دوافع الحب ♥

24

#دوافع_حب24
#نون_علي

اكبر مخاوفي بتحصل قدامي ،،انو عمار  يحن او يقرب من هند ،،ويقربوا من بعض وابقى انا الغريبه في الموضوع، ،، دايره اتحرك ارجع ،، بس قلت لااا ما  ارجع  امشي قدامهم ،،،كانهم ولا حاجه بالنسبه لي ،، رغم اني عايزه ابكي بس مكست نفسي  ،، قبل ما اتحرك عمار ابتعد منها بقوة ،لدرجه قربت تقع ،،عاين لي ،،، بس ولااا اشتغل بي لا اشتغل بيها ونزل طوالي ،،هند عاينت لي وابتسمت ونزلت تحت ،،،انا زول مستفز زي عمار ما لقاني ،، يعني فوق الحصل قدامي ،،ولا قال لي انتي كذا ولا كذا، ،،  هند بعد ما نزلت جاتني راجعه قالت لي مفتكره  انو عشان غير ليك العفش خلاص ،،الفي القلب في قلب ،،، عشان كدا بقول ليك احسن تتخارجي براك، ، بدل تمشي مطروده  ،،،، ونزلت تحت ،، كلامها استفزاني اكتر من حركة عمار ،،،جات هاجر لقتني واقفه قالت لي يا بت بسم الله مالك واقفه كدا !!!!،،،مع كلامها  بكيت، ، دموعي دي عشرة عشره ،، اتهجمت ،، قالت لي تعالي تعالي دخلنا الشقه حقتها اتكلمت معاي مسافه ،،، و بتحاول تهدي فيني، ،، قالت لي اكيد الموضوع فيهو هند ،، سكتت ،، قالت لي شوفي هي طبعها كدا ،، ولسه انتي ما شوفتي حاجه ،،اذا انا ما ضرتها  بتتعامل معاي بطريقه كعبه انتي ح تعمل فيك شنو، ، انا ما عايزه ازيد عليك بس بوريك طبيعة الوضع كيف ،،، بس الحاجه المتاكده منها انو عمار عايزك انتي ،،،عاينت ليها ،، قلت لي ايوة و ظاهر عليهو علي فكره ،،، ما تشوفي هند دي كدا ،، عمار زمان كان ما شغال بيها تطلع ولا تجي و لاااا بيجيب خبرها اصلاً ،، ياخ مشت قعدت مع اهلها ما فكر يرجعها الا لمن عم عبد الحفيظ قال ليهو،،  الكلام القالتو كلو انا كنت مستمعه بس ،، بعديها طلعت رجعت الشقه انتظرت ما جاء،  ،لحدي الصباح ،، اول ما دخل قلت ليهو كنت وين ،، قال لي يهمك قلت ليهو  اكيد ،،، ما رد علي ودخل الغرفه ،،، قلت في نفسي  ماشاء جات في راسك انتي يعني بدل  اكون انا الزعلانه  هسي هو الزعلان ،،، جيت اتكلم معاه برضو سفهني  طوالي قلت ليهو انت يعني عامل فيها زعلان مثلا ،، المفروض انا ازعل كونك اشوفك انت حاضن  هند كدا ،، قال لي حاضنها!!!!! واضح انو كانت هي المقربه مني ،، قلت ليهو برضو انت السمحت ليها ،،، قال لي هو بيقرب مني، ، على فكره دي مرتي برضو  ،،، عاينت ليهو وانا مصدومه ،، قال لي  مالك اها !!!!! قلت ليهو ايوة لااا ما مشكله ،  ابتسم قال لي بتغييري؟؟، ، قلت ليهو اغير !!! مستحيل اغير ، اغير ليه أصلا، ، قال لي هو بيبتسم  لالا ما هو واضح، ،، ودخل الحمام ،،، قلت هو مفتكر اني بغير عليهو ،،، هو فعليا كدا بس ما ح اخليهو يفهم اني  مهتميه  بيهو ،،،،  بعد ما طلع قلت ليهو شوف انا ما شغاله بيك اصللاا  زي ما قلت دي مرتك ف انت حر ،، قال لي لااا ما هو واصح انك ما شغاله بي لدرجه وشك داير يقع من البكى ،،،  اتحرجتتت احراااج  وطلعت طوالي قال لي ما تنسي تاكلي ،،، ابتسمت  حتى هو زعلان مركز معاي ،،،  هسي زي عمار ده بيخلوه  لي هند !!!!!!!