دوافع الحب ♥

16

#دوافع_حب16
#نون_علي

لمن قال لي اتعلمي اتعلمي يا عمري لمتين ح اقعد اعلم فيك ما خلاني  استوعب كلامو وتاني قرب  علي ❤،،،بعد مسافه بعدته منو قلت ليهو وانا برفع في توبي ومتوتره بعد كدا لازم ارجع  ،،امي ح تفقدني ،،،عاين لي واخد نفس طويل قال لي يعني مصره ؟ هزيت ليهو راسي ،،،قال لي تمام تمام ،،، بعد ما نزلت جيتو تاني راجعه قال لي غيرتي رايك ؟؟؟ قلت ليهو لااا بس عندي هدوم دايره اجيبها من هناك ،،، ما علق ،،واتحرك بالعربيه ،،وصلنا ،،وانا ما عارفه خجلانه ليه ،، الحمد الله ما كان في زول في الصاله طلعنا طوالي فوق الشقه ،،، رغم انو لي ايام منها بس كانت نظيفه ،،،دخلت الغرفه طوالي هو قفل الباب ،،وجاء قعد علي طرف السرير وانا  بلم في هدومي ،،شكلو استغرب ،،قال لي انتي قاعده كم يوم هناك !!! قلت ليهو اسبوع، ،،وقف علي حيلو قال لي نعممممم!! اسبوع ليه خلاص ما عندك راجل!! اتلفت عليهو قلت ليهو عمار ديل اهلي وهم ما عندهم غيري فلازم اقعد معاهم ،،، قال لي بس انا كمان ما عندي غيرك ،،، الجمله دي  بعد سمعتها كنت بحاول افهم هو بيقول في شنو ،،رفع راسو عاين لي لقاني مركزه معاه،، صلح صوتو و قال لي افهمي انو يومين بس  اكتر من كدا مافي ،،قلت ليهو ليه ليه ما ينفع ،،، قال لي ينفع ، و والله تكتري الليله زاتو ما اخليك تمشي ليهم ،،،سكته ،،لو عليهو انو يحبسني في الشقه دي بيقدر، ،،،قلت ليهو خلاص بس توافق علي اني اشتغل وكذا، ،، قرب علي قال لي بصوت جهور  انتي  يعني ح توافقي لو وافقت انا انك تشتغلي، ،،ببساطه انا ممكن ارفضهم الاتنين ،!! ،،استفزاني طبعا قلت ليهو انت ليه ما عايز تقدر ظروفي !!!،، قال لي ظروفك مقدرها عشان كدا ح اتنازل عنك يومين لي اهلك  بعديها تجي هنا، ،،قبل ما ارد طلع  ،،،مرات كتيره بتحير في عمار يعني بذكر هند دي  قبل كدا مشت ناس امها قعدت معاهم شهر ،،،حتى ناس حلتنا طوالي كانوا بيسألو منها ،،بس انا اسبوع ما داير يخليني، ،طيب ليه هي احسن مني في شنو ،،،، ولا اهلها احسن من اهلي في شنو  ،،،،طلعت حاجات البحتاج ليها ودخلتهم في شنطه صغيره ،عاينت لي هدوم عمار لقيتها ما مرتبه اخدت نفس تاني قلت ارتبهم،، رتبتهم، في جلابية كدا سمنيه ما حصل شفتو لابسها طلعتها ليهو في السرير احساس بكره يلبسها ،،اتخيلت يكون لابسها ،،وابعلي ح يكون رهيبه رهابه،،،،لمن جيت طالعه هو كان منتظرني في الصاله ،،،عاين لي الشنطه ،،بس ما علق ،،،وانا ما اتكلمت  ،،عامله فيها زعلانه ،،،شال الشنطه ونزلنا تحت صادفنا علياء ،،، عملت فيها ما شيفانا، ،عمار وقفها قال ليها علي ما اعتقد  هديل دي ابوها كان عيان ،،،قالت ليها ااا حمدلله علي سلامتو، ،،عاين ليها قال ليها حسابي معاك بعدين ،،، انا اصلا علياء دي اخر اهتماماتي  ،،بقيت بفكر هو راجلها ده وين ما يجي يسوقها ان شاءالله  يوم واحد يخلينا نتنفس كويس ،،ياخ انا البت ما مستحملها ح يستحملها هو كيف ، قطع أفكاري  عمار  قال لي مشينا ؟؟،،،هزيت ليهو راسي ،،خليناها واقفه تعاين لينا بعديها ركبنا العربيه ،، انا ساكته هو ماشي علي اقل من مهلو ،،يعني قبيل جاري بالعربيه دي جري بس هسي ماشي براحه متاكده لو مشيت بكرعيني  بصل اسرع ،،لمن زهجت قلت ليهو ممكن تتحرك بالعربيه سريع ،،،اتلفت عاين لي وتاني قبل قال لي خلاص زهجتي مني !!!،،  ما رديت ،،،لحدي ما وصلنا ،،دايره انزل مسك يدي  كنت مفتكره انو  ح يعترض وكذا بس علي منو  ،،قال لي يومين يومين يا هديل مافي غيرهم يعني بعد بكره ح اجي اسوقك، ،، سكته ،،قال لي ردي !!!! ،، دايره ارد قال لي ياستي ما مهم المهم انك تعرفي الوضع كيف واذا ما رجعتي معاي بعد يومين ما ح تعرفي انا ممكن اعمل شنو ،،،انا براي في اليومين  ديل ح امسك نفسي بالعافيه، ،،،، عاينت ليهو وانا مطيره عيوني نظام تمسك نفسك بالعافيه ليه !!!!!!