دوافع الحب ♥

12

#دوافع_حب12
#نون_علي

بعد كلام علياء طلعت فوق طوالي ،،بقيت منتظره متين يجي عمار عشان احسم الفارغه دي ،،، والليله من دون الأيام  اتأخر، ،،سمعت صوت الباب بدق افتكرتو هو ،،،قلت يمكن نسى المفتاح، ،بس طلعت هاجر قالت لي معليش لو ازعجتك ،،قلت ليها لااا اتفضلي، ،قالت لي لااا بس في نسوان تحت دايرين يسلموا  عليك ،،،قلت ليها  اهاا طيب بس دقايق ،،قالت لي طيب ،،، ونزلت تحت ،،يعني اصلو ده ما وقتهم ،،،الفيني مكفيني ،،تاني انزل تحت ،،ااففف  ،، للمرة التانيه  غيرت هدومي واتمكيجت مكياج خفيف ،،رغم اني عايزه ابكي ،،بس مستحيل ابكي لازم اكون قويه،،  فكيت شعري رغم انو عمار محذرني  بس خلاص في النهايه نسوان ،،،ما عارفه كنت منفعله كدا ليه ،،بس دايره اثبت لي اي زول اني احسن من هند ،،، المفروض اكبر عقلي  و اكون رزينه وكذا بس لاااا   انا زي زيهم لا رزينه ولا عاقله ،،، بعد ما خلصت نزلت ليهم ،،النسوان اول ما شافوني قالوا لي خالتو ليلي ماشاءالله  ،،واحده فيهم قالت ليها عمار دايما اختياراتوو  حلوة ،،، هي قايله كدا بتلطف الجو،،،بس  هي عكرت الجو ،،قربت اقول ليها يعني انا وهند زي بعض !!!! ،،، حرفيا انا مدخلة نفسي في مقارنه  مع هند  مبالغه معذبه نفسي بيها طيب لو كاانت لسه على عصمتو كان عملت شنو!!!!!،،،شلت الفكره دي من راسي ،،لمن خالتو ليلي قالت لي ليه واقفه يا بتي تعالي اقعدي جنبي ،،قعدت جنبها ،،المره قالت ليها واضح انك بتعزيها  اكتر من هند ،،،،يعني النسوان ديل جايين يباركوا ولا يدخلونا في منافسات !!!!!،، خالتو ليلي ضحكت ليها قالت ليها هديل دي زي بتي ليها معزه خاصه، ،،ابتسمت  ليها قبل  ما ارد علياء قالت ليها زي بتك ؟؟؟؟؟؟؟،،  قالت ليها و اكتر من بتي كمان، ،،، شايفها بقت تعاين لي عشره عشره ،،لو عليها تخنقني  ،،، المشكله  هي فعليا خنقتني بكلامها حق قبيل ،،،، هاجر جات وضيفتهم  لقيتها شينه انا قاعده وهي بتضيف فيهم مع اني مفروض ما اضيفهم  بس يعني ما متعوده على كدا فقلت لهاجر اساعدك مشيت  المطبخ لقيت العصير جاهز قلت ل البت الشغاله  انا بشيلها  ،،لمن جيت اضيفهم  كأنو بعاينوا لي ب استغراب ،،،  انا لمن حسيت إني غلطت، ،واحده فيهم قالت عمرنا كلو بنجي ما حصل هند دي قالت لينا راسكم من عينكم ،،هسي جايه انتي تضيفينا  معقوله ؟؟؟؟،، خالتو ليلي قالت ليهم هديل انسانه خدومه عشان  كدا ،،، يعني ما عرفت مفروض افرح ولا ازعل على كلامهم ،،يعني هم كدا بشتموني ولا بشكروني، ،، قربت اقول ليهم وضحوا كلامكم عشان افهم ،،اصلا انا غبيه ↖️،،،بس علياء ضحكت قالت ليهم خدومه شنو  يا ماما دي زي هاجر بحبوا شغل الخدم،،، الما اتربى على العز  ببقى ليهو القاعد حار ،،،،،انا وهاجر صبت فينا مطره ،،، يعني علياء بالجد انا فترت منها ،، انسانه مستفزه  مستحقرانا  شديد ،،،، كنت ح ارد ليها ،،عشان اوريها الخدم على حقيقتهم  !!!!