دوافع الحب ♥

23

معليش بس الرواية قيد الكتابة
#دوافع_حب23
#نون_علي

عمار عاين لي قال لي ومالو كلو يتغير  حتى المعالق ،، وبكره دي بنزل اثاث جديد  ،،و يا ستي غااالي  والطلب رخييص وهو انا لاقيك وين ❤❤🌻  ،، مفتكرين اني ما اتخلعت ،، لاا اتخلعت والله ،، الموضوع قالوا ولا كانو ،،، داير يقرب طوالي  دخلت الغرفه ،،، ساعه انا بستوعب معقوله الموضوع ساهل كدا ،!!! ،، بس كان جواي شعور قوي اني اثبت لي هند انها بالنسبه لي عمار ولا شي وهو ما جاء وراي،،احساس يخليني علي راحتي ،،،بعد مسافه تاني طلعت قلت ليهو وين تلفوني، ،،عاين لي كويس، ،وطلع التلفون من جيبو ،، قلت ليهو كمان شايلو معاك، ،،،قال لي هديل!!،، ما رديت ودخلت تاني ،،، اتصلت ب امي قالت لي ليه اتاخرتي كدا ،،، سكتت شويه تاني قلت ليها انا ما جايه ،،قالت لي كيف ما جايه ،،، قلت ليها يعني ح اقعد ،،قالت لي كيف يعني تقعدي ،،لاخر لحظه انتي كنتي  معترضه !!!،، قلت ليها هسي اقتنعت ،، قال لي يا هديل الحكايه دي ما لعبه مرة ترفضي مرة تقتنعي حددي موقفك يابتي ،،،ما رديت عليها لاني زاتي ما عارفه موقفي شنو ،، بس العارفه اني لازم ارجع اعتباري لنفسي من هند ،،، قالت لي هديل!! بتكلم معاك ،،بعدين كيف تمشي كدا علي الاقل يجي يسوقك، ،، قلت ليها يا امي نحنا كان انفصلنا !!،،قالت لي حتى ولو ،،قلت ليها يا امي ما مشكله المهم كلمي ابوي ،، لانو تلفون ما بيدخل معاي ،،، قالت لي سممحح  ربنا يهديك يا هديل ،، قفلت على كدا ،، هو انا ما كنت عايزه ارجع من اساسي، خليها لمن يجي يرجعني، ،، بعديها جاتني خالتو ليلي و عبد الحفيظ وهاجر، ، ما مصدقين اني اقتنعت وجيت راجعه ،، عم عبد الحفيظ قال لي ربنا يهونها عليك زي ما هونتيها علينا ،، المهم اتكلموا  وعمار بس ساكت و بعاين لي  الاتنين عرفين سبب رجعتي ،، بليل كدا جاء دقة الباب ،،فتحت ليهو ،، قال لي ممكن دقيقه، ،،  ما رديت دايره اقفل الباب في وشو، هو مسكو ،، قال لي لحدي هسي انا صابر عليك و مقدر ظرفك، ، بس ده ما يدل على انك تتمادي اكتر ،،،وانا جاي  عشان خليك تختاري الاثاث براك العايزه ،، واتحرك تاني جاء راجع معاه التاب، ،قال اختاري كل العايزه ،، وحتى بكره الشركه ح تنزلهم ليك ،،،  اتردته اشيلو بس قلت طول ما انا وصلت لحدي هنا خلاص اختار ،، فعلاً مديت يدي و شلتو ،،دخلت وقفلت الباب ،،، ساعتين انا اختار واختار ،،بحاول اخلي خياراتي احسن من هند ،، في كل  اثاث بختاروا  بيكون اغلى ،،في قلبي قلت مش شايلاهو الهاشميه  اها خليهو يتمها، ، بعد ما خلصت ،،، طلعت برا ،، لقيتو في المطبخ  بيعمل  في شاي،،، قلت ليهو اتفضل  ،،، عاين لي ،، استلمو  ثانيه كدا رجعوا لي ،، استغربت، ،قال لي العدة و الادوات الإلكترونيه كمان ،،، كانت ح اقول ليهو خلاص ياخ ،، لكن هو ما ادني فرصه ومسكو لي في يدي ،،،رجعت تاني الغرفه ،، انا كرهتي في العالم العدة دي ما بعرف ما بعرف اختارها ،،، لقيت تلفوني بيتصل ،،رديت ،، كانت  رنا ،، اتكلمت معاي مسافه وحكت  لي انها عملت شنو في حسان ،، قلت ليها ردة فعلك ما كانت قويه شويتين؟؟؟ قالت لي لاااااا نهائى وده المفروض كان يحصل من زمان ،،الفارغه دي زادت عن حدها ،،،قلت ليها هسي العقد جاء بنشوف اذا انتي صنديده وولا لااا ،،،ما ردت ،، وعشان تغير الموضوع  قالت لي يوسف ولد خالتك اتقدم لي،،، انفعلت قلت ليها بالجد ياااخ مبروووك ياااخ ،، وافقي طوالي، ،، قالت لي لسه بفكر بس  شكلي ح اوافق ،، قلت ليها اي استخيري وشوفي البيحصل ،،  اذكرت انو بسمه قبل كدا قالت دايره الرقم  ، قلت ليها انتي يا رنا بسمه علاقتها شنو بيوسف !!!!     قالت لي بسمه ويوسف، !!!!