دوافع الحب ♥

14

#دوافع_حب14
#نون_علي

قاعده في غرفتي جات الين قعدت جنبي قالت لي شوفتي !!! الحصل في النهايه شنو !! اها رجع ليها ! قلت ليك يا رنا حسان ده ما بحبك وريتك وفهمتك لكن انتي دايماً جاريه ورا قلبك  ،،،اها هسي استفدتي شنو !!!! غير وجع القلب والهم و الغم !!!،، عاينت ليها بس ما رديت ،،، قالت لي ما تعايني لي كدا !!!،،، ده الكنت خايفه منو ،،يعني هو هسي مضى معاك يومين وتاني خلاك  ، المره دي عقد عقد يا رنا يعني ح تبقى بسمه مرتو ،،،وعينك دي تاني ما ح تقدري ترفعيها!! لانو ببساطه دي بت عمنا !!،،، وكمان ح تضطري تشوفيهم مع بعض كتير ،،، قاطعتها قلت ليها انتي  جايه تخففي علي ولا تزيدي النار حطب ؟؟؟؟؟؟،، قالت لي  انا جايه اوعيك  على البحصل ،،،وبإمانة من البداية علاقتك بيهو غلط حتى لو بحبك ليه ما جاك!!!! امور  معاي و مع غيري دي ما تنفع ،،،، ما رديت عليها ،،،هي مفتكره  لمن الجرح يكون حار ونعمل ليهو ملح ،،كدا ح  يخف سريع بس هي ما عارفه النار البتولع  ،،،ما عارفه انو انا بني ادم وفي اللحظه دي دايره زول يتعاطف معاي زول يقول لي  الدنيا بخيرها، ،،،انا حرفيا  محتاجه زول يقول الموضوع ده كذب كذب هو انا لسه ما مصدقه ،،،،اثناء ما قاعدين جات ماما  ،،،قالت لي كل حاجه قسمه ونصيب ولا تزعلي نفسك ،،،،بقيت مستغربه ماما بتقول كدا !!!!! طيب ليه ؟؟؟ ،،،هي بلسانها قالت لي علاقتكم انتي وحسان مستحيل اوفق عليها طيب هسي !!! بتحاول تراضي  فيني وهي العاقبتني  من دون ما تسمع مني !!!!،،، ألين قالت ليها يا ماما  ربنا الحمد الله خارجنا من حسان تاني خلاص ترجع لينا رنا القديمه ،،،وابتسمت ،،، انا عايزه افهم ليه مافي زول  مقدرني ليه مافي زول داير يتفهم انو انا بحب حسان ،،،هم مفكرين الحب ده لعبه كدا !!!! بالبساطه دي خلاص  المفروض ادعس على قلبي  وانسى حسان!!! هم ليه ما عايزين يفهموا انو حسان ده جوه روحي ،،،،انا وصلت لمرحله من تعلقي بيهو  اني ما عايزه غيرو ؛ اني ما شايفه سعادتي مع غيرو ،،،هم مفتكريني اني بحب حب فترة كدا ويعدي  !!!! ده حب سنين سنين  يخوانااا ،،،جات وسن تمت الناقصة قالت لي يعني هسي بعد ده كل حسان ح يعرس بسمه القصة كدا انتهت نقفل على كدا !!!!!! ماما حدرت ليها كويس ،،، وانا بكيت زياده هي اصلا قصتنا متين بدت لمن تنتهي !!!!،،،، ماما قالت لي نحنا ح نمشي نبارك ليهم سكتت مسافه بعديها واصلت  وانتي معانا!!!،،،، ماما دي قايله بتها قوية قايله بتها صنديدة ،،،هو انا هنا قاعده زغاريدهم ما رحماني  زي الزول البطعنو فيهو  بسكين ،، إبر على قلبي ،،، لمن امشي ليهم هناك !،،بموت والله ،،، يعني امشي اشوف الناس بتبارك ليها  وعلى منو ؟ حسان !!!!!،،، سكتنا كلنا ،،،،بعد إصرار من ماما واخواتي مشيت ما كان عايزه امشي بس في جزء مني بقول لي امشي  خليك قوية ،،،، عارفه اول ما ح اصل عندهم ح اضعف وده الحصل ،،، شفت الناس تبارك من طرف،، والزغاريد دي دايره تشق الابواب دي شق   ،، الناس دي زاتها شكلها ما مصدقه ،، تتفشه  في الزغاريد وبسمه دي الدنيا ما شايلها  و انبسطت زياده لمن شافتني ،،زي كانها  بتقول لي احرقي دمك عرفاك ميته موت ،،،موتي زياده ،،،  لمن جيت باركته ليه بصوت واهن رغم اني حاولته اخليهو عادي ،، بس ما قدرته ،،،، دموعي كانت ح تخذلاني عشان كدا اتسحبت براحه من ناس ماما او هم كانو  شايفني  بس ما بيقدرو يضغطو علي اكتر من كدا ،،، قبل ما اطلع سمعت وسن بتقول لي ماما والين ما كان تخلوها تجي اها  زدنا عليها زياده ،،،، ماما اشرت ليها  بيدها نظام اسكتي ،،،قبل ما اطلع شفت حسان جاي داخل ومعاهم اولاد اعمامي جارينو جر عشان يدخل مع اني ما عارفه المناسبه  شنو تخليهو يجي يعني جاي يبارك ليها مثلا !!! هو العقد لسه ،،، لمن جاء ماري بجي وعيني وقت في عيونو ،،، قربت امسك فيهو و اقول ليهو ليه تعمل معاي كدا ؟؟؟ عملت ليك شنو انا !!!!! اذيتك في شنو !!! ده كلو عشان حبيتك ،،،ياااخ حرام عليك !!!!طيب وقت داير بسمه معشمني فيك ليه !!!!!،،، هو عاين لي وتاني كسر عينو ،،،،دي كانت اول مره اشوف حسان كاسر عينو ،،،،خلاص دموعي بقت طرف ،،، لو بقيت هنا ثانيه تانيه ببقى شماته للبيسوى و الما بيسوى ،،، دايره اطلع من بيت ناس بسمه ،،، قلت احسن امشي بالشارع ،،، وفعليا طلعت بس وانت سرحانه في مكان بعيد بعيد شديد لاقاني ود عمنا خالد ،،،، قال لي رنا ،،،ما اتلفت ،،الوقت ده بذات نفسي ما طايقاها، ،بس هو جاء وقف قدامي قال لي يا بت وين انتي سرحانه،  ،قلت ليهو لاااا ،، قال لي كيفك وين قاعده ،، قلت ليهو موجوده ،،،مشيت سريع من قدامو ،،، هو كان بعاين لي لحدي ما دخلت بيتنا ،،جاء فيهو حسان استغرب انو واقف وبعاين لي بيتنا !!! قال ليهو خالد مالك !!! قال ليهو انت متين دخلت لمن طلعت !!!! قال ليهو هو بعاين لي بييت ناس رنا ،،،قال ليهو بصوت عميق انت كنت وقف مع رنا، ،، قال ليهو اي فيها حاجه ،،،،  اول ما شاف وشو اتغير، ،خالد دخل جوه بسرعه ،،،بعد ما مشى حسان مسح علي وشو وكان في حجر جنبو ضربوا بقوة ،،الحجر ده طار هناك ......
"بقى بين نارين ،وهو ما نفسو الا يبقى في نار رنا لانو بالنسبه ليهو جنه "