دوافع الحب ♥

20

#دوافع_حب20
#نون_علي

من جانب رنا

مافي زول ح يكون مقدر الانا عايشهو من جهة ماما الما قادره اتخطى الحاجه العملتها، المشكله  لتاني مرة ماتسمع مني ،،شيلتني الذنب كلو في حين انا والله ما عملت حاجه ،،، اليوم داك نفسي   جد يطلع من ذاكرتي ،،،مافي زول غير هديل القدرت حالتي، ،،سمعتها بتتكلم مع حسان ،،كلامها قبل ما يكون صعب عليهُ كان صعب علي انا لانو دي الحقيقه الانا بحاول اهرب منها ما عايزه اقتنع بيها،، بس بعد كدا كفايه على قول هديل لي متين !!!!،،، تاني يوم  هديل  عمار جاء رجعها، ،رغم اني كنت شايفه انها ما مبسوطه بس ما كان عندي حيل اسالها الفيني  يكفيني  اربعه سنين  لقدام،،، بعديها طوالي قلت لي اخواتي نمشي !!!!!،، استغربوا فيني لانو لي يوم كامل ما بتكلم معاهم ،،،ماما سمعتني بقولو لهم كدا ،،،، قالت لي اي احسن نرجع ،، ما اتكلمت معاهم ودخلت الغرفه ،، لميت حاجاتي كلها، ، انتظرتهم خلصوا وطلعنا، ،خالتو فاطمه قالت لينا اقعدوا وكذا بس ماما قالت ليها بنصلك تاني ان شاء الله  ،، قالت لينا سمح، ،وطلعنا علي كدا ،،، انا بس كنت سرحانه  ،،، حتى لمن وصلنا الين حاولت تتكلم معاي بس ما كنت برد ،،، ماما قالت لي رنا اقعدي جنبي ،،، جيت قعدته جنبها وانا ساكته قالت لي يا بتي انا يمكن غلطته  بس كمان انا ما قصدي  اعفي لي ،،كان المفروض اسمع منك عشان كدا دايره منك توريني الحصل كلو ،،، قلت ليها ماما انتي جايه هسي تساليني من الحصل طيب لمن ضربيني كف قدام بسمه وهديل ليه ما قلتي  اسالها الحصل معاها شنو، ، ماما انتي اتصرفتي معاي بطريقه عنيفه  ما خليتي لي طريقه ادافع بيها زاتو عن نفسي ،،هسي وريني لو حكيت ليك ح يغير في شنو ،، اها قولي لي طلعت ما غلطانه ح تعملي شنو ح تمشي  تقول لي هند وبسمه معليش ضربت بتي بالغلط وهي ما غلطانه!!!!،، ما ح يفرق في حاجه ،، خليتها قاعده ومشيت غرفتي ،،، بالنسبه  لي الكلمه الشينه بعد ما تقع مافي داعي لتبرير  لانو خلاص البقت بقت ،، ح توجع قلبك ساي بتبرير ،،،  للعصر كدا بابا جاني في الغرفه ،،، قال لي رنا !!!،، قلت ليهو ايوة !!!! قغدت جنبي ،قال لي الحاجه الحصلت هناك دي ما حاجه طبيعيه كيف يعني يوسف وحسان اتشكلو بسببك ،،، حكيت لي ابوي طوالي قلت ليهو بصراحه يا بابا يوسف  قال داير يتقدم لي وعايز يصلك ،،، وحسان زعل في الحاجه دي ،،،  بابا سكتتت مسافه شكلو ما مصدق ،، قال لي يوسف ولد عثمان جاي يتقدم ليك !!!!!،، قلت ليهو اي ،،، هز لي راسو ،،قال لي برضو ما عرفت سبب المشكله  يعني حسان مالو بضبط !!!! قلت ليهو حسان يا بابا  شكلٌ ما داير يوسف ده لي ،،،قال لي ليه ،،!!!،، قلت ليهو ما عارفه والله ،،، قال لي طيب ،،   ما اوصيك علي نفسك يا بتي ،، و الدايرهو انتي كلو بيحصل المهم ما تزعلي اتاكدي تماماً مافي حاجه في الدنيا دي بتستاهل  زعلك 🌻💛،،،، قال لي وبالنسبه لي يوسف ده نشوف موضوع شنو !!! ،،، وطلع علي كدا ،،  في نفسي قلت دي الخطوه الصح ،،  اسلوب بابا ده كان نفسي تتعامل  بيهو ماما بس الحمد الله، ،، انسب  حاجه اني عملتها اني قلت لي بابا بموضوع يوسف ما هي الجوطه دي لابد انها تنتهي ،،،اتصلت ب يوسف من قال الوو قلت ليهو  يوسف بصراحه انا فكرته في كلامك وموافقه عليهو ،،وحتى حتى اني كلمت بابا ،، قال لي بالجد انتي موافقه يعني خلاص ،!!!!!!!