دوافع الحب ♥

9

#دوافع_حب9
#نون_علي

تصرف عمار اتجاهي كان صادم جدا لدرجه انو لمن جاء لقاني مجهزه اي حاجه حتى انا جاهزه "لبست توب منقاوي  كاسراهو بالاسود" ما عارفه الخلاني البس توب  شنو بس قلتا احسن  امشي ليهم بتوب،،، بعد ما خلصت بقيت واقفه عليهو هو ،، بس ما قدرت اخت وشي في وشو ،،كنت زعلانه لدرجه لو اتكلم معاي ساي ح ابكي ،،وانا يا الله هديت نفسي  ،،حاول يمسك يدي بس جريتها منو ،،عاين لي وانا مدنقره راسي ،،،طوالي جرا الشنطة ومشينا ركبنا العربيه المشوار كل انا بعاين  بره ،،،هو طاير بالعربيه طيران  ،،لحدي ما وصلنا ،،لا هو اتكلم معاي لا انا اتكلمت معاه ،، لمن نزلت عاينت لبيتنا  يعني هو ما قريب شديد  بس كمان بتشاف  من بيت ناس عمار، ،، عاينت لعمار لقيتو بعاين لي ،،،لحظتها سرحنا ،،الموضع كل على بعض جاء سريع حتى لو ما سريع بس فجأة بقيت زوجه عمار فجأة لقيت نفسي معاه ،،يعني  بتذكر زمان لمن اجي طالعه من بيتنا  واجي جنب  بيتهم بحاول ابطء خطواتي  على حس اني اشوفو وكذا، ،، بصل مرات  احنس امي عشان تمشي ليهم وانا امشي معاها ،، في المرات الامي بتقتنع ما بصادفو  يعني حظ كدا مبالغه ،،، بس بعد ما عرس هند الوضع اختلف قدر ما الله اداني  بجري  منهم ولو علي اقول لابوي نرحل عديل ،،ده كل عشان ما اشوفهم مع بعض   عشان ما اوجع قلبي ساي، ،،، اخدت نفس عمار ده كان حلم حلم بعيد شديد  ما مصدقه هسي انو معاي ،،رغم الاختلاف البيناتنا  بس لسه مكانتو جواي محفوظه ،،لمن لقاني ساكته قال لي ارح ؟؟ ودخلنا لقينا خالتو ليلي وعم عبد الحفيظ منتظرينا استقبلونا استقبال حلو حتي مجهزين لينا الاكل و الشقه حقت عمار منضفه، ،،خالتو ليلي،قالت لي حلاتك يا بتي خمسه وخميسه عليك ،،قلت ليها تسلمي يا خالتو 💕،،، علياء اصلا  تعاين لي، بنظرات انا لو كنت قاتله ليها زول ما بتعاين لي كدا ،،اثناء ما نحنا قاعدين جات هاجر ومعاها  بتها وولدها ،،،سلمت علي سلام معرفه ،،،اسلوبها في الكلام حلو وراقي ،،سلمت على اولادها "وجن،،،مؤيد"،،،مؤيد تقريبا عمر 5 سنوات ،،وفصيح فصاحه  لدرج قال لي انتي مرت عمو عمار ؟؟؟ قلت ليهو اي ،،،قال لي طيب عمو عمار عندو تاني مره،،كدا بقيتو اتنين ؟؟؟،، صنينا  كلنا ،،، علياء بقت تضحك، ،،هاجر جرت ولدها وقالت ليهو لااا عم عمار عندو زوجه واحده وهي هديل دي وبس ،،،في اللحظات دي عمار كان بعاين لي  زي الداير يشوف ردة فعلي،،، بعد ما خلصنا طلعنا فوق الشقه ،،، كان اول مرة لي ادخل الشقه حقت عمار ،،، لقيتو دخل الشنط ،، ومسكني من يدي قال لي نورتي بيتك ومطرحك💕،،سكت ما رديت في قلبي قلت بيتي شنو مبروك على طلاقي عيني عليهو من هنا ،،، لمن لقاني ساكته  قال لي تعالي مسكني من يدي في الاول اعترضت بس هو كان مسكني بقوة ،،،دخلنا الغرفه ،،قال لي شوفي انتي ليك حقك تزعلي بس  كمان قدري ظرفي انا كمان، ،،عاينت ليهو ،،قلت ليهو ظرف بالنسبه ل شنو، ،سكت قال لي   شايفك تحت ما اكلتي ،،،"داير يغير الموضوع " قلت ليهو لااا شبعانه!!! قال لي شبعانه ولا حردانه،،قال لي وهو بمسكني من خصري ،،بطنك  ما عندها اي علاقه بزعلك ،،، واصل قال لي بعدين انا ما بهون علي تزعلي !!!،، قلت ليهو ما كان زعلتني هسي ،،، حضني عليهو قال لي اعفي لي يا بت الناس ،،بس ده حظك كدا وقعك معاي ،،ضمني شديد بعديها فكاني وشال هدومو ودخل الحمام ،،،بقيت محتاره  فيهو متناقض في تصرفاتو يعني مرة معاي مرة ضدي .....
________________
من جانب رنا