،، بس قبل ما ارد سمعت صوت عمار ،،قبلنا لقيناهو ورانا ومعاه وليد  جايين من الشغل يادوب ،،شكلو سمع اخر كلام ، ،،من غير ما يسلم ،،قال ليها وريني شغل الخدم متين كان عيب مش بأكل عيش ؟؟؟؟؟؟؟؟،،، المرة الخدومه  الانتي بتعيب فيها دي ماسكه راجل وشفع، ،وريني انتي وين راجلك مش جادعك هنا ؟؟؟؟؟،،، ليهو حق ما استحمل لسانك  قام رجعك لينا،،،،،،قال ليها بصوت عالي ولا كأنو في زول وللمرة البعد الف يا علياء اقول ليك هديل دي ما عندك علاقه بيها عشان عصمنا قسمنا المرة الجايه ما ح اعمل حساب انك اختي ،،، بكلامو ده الجو اتكهرب كهرباء  ،،،عمار ليهو طبع خاص ،،، يعني لمن يكون معصب ما بشوف قدامو ولا بعرف ضيوف ولا غيرو ،،، ببقى همجي لمن يعصب ومتاكدة لو علياء،دي كانت قصادو كان كفتها ،،، بعديها مسكني من يدي قال لي ارح ،،،، اتحرجت بس قلت ديل اهلو ما اتحرج منهم اتحرج انا مالي ،،،،اول ما دخلنا  فكاني ،،، ودخل الغرفه   ،،، دخلت وراهو طوالي ،،من غير سابق إنذار قلت ليهو طلقني، ،،اتلفت علي بسرعه عيون كان بطق شرار قال لي  عيدي القلتيهو تاني !!!،،،هو بقرب مني ،،،رغم إني خفت بس اتشجعت قلت ليهو طلقني ،،، داير يرد لاحظ لشعري سكت شكلو اتذكر إني كنت تحت قدام النسوان من دون طرحه وكمان اخوه وليد ،،مسكني من شعري قوي  وجراني  عليهو ،،، بقيت اصرخ لانو قبضت يدو كانت قويه ،،قال لي مش حذرتك مش انذرتك  شعرك ده خصله ما تطلع منو ماشه مطلعاهو كلو !!!!!،،، ما بتسمعي الكلام ليه ،،،، لمن وجعني بقيت ببكي قلت ليهو فكني، ،بس هو من شدة ما معصب لمن ما سامعني، ،،، قال لي  شعرك ده اقصو ليك اريحك منو ؟؟؟؟؟ ، اتهجمت ،،،عمار ده اتغير تغيير توتلي، ،،وين عمار الحنين ،،بالجد احذر الحليم  عند الغضب، ،،،  وقتها حسيت شعري ح يتقطع في يدو ،،قلت ليهو بصوت باكي عمار عليك الله فكني ،،، شكلو وعى على نفسو فكاني ،،،خت يدينو في وشو وانا قعدت في الواطه وببكي ،،،  بعد مسافه  قعد جنبي في الواطه  دايره اقوم مسكني  قال لي ليه بتعصبيني  ليه ما بتسمعي  الكلام؟؟؟؟،،،قلت ليهو انا ما عايزه منك اي حاجه طلقني بس ،،، سكت قلت ليهو ما بتفهم طلقني بس ،،وانا بصرخ مع كلامي جراني عليهو وباسني ،،، حاولت اتفك ما قدرت بنيتو قويه مقارنه بي ،،،  بقيت بضرب في صدرو ،،،بعد مسافه فكاني خت وشو مع وشي ،،،قال لي طلاق انا ما بطلق من البدايه  وريتك ،،،بكيت قال لي ممكن افهم بتبكي ليه !!!!