،،، صوتو هو فرحان خلاني اتاكد انو ده احسن حل او قرار ،،لي متين انا ح اقعد اجري ورا حسان كفايه لحدي هنا زي ما هو شاف حياتو اني زاتي ح اشوف حياتي ،،، بعد ما قفلت من يوسف حسيت اني عايزه ابكي ،،قلبي واجعني، ،، ليه يا حسان تعمل كدا ما كنا ماشين كويس 💔،،ما لاحظته لي والين وهي داخله الا لمن قالت لي رنا !سرحانه وين!!!،، عاينت ليها رغم انو الين دايما معاي بس المرة دي شايفها غريبه غريبه،،، كانها ما اختي ،،قالت لي رنا اطلعي من الجو الانتي عايشهو ده ،،قبل ماتتم كلامها قلت ليها يوسف اتقدم لي وانا وافقته، ،، اتخلعت قالت لي كيففففف!!؟ قلت ليها مش دايرني اطلع من الجو ده اها انا ح اطلع بالمرة ،،، قالت لي رنا ما بمعنى اني عايزك تطلعي من الجوا ده معناها تعرس اي زول وخلاص ،، قلت ليها ومنو قال ليك اي زول وخلاص ،،لااا يوسف ده مقتنعه بيهو، ، قالت لي بالنسبه لي حسان ،،قلت ليها ألين انتي مشكلتك معاي شنو؟؟؟؟؟ يعني لمن كنت دايره حسان قلتي لي لااا ،،هسي  مع يوسف قلت لي حسان !!!،، قالت لي لاا ما فهماني انتي  ،،قبل ما تتم كلامها تلفوني اتصل ،، رفعت تلفوني لقيتو يوسف استغربت ،، رديت قال لي معليش بس  ممكن بعدين نطلع !!!!!،، استغربت اكتر، ، قال لي اها !!؟؟؟ قلت ليهو ااا كويس طيب ،،، قال لي تمام بجي اوصلك ،،، قلت ليهو كويس ان شاءالله، ،قال لي علي الساعه 7 كدا خليك جاهزه ،، قلت ليهو 7 ما ينفع والله ما بقدر ،،قال لي اااا طيب نخلي العزومه غدا ، علي الساعه 3 ونص كدا كويس، ،قلت ليهو ااا اشوف وبرجع ليك ،،قال لي تمام ،، ألين  قالت لي ده منو !!! قلت ليها ده يوسف ،، قال ليك عازمك ،،!! قلت ليها اي وما عارفه ما اظن امشي ،،، قالت لي لاااا تمشي طوالي ،،،قلت ليها طيب ماما قالت لي انا بقول ليها ،،، قلت ليها لاااا يا ألين ما زي المرة الفااتت تاني نكذب ،، قالت لي لااا خليها علي ،، قلت ليها امممم،، قالت لي امشي يا عويره دي دايره كمان تفكير ،،، قلت ليها كويس ،،، فعلا علي الساعه 3  كنت جاهزه ما عارفه هل اتهورت  في اني وافقته، ،بس الغربيه لمن جيت طالعه ماما ما سألتني، ، استغربت قلت الين دي قالت ليها شنو اصلا !!!!،،، طلعت بره لقيت يوسف منتظرني ،، ركبت ،،، وانا متوتره حاسه اني عامله حاجه غلط غلط ،، بس لازم اتشجع، ، يوسف قال لي اخيرا ح نقعد مع بعض، ،، ما رديت ،، هو بدات يتكلم ويفتح في مواضيع  وانا كلمه وغطيتها  قدر ما حاولت اكون عاديه و اتكلم ما قدرته   ،،،، لمن وصلنا المطعم بس دخلنا كدا لقيت ليك حسان وبسمه قدامي !!!!!!!،، اتخلعته ،صراحه مصدومه ديل الجابهم هنا شنو !!! معقوله صدفه لاا ياخ مافي حاجه سمها صدفه بس كيف!!!!،، المشكله هم قاعدين ولا عليهم ،،يعني في الوقت الانا ببكي واشكي فيهو حسان عايش حياتو بطولها و بعرضها ولا كمان بيعزم  ،،،  كنت ح ارجع بس تاني قلت انا مالي بيهم ،،، يوسف كان بعاين لي ،،قلت ليهو ح نقعد وين ؟؟؟؟؟