال لي انت هديل دي في اي مشاكل بيناتكم!!!! ،،، قلت في نفسي ياربي قالت ليهو ،،معقوله هي جاده كدا ،، قلت ليهو مشاكل !! لااا ليه!!!،، قال لي لانو قالت ما راجعه معاك ،،، وقفت طوالي قلت ليهو كيف ما راجعه !!!،،، خليني انا بمشي اتكلم معاهااا ،، قال لي اقعد روق انا اتكلمت معاه واقتنعت بس كنت عايز اعرف هي رافضه ليه ،،لو في اي شي وريني يا ولدي ،، هديل دي انا بعرفها اكتر من نفسي ما بتعاند علي حاجه الا اذا حست نفسها مظلومه او في نوع من انواع الحقاره، ،،،قلت ليهو يا عمي الله لا جاب الحقاره وهديل انا بتفاهم معاها ،،قال لي ما اوصيك طول بالك معاها، ، قلت ليهو لاا ان شاء الله  ،، بعد  مسافه طلعت ،،، ما عاينت لي في عيوني ،،حتى يديها لمن سلمت علي سحبتها سريع ،،، اتعاملت عادي ،،قدام اهلها ،،حاولت ما ابين ليهم حاجه ،، اتلفت علي حس انو في شنطه وكذا بس المرة دي مافي ،،، اتحيرت قلت ليها وين هدومك ،،، قالت لي مافي داعي ليهم،،، كنت عارف قصدها من كلامها ده شنو ،، بس سكتتت، ، قلت في نفسي ده ما وقتو ،،،، انا لو زول غير هديل اتعامل معاي بطريقتها دي بقطعها معاهو سته صفر ،،بس تمام يا هديل ،، مشينا  ،،والطريق كل هي ما بتتكلم معاي  ،،،، وصلنا البيت لقيت امي  قاعده براها ،، سلمت عليها، ، وقالت ليها تعالي اتونس معاي ،، انا هنا غلبني الصبر هناك اصبر وهنا اصبر برضو، ،، قلت لي امي معليش هسي هي تعبانه  ممكن تخليها ترتاح وتنزل ليك ،، امي شكلها فهمتني هزت راسها ،، مسكتها من يدها وطلعنا ،،، رغم انها بتحاول  تفك يدي بس انا مسكتها  زياده .....
________________