دوافع الحب ♥

21

#دوافع_حب21
#نون_علي

لمن دخلت لقيت هاجر قاعده هي و اولادها وشها مخطوف اتهجمته الحصل عليها شنو !!!!! ما كنت عارفه انو الجايني انا ما هينه ،، هاجر لاحظت لي لونها اتخطف زياده، ،، جيت عليها قلت ليها الحاصل!!! ،،سكتت ما ردت ،،قلت ليها هاجر مالك !!!!،، قالت لي بسرعه ،، عمار رجع هند تاني ،،  قالتها بكل بساطه اما انا ما قادره احدد ليكم شعوري بضبط كان شنو ،، يعني زول بتحبيهو و عايزه ُ من زمان وبعد ما يعرسك و تعيشوا حياتكم مبسوطين تصدمي ب انو رجع مرتو ،،، شعوركم وقتها ح يكون شنو !!!!!!!،،، انا حسيت اني دخلت النار وطلعت تاني ،، قبل ما استوعب جاني صوتها ،،، اتلفت عاينت ليها ،،كانت مجييهه  واخر حنه ولون وشعر ،، هند دي عموما في السماحه ما بتتنافس  ،،،فمافي وجهه مقارنه اصلا ،،، جاتني سلمت علي يا الله مديت يدي ،،، قالت لي ما ح تباركي لي ؟؟؟؟؟،،  ما رديت عليها، ، علياء جات قالت ليها تبارك عليك علي شنو بضبط انتي ما معروفه مرتو الاوله ولا التانيه ،،وضحكت، ،،قالت ليها يا  قلبي انا مرتو الاوله والتانيه والتالته و الاربعه، ، الباقي علي الجاين ساي ديل ،،،انا ما غلبني ارد عليها لكن انا في وضع مخلوعه يعني ما مستوعبه الحاصل طيب متين حصل ؟؟؟،، عمار ليهو ما قال لي ،، مش علي حس انو غفلنا الموضوع ده !!!!!،،، علياء قعدت جنب هند قالت ليها خليها شكلها لسه مصدومه ،،، هند ضحكت قالت ليها خليها تتصدم ساي  ،،، مفتكره عمار ده ليها بس وين يا اها جيتك ،،، هاجر اتكلمت قالت لي هند انتي ما ح تبطلي حركاتك دي ،؟؟؟؟؟،، ما تنسي انو انتي فوقك طلقه، ،، هند عاينت ليها بغيظ قالت ليها انتي ما تستعجلي علي رزقك جياك  كل بدور حبيبه ،، عامله فيها ما بتردي علي ،!!!،، احسن تخليك ساكته ،،، انا اقرب كرسي قعدته فيهو حسيت كرعيني ما شيلاني  ما من النوعيه البحب اتنافس علي زول يعني ممكن اتنازل عن الحاجه لو حسيت انو فيها منافسه ،،، قبلت علي قالت لي ما قلتي لي يا هديل انتي ليه ما متتححنه يا بتي الراجل لو ما اتحننتي ليهو واتجيهتي  كدا  ،،وفكيتي شعرك بيعرس فيك ،،،  وضحكت، ، انا ابتسمت قالت ليها بدلال انك معرسين فوقك ، واريتو لو معرسين فوق واحده مجيه زي ما بتقولي ،،،،  قمت طوالي  طلعت فوق سمعها بتنفنق وعلياء قال ليها خليها شكلها محروووقه ،،، ما اشتغلت بنهائي ده ما وقتها انا يا الله ماسكه نفسي قدامهم اني ما ابكي ،، المشكله مش في هند المشكله في عمار ليه ما كلمني ،،،، ليه ما وراني؟؟؟؟،، ما دخلني في الصوره  ،،،قعدته في غرفتي ،، قال ما اقول ما ابكي ببكي زياده، ، انا في موقف لا احسد  عليه والله ،،،اتصلت بعمار ما رده تاني اتصلت برضو، ،كمان ما بيرد!! ،،، سمعت باب الشقه يدق قلت لو دي هند ما برحمها  ،،، فتحت الباب لقيتها هاجر ،،،  معاها اولادها ، قعدتنا في الصاله، ، قالت لي عارفه انو صعبه عليك وخاصه انو هند زاتها ما مهونا الموضوع عليك ،، بس يا هديل  انا عايزك تصبري تشوفي البيحصل شنو ما تستعجلي  في قرارك ،،سكتت مسافه تاني قالت لي شوف انا صابره لي كم ،،انتي علي الاقل عمار بيحترمك  انا اصلا وليد ما شغال بي ،، باقي ليك زعلانه ،؟؟؟ ، لاااا طبعا ،،مرات بزعل ،،بس تاني بصبر بقول بكره ربنا يهونها  علي ،، في قلبي قلت ليها انتي ما عارفه حاجه ما عارفه انو البيحصل لي كل بسبب  راجلك الانتي صابره عليهو ده ،،،لمن لقتني ساكته ،، قالت لي اخليك براك طيب  ،وشالت بتها ومسكت ولدها بيدها  ،، كنت بعاين ليها لحدي ما طلعت ،،، هاجر دي بالجد انسانه عجيبه  فوق البييحصل ليها كلو صابره ولا مهتميا باولادها  في حين انو وليد يسرح ويمرح علي كيفو ،، بالجد الرجال ديل ما تملأ عينهم غير التراب  ،،، قعدتة مسافه وانا بفكر في نفسي، ، وموقفي شنو ،، فجاء الباب فتح بسرعه ،، وجاني عمار بلهفه  قال لي هديل ،؟؟؟؟؟، هو بيقرب مني ،، قلت ليهو بستهتار  هديل ؟؟؟،،، ، ليه يا عمار تعمل كدا علي الاقل وريني ،، قال لي لو وريتك كان هسي لقيتك مافي ،،، قلت ليهو اصلا ما كان لقيتني  لكن هسي انتي استغبيتني  خليتني غبيه قدامهم ،،، انت لو هند عجباك  وبتحبها  كدا معرسني ليه ،،،، عايز مني شنو؟؟؟؟،  ما كان تخليك في حالك وانا في حالي ،،،  منفعله وصوتي بقى رايح من شدة البكي ،،، هو جاء ضمني عليهو بقيت اضربو في صدرو  قال لي روقي روقي ،،، انتي عارفه موقفي ضد هند شنو، ،،  وعارفه اني ما عايزها ،،  قلت ليهو لااا انت بتكذب انا اصلا ما صدقته الفرصه جاتك عشان ترجعها  ،،بعدت منو بقوة ودخلت الغرفه التانيه وغفلت الباب علي .....