،،، قلت ليهو بعد تفكير ،،، انت هند دي كانت بتمشي شهر لي اهلها انا ليه ما بتخليني اقعد اسبوع مع اهلي ،، وبكيت انا مجرد ما اذكر انو هند كانت في حياتو و زوجتو كمان بجيني طعنه في قلبي شعور كان في زول غيري في حياتو بتحرقني حرق ،،، كان نفسي اكون اوله واحده في حياتو،،،بس دايما القسمه كدا ،،،في اللحظه ديك اذكرته في السنه من زواجهم كان  امي رسلتني ليهم رغم اني قدر ما حنستها  قالت لي لا تمشي ما معقوله كل مرة امشي انا امشي انتي، ،،فعليا اليوم داك مشيت وانا بدعي اني ما اصدافهم  ،،، بس لحظي اول ما دخلت لقيتهم قدامي كانت ماسكه في يدو بتقول ليهو بعدين ما تتأخر، ،،،، يعني هو موقف عادي بين اي زوجين     ،، بس بالنسبه لي نار جهنم، ،، يعني كونهم ما بعض وما من حقي اعترض او اقول اي حاجه بتنتهي مني ،،،هو اول ما شافني عاين لي وما اتكلم طلع ،،هند ما اشتغلت بي ودخلت جوه ،، زي كانهم  شافو ليهم شيطان قدامهم بسم الله ،،اتحسرت علي نفسي ،،، ما رجعته من ذكرياتي دي الا عمار هو حاضني قال لي ممكن افهم هسي انتي بتبكي ليه !!!!،، ما رديت زادته في البكي ،،،اتنهد وقال لي ما تقارني نفسك بهند ،،،رفعته راسي وانا دموعي جاريه قلت ليهو بصوت مبحوح  من البكى ليه ما اقارن نفسي بيها هي احسن مني ب شنو ،،،، مررر اصابع يدو علي وشي وبعديها علي خدي وبعديها اتمركزت اصابع يدو علي شفايفي  قال لي يمكن عشان  بالنسبه لي انتي انسانه عظيمه فما بحب اقارنها بزول لانها اصلا ما بتتقارن  ،،، ما رديت ،،،لانو حرفيا كنت  تايهه في ملامح وشو ،،عندو جاذبيه كدا بتخليك بس مركز في تفاصيلو ،،، هو لمن لقاني بعاين ليهو كدا قال  لي احسن تنزلي لانو لو بقيتي تعايني لي كدا شرطه الادب بتجي تقبضنا في مكان ده عشان كدا  انزلي سريع،،،استغربت فيهو عمض عيونو قال لي حبيبي انزلي ،،،،حرفيا مع كلمه حبيبي بقيت مبحلقه فيهو ،،،،هو لا كذب دور العربيه  واتحرك ،،،قلت ليهو وانا مفزوعه وين وين ؟؟؟ ما اتكلم معاي ،،قلت ليهو عمار !!! قال لي انتي خليتي فيها عمار !!!،،، ثواني لقيت نفسي وصلنا بيتهم ،،، نزل وجاء  فتح الباب وقال لي انزلي ،، قلت ليهو عمار عليك الله خلينا نرجع ،،، قال لي من قبيل وانا بمشي فيك انتي ما دايره تمشي هسي بتقول لي نرجع ،،، قلت ليهو خلاص برجع بكرعيني فعليا نزلت ،،مسافه قفلت الباب دايره اشيل الشنطة هو مسك  يدي ،،وجراني وراهو ،،وانا بقول ليهو عمار احسن ارجع البيت ،،قال لي ده بيتنا و ما عندنا حاجه ب زول ،،كويس المرة دي مافي زول شافنا حتي علياء مافي،،، دخلنا الشقه وانا بقول ليها طيب اسمعني !!! قال لي اها سامعك !! وهو بيقرب مني وانا ببعد ،، قلت ليهو خلاص بعد يومين برجع ،،،قال لي ما دي حاجه مفروغ منها ،،، قلت ليهو طيب هسي خليني امشي، ،،قال لي  تمشي وين !!! ،،،،تاني ما لقيت الا الحيطه وراي ،،، هو وقف قصادي ،،،انا حرفيا غلبني الاعمل  مستغربه في تصرفاتو  فقلت ليهو بصوت مبحوح عمار، ،، قال لي هو عمار  يطلع قدامك شنو !!!،، خت يدينو علي الحيطه وبقى محاصرني قال لي اكتر من كدا ح تعملي فيني شنو،هاا وريني ح تعملي فينا شنو !!!! ،،انا بقيت زي الشافع جاري وراك!!!،،ما هو ما معقوله راجل بطولي كدا تاثر عليهو شافعه زيك ،،، طبعا انا خليت اي حاجه قلت ليهو لكن انا ما شافعه، ،، ضحك قال لي خليني اتاكد براي ،،،وعينكم ما تشوف الا النور  تاني ❤❤