،،،  دخلت الغرفه وانا رغم الحاصل معاي كلو حاسه نفسي مبسوطه ،، شعور انو عمار محتويني  ده شعور حلو شديد، ،، الصباح صحيت ،، لقيت عمار مافي شكلو  طلع ،، نزلت تحت لقيتهم كلهم قاعدين في الصاله حتى وليد ،، بس وليد كان سرحان ،، كل مرة يعاين لي هاجر، ، في قلبي قلت ليهو هاجر دي  لو ضاعت من يديك بتندم عاينت ليها لقيتها شغاله مع اولادها تلعب معاهم ساي ،، سلمت عليها قعدت جنب عمار  ،، خالتو ليلي قالت لي صاحيه بدري الليله  قلت ليها انا طوالي بصحا بدري بس ما بنزل تحت ،، قالت لي تاني خلاص انزلي مع عمار ،، هزيت ليها راسي ،،  عم عبد الحفيظ قال لي امشي يا هديل نادي علياء من غرفتها، ،  عاينت لي عمار نظام امشي ،، هز لي راسو ،،، عارفه عم عبد الحفيظ  دايرني اكون متصالحه مع بتو بس هو ما عارف انو المشكله في بتو مافيني انا ،،، قبل ما اقوم هند قالت لي انا بمشي ليها خليك انتي ،،،  شايفه عم عبد الحفيظ  اتغاظ منها بس انا قلت الحمد الله جات منها اصلاا ما دايره امشي ليها ،، لكن هي اتاخرت  ونحنا كان شربنا الشاي ،،  وعمار و وليد دايرين يمشوا  عم عبد الحفيظ تاني قال لي امشي ليها  ناديها  قلنا لي هند ناديها مشت قعدت معاها ،،، انا  قلت  احسن امشي، ، عشان   لو  عندهم فهم معاي نتمو في غرفة علياء ،،،هند شكلها مفتكراني مسكينه بس لسه ما بتعرفني ،،، اول ما جيت ادخل ،،سمعت علياء بتقول لي هند اها ح نتصرف كيف الموضوع ده زاد عن حدو ،، البت دي بقت عايشه ولا كانوا البيت حقها ،، ياااخ ابوها  المشيت قلت ليها الكلام ما جاب نافعه غير رقد مستشفي  و حرق لي اعصابي علي الفاضي، ، هند قالت ليها اريتها كان جات فيها هي ،،،  زاتو ابوها ده كما غبي بخليها تجي راجعه تانيه  ،،، ياخ نسابتك قالوا ليك بتك ما نافعه ترجعها ليهم تاني كما عندك كرامه ،،، انا تاني ما سمعت  باقي كلامهم لاني  حسيت بصننن كدا عجيب ،،جسمي ده كل رجف ،،حسيت الارص دي بدور بي ،، يعني الحصل لي ابوي ده كان بسسبهم  ،،، يعني   التوتر الكنا فيهو انا و امي كان بسببهم  ،،، اتخيلت شعور ابوي وقتها بعرفو كويس  ليهو حق يحصل ليهو كدا كانت صدمه قويه عليهو ،،،  حسيت دمي ده بفور  بيغلي  فتحت الباب بقوة قلت ليهو  طلعتو انتو السبب، ، اتهجموا  الاتنين ،، علياء قالت لي سببب شنو يا بت  جنيتي !!!!!،،،  قلت ليهو  ايوة جنيت، ، وجيت عليها ، ،، قلت ليها لو عندك مشكله  خليها معاي انا  ماشه لي ابوي ليه زنبو شنو  ما حرام عليك ،،، مسكتها من شعرها  و اضرب و هي تضرب، ، هند  ما صدقت طوالي  رمتني في الواطه ومسكتني من رقبتي  بقوة،،حاولت اتفك ما قدرت ،،، صوتي  رااح، ،  و حركتي بدت تبقى بطئيه سامعها بتقول لي جيتيني  براك ،،،  غمضت عيوني لمصيري ،،،  جاني صوت من بعيد هو بيقول الحاصل شنو يا جماعه ،،،،،  يدين هند اترفعوا مني ،،، بس برضو ما قادره اقوم ،، سامعه خطوات كتير ،، تاني ما شعرت الا بيدين زول بترفعني ...

عم عبد الحفيظ دخل وقال الحصل شنو يا جماعه ،، من خلال صوتو عمار  جاء داخل ،، شاف هديل واقعه في الواطه ،،،  طوالي جرا  ورفعها ،،هي اول ما شافتو اتعلقت في رقبتو كانها كانت بتغرق  ولقت زول يساعدها و ضامه  نفسها عليهو ،،خايفه تصحا تلقاهو ماااافي  ،،، هو من خلال خوفها  ،، جسمو كل اتيبس و اتعصب ،عروق يدينو نطو عديل ،،،و بقى يعاين لي هند وعلياء  بقوة ،، لو ما هديل الماسكه فيهو كان كسر الغرفه فوق راسهم ،، اي  حاجه ممكن يستحملها  الا نظرات هديل وهي خايفه ،،،  ضماها  عليهو  و ما  ركز في الناس الكانو في الغرفه بحاول يخليها تهدا  لانها بدت تبكي ،، عايز يطمئنها انو معاها ،،، انو مافي زول بيقدر يعمل ليها حاجه طول ما هو موجود، ،،،......