،،،، قلت ليهو بعد ده كلو بتسأل ببكي ليه ؟؟؟؟؟؟؟،،، عشان  انت غشيتني  ،،، من البدايه ما وريتني، ،،،، فوق  خليتني من غير ما تسأل رأيي ولمن جيت ما فقدتني ولا قلت  لي الحصل معاك شنو ،،!!وح تسألني ليه وانت اصلا بتحب هند ،،، ماهو اكيد هند ما رضت بالحاجه دي لانها بت ناس وليها مكان ،، اما انت قلت خلاص اعرس هديل ،،، قاطعني وهو بتحرك من جنبي ،،عاين لي مسافه قال لي يعني هسي باقي ليك في النهايه انا بقيت داير لي وحده تستر  علي وتكون راضيه او بالقوة ؟؟؟؟؟ ده فهمك ؟؟؟ شايفه اني زول معيوب عشان كدا داير استر عيبي بيك !!!! للدرجه دي شايفني  قدامك زول ما مني فايده ؟؟؟؟؟؟،،،، ايوة طيب افهميها  كدا و ازيدك  كمان هند لو داير بكره برجعها لو بالجد مفتكره اني بحبها ،،،، وطلاق يا هديل ما بطلق ،،،لو الحيطه القدامك  ما عجباك عندك تلاته حيط غيرها شوفي المناسبه معاك واضربي راسك بيها ،،،،وطلع غفل الباب وراهو بقوة ،،،وانا لسه سرحانه في خيالو ،،،كنت متخيله اي شي الا عمار يقول لي كدا ،،،يمكن انا زودت في الكلام حبتين بس من حقي مصدومه فيهو والله ،،حسيت نفسي ولا حاجه بالنسبه ليهو !!!! بكيت لمن الله غفر لي ،،تاني قلت  فوق شنو  مافي حاجه جبراني اتحمل ده كلو من جهة  عمار ومن جهة  علياء ليه ليه مالي كان ،،، يعني عشان بحب عمار مجبورة اني اتحمل ده كلو ،،،اكيد لااااا ،، مسحت دموعي  ،،قلت ما لي قعدت في البيت ده  طلعت الشنطه وبديت الم في هدومي ،،،  انا من النوعيه الممكن استحمل  اي حاجه ولا زول يهيني  ،،و البيت الفيهو اهانه لي ما بقعد فيهو دقيقه ،،تولع الدنيا كلها ،،،بعد ما لميت هدومي و بالضبط كدا الهدوم الجبتها  معاي ما شلت الهدوم الجابها لي ،،، عاينت لي الشنطه لقيتها فاضيه انا تقريبا ما جبت معاي هدومي غير بالعدد ، خليت هدومي كلها في بيتنا بالنسبه لي ما محتاجه ليهم لانو عمار في الشيله  ما خلى حاجه ما جابها  ،،، والله زعلت على نفسي يعني زاتي غبيه كان اجيب هدوم من هدومي على الاقل يملو لي الشنطه، ،،كما بخاف الكذب قربت اشيلهم في كيس ،،،،بس خجلت اطلع قدامهم كدا ،،،، ضحكت بيني وبين نفسي يعني بالجد انا في  شنو  ،،وتفكيري وين ،،، ياخ اشيلهم في يدي دي يطيروا كلهم في داهيه ،،، في النهايه قلت ده ما وقت يااااااخ  ،،،قفلت الشنطه ،،،وعاينت ل الغرفه كويس على حس انو تاني خلاص انا ما ح اشوفها ،،، جيت طالعه لقيت عمار قاعد في الصاله وبسجر، ،،،،رسمت على وشي الجمود وطلعت اول ما شافني رمى السجاره جاني جاري وقال لي وين وين؟؟؟؟؟؟؟