،، قال لي ااااا ،، وبعدها اتحرك قدامي من بين الطاولات القدامنا دي كلها ما اختار الا طاوله نكون قصادهم  فيها ،، يعني زي كاننا بنقول ليهم شوفونا  نحنا هنا ،،، ما حبيت اعتراض عشان ما ابين لي يوسف حاجه ،،في النهايه وهو ما عندو ذنب ،،،،مسافه ما قعدنا حسان رفع راسو ولاحظ لينا لدرجه وقف،،انا قلت بس خلاص ح يشكلو تاني،  بس هو عاين لي كويس وتاني قعد ،،  نظراتو نهائي ما اتجاوزتني، ،، يعني ده الكان ناقصني فوق ما انا عامله فيها زوله قويه وكذا، ،  مع نظراتو دي انا الاكل غلبني كلو كلو ،، يوسف قال لي ما عجبك ،، قلت ليهو لاا  ما كعب ،، قال لي ااا طيب اها قلتي لي  كلمتي ابوك ،،،قلت ليهو  اي ،، ورفعت راسي لقيت حسان لون وشو اتغير وبيهز في رجلو شكلو ماسك نفسو بالقوة  ،،، بس حاولت ما اشتغل بيهو،،، يوسف قال لي تمام اكلم اهلي واتصل بي عم مصطفي ،،قلت ليهو ااااا ،،، لاا ما مشكله، ،، انا ما قادره اركز ،،في النهايه حسيت نفسي ما قادره اقعد اكتر من كدا رغم اني قاعده لي مسافه بسيطه ،،، قلت لي يوسف نمشي ؟؟؟؟، قال لي لسه بدري ،،قلت ليهو اا المغرب انت عارف ،،، قال لي وين المشكله ،،قلت ليهو والله ماكلمت ماما اني ح اتأخر للوقت ده ،،قال لي اااا ،، طيب تمام ،، داير يمسك يدي ،،سمعنا ليك ضربة قويا عاينت قصادي لقيت حسان ده حرفيا بيغلي  بيغلي وشو حمر عديل ،،،،يوسف قال لي احسن نمشي، ،،فعلا حاسب وطلعنا لقينا حسان ورانا وبسمه وراهُ ،، يوسف قال  لي عشان كدا داير  اعرس سريع ،،، حسان وقف قصادي قال لي ح اوصلك ،، قلت ليهو لاااا يوسف ب..قاطعني قال لي اظن لحدي كدا كفايه ،،، قلت ليهو لاااا ما كفايه يوسف بعد كدا ح يكلم ابوي ،، سكتت عاين لي و عاين ليهو قال لي تمام لمن يكلم عم مصطفي  ،،قلت ليهو انا ما ماشه معاك،، بسمه الجات معاك رجعها ،، ودايره اتحرك مسكني من يدي ،،،وجراني  معاهٌ،،قال لي من قبيل مستحمل المهزله دي لحدي هنا كويسين، ،،،  يوسف جاء فكني منو قال ليهو جات معاي ح ترجع معاي ،،، حسان قال ليهو  الكلام ده  بتقولو لي ولد عمها !!!!!!،،، انا هنا زهجت بالجد زهجت كل مرة اشتباكات بسببي  واطلع انا الغلطانه  طوالي اقرب    ركشه وقفتها، ، ركبت قلت ليهو اتحرك ،،سامعه حسان بينادي فيني بس ما اشتغلت بيهم انا والله شغل هنا وهناك ما بينفع معاي ،،وصلت البيت ،،حاسبته بتاع الركشه ،،، في الأثناء دي حسان وقف بالعربيه ولا اشتغلت بيهم  ،،ودخلت، ،،ألين قال لي اها كيف !!ما رديت ،عليها،، ما صدقته دخلتا غرفتي قفلت علي  ،، وقفت قلت ما ح ابكي ما ح ابكي ،،، احداث اليوم كانت صعبه واليوم البعديها اصعب لانو جاتنا خالتو ازاهر "ام بسمه"  الاسبوع الجاي العقد حق حسان وبسمه، ،،، ما اتفاجات شديد ،، كنت متوقعه ده يحصل ،، بس هم مفتكرين اني ح اسكت!!!!! هم مفتكرين اني مسكينه بس ما بعرفوا رنا، ،،زي ما حسان بيستخدم القوة معاي اني زاتي ح استخدم معاهم القوة ،،،ولا ح ازعل علي بسمه لانها كل مرة اقول بكره بتخليني في حالي هي متماديه معاي .....