ما رديت وانا لسه ماشه، ،،  استفزاهو عدم الرد شال الشنطه دي جدعها هناك لمن عملت صوت  مزعج من شدة ما فاضيه  ↖️ ،،،قال لي لم اتكلم معاك تردي ،،،، قلت ليهو عايز مني شنو تاني !!!!! قال لي نعم! كيف عايز منك شنو ؟؟؟؟ طالعه وين زي الوقت ده ،،قلت ليهو طالعه بيت ابوي ؟؟؟؟،،  سكت قال لي مافي طلعه ليك ،،،قلت ليهو لااااا طالعه، ،،قال لي لو بالجد عايزه اكسر ليك راسك اطلعي ،،،قلت ليهو لااا بالجد خوفتني، ،،،، مشيت خطوه لقيتو جراني من يدي ولوها لي ورا ضهري ،،،، قال لي بتحبي تعاندي  ليه ؟؟؟؟؟،، قال لي طلعه من هنا مافي ،،،، صرخت قلت ليهو لااا طالعه طالعه ،،، عاين لي ،،بعديها فكاني قال لي اطلعي طيب   ،،، لحظتها خفت قلت لو طلعت ح يكسر راسي ،،، بس احسن يكسر راسي ولا اقعد ،مشيت خطوه  قال لي بس قبل ما تمشي وريني ح تقولي لي اهلك شنو  ،،،، وانتي عروسه ليك يادوب شهرين!!!!! ح تقولي ليهم شنو؟؟؟؟؟ عارفه ح يحصل لابوك شنو لو عارف ولا عارفه نظرة الحله ليك ح تكون شنو؟؟؟؟؟،،،  كلامو كان زي النار على قلبي ،،،،، منطقي شديد ح امشي اقول لي ابوي شنو ،،،لسه بتذكر لحظات العرس حقتي هو مبسوط اجي هسي اقول ليهو ما نفع معاي ؟؟؟؟؟ ،، ما عارفه ابوي ده قلبو ما بستحمل  صدمه ساي بروح فيها  ،،،قعدت ابكي يعني هنا ما قادره اقعد وبيتنا ما ح اقدر امشي ،،، جاني قال لي  البكاء ما حل !!!!! ما رديت ودخلت وقفلت الغرفه علي ،،،، قلت مستحيل انكسر ليهو ،،، حتى لو روحي فيهو بقلع روحي دي مني ،،بس قبل ده كلو لازم افكر اعمل شنو  ،،مافي حل غير اني اصبر  فترة وبعديها  اطلق منو و يادار ما دخلك شر ،، ،،سمعت صوت باب الشقه بقفل عرفت انو طلع ،،،  اسوأ حاجه في الدنيا  تكون مقيد التقييد دا  مافي صالحك ،،،يعني لو جيت حكيت لزول ح يقول لي انتي براك مقيده نفسك ،،،يعني اعمل شنو اهرب ؟؟؟؟؟؟؟؟ بس اهرب امشي وين ؟؟؟؟؟ يعني لو على الهرب احسن امشي بيتنا  على القال فضيحه واحده ولا فضحتين،،، انا ما خايفه من المجتمع يقول مطلقه لانو لا عيب لا حرام الطلاق ،،، بس خايفه على ابوي على امي ،،ما معقوله افكر في نفسي وما افكر فيهم ح تبقى انانيه  مني ، وبعديها  انا الوافقت على العرس لا ابوي لا امي جبروني ،، ف اتحمل عيوبو و مميزاتو ،،،بس انا الحارقني  انو  بحب هند ،،،  باقي الموضوع كلها ما فارقه  معاي ،،،ما عارفه نمت متين بس  صحيت الصباح لقيت نفسي رقدت في نص السرير و في زول مغطيني  ،،،،استغربت مع اني قافله الغرفه علي ،،اتذكرت ما الشقه شقتو اكيد عندو نسخه من المفتاح طلعت بره لقيتو قاعد ،،، عاين لي بس ما اتكلم معاي يعني ما عارفه الزعل منو من منو !!!!!