،، ما عندهم علاقه، ، قلت ليها زمان بسمه قالت عايزه رقم يوسف وانا رسلتو ليها ،،، سكتتت مسافه ،،، قلت ليها رنا ،، قالت لي اي معاك ،،، بعديها قالت لي هديل لبعدين  طيب ،، استغربت فيها بس ما علقت ،، وقفلنا علي كدا ،،، عاينت لي التاب  ،،، اخدت نفس ،،وبديت رحلة تاني اني اختار ،، بعد ما خلصت   زهجت زهج ،، زايد انو في حاجات كتيره اول مرة اشوفها ،،،  المرة دي قبل ما اطلع  عمار دقة لي الباب فتحتو ،، قلت ليهو جيت في وقتك ،، مديت ليهو  التاب قال لي خلاص كدا خلصتي !!!!!،، هزيت ليهو راسي ،،، قال لي طيب تعالي اكلي ،، قلت ليهو ما عايزه ،،، قال لي هديل انا جبتا اكل جاهز  تعالي اكلي من الصباح انتي ما اكلتي، ،، قلت ليهو قلت ليك ما عايزه، ،، قال لي  بطنك ما  عندها علاقه ب زعلك ،، ما رديت وقفلتا الباب ،،، البيشوفني بتعامل معاه كدا ما يشوفني زمان وانا مدردقه فيهو ،،،في النهايه يا ريتني لو سمعتا كلامو الصباح  صحيت دايره اموت من الجوع ،، قلت اها فوق شنو، ، طوالي دخلتا المطبخ فتحتا التلاجه لقيت الاكل زي ماهو ،، واضح انو ما  اكل ،،في الاول زعلت من نفسي تاني قلت يستاهل ،،مسافه ما خلصت لقيتو صحا ،، عاين لي نظام  في داعي لي ده كلو ،،،  قال  لي بعد ما تخلصي انزلي تحت طوالي عشان العٌمال ديل هسي ح يصلوا ،،، طبعا انا اتهجمت بالسرعه دي حار حار كدا !!!! متين هو ،، عمار  لاحظ لي ملامح وشي المهجومه، ابتسم ،،، في وقت قياسي  لميت الحاجات الفي المطبخ ،، دخلت غرفتنا ،، اصلا  قاعده في الغرفه التانيه، ، لقيت حاجاتي كلها اتلمت  ،، عاينت  ليهو قال لي نسيتي   انو ح يتغير  !! ،، هزيت ليهو راسي     ،،قلت ليهو هدومي في ياتو شنطة؟؟؟؟؟؟،، اشر لي علي واحده كدا ،، فتحت ا لقيتها مرتبه اكتر من حياتي ،،طلعت هدومي  مسافه ما خلصت ،،نزلت طوالي لانهم خلاص كانوا وصلوا ،،، اثناء ما انا  قاعده تحت و رافعه بت هاجر ،، لانها قالت الا تعمل شاي لي وليها ،،،و عمار كان فوق مع العٌمال ،،، هند جات عاينت لي كويس ،،قالت لي انتي لسه قاعده؟؟؟؟،، سمعت صوت جوطه رفعت راسها فوق  ،،،  ابتسمت قالت لي الحاصل شنو في شقتي  اتغظت منها هي مفتكره انها لسه حقتها قلت ليها  ح اغير العفش الفيها لاني ما بقدر استخدم حاجات كانت حقت زول غيري ،،،عاينت لي العمال الطالعين و النازلين ، ،،، قالت لي غيرتي العفش كلو؟؟؟؟؟،، هنا ضحكت   كونها  واقفه قدامي كدا مصدومه دي النقطه الدايره اصل ليها ،،، قلت ليها اي مش قلت لي امبارح ده عفشك؟، عاينت لي مسافه قالت لي طلعتي ما هيييننه  لكن ،، مع كلامها جات علياء قالت الجوطه دي شنو !!! هند قالت ليها اخوك الراجل المصون بيغير في  الشقه ،،، علياء قالت ليها وليه يعمل كدا !!!!! هند عاينت لي بغييظ  قالت علي الهانم القاعده قدامك ،، علياء قبل ما ترد جات هاجر  مدت لي كباية الشاي، ،، قالت لي عذبتك البت دي قلت ليها لااا بالعكس حلاتها ،،، علياء ضحكت وقالت لي للاسف ما ح تقدر تجيبي زيها ،،، كلنا سكتناااا،،، هاجر قالت لي ما معروف ،،، هند قالت لي كيف ما معروف !!!!،، هاجر ما ردت، ،وقالت لي بصوت هامس ما تشتغلي بيهم ،،، علياء شكلها سمعتها  قالت لي   انتي شغاله لي ما تشتغل  بينا انتي ما عارفه البيحصل بوراك وو... قبل ماتم قاطعتها هند قالت ليها علياء تعالي دايرك ،، علياء قالت ليها خليني اتكلم ،، قبل تواصل جرتها من يدها ودخلتها الغرفه ،،، هاجر قالت لي علياء ماله !!!! البيحصل شنو قصدها، ،، ما اتكلمت لاني كنت  خايفه عليها ،،احسن تجي من وليد بدل تجي مني ،، علياء دي الله لا كسبها يااخ ،،، بعديها اتونسنا مسافه انضمت معانا خالتو ليلي ،، جاء عمار عاين لي قال لينا انتو قاعدين هنا ليه ،، ما شايفين العٌمال  ديل طالعين نازلين فوقكم ،، خالتو ليلي قالت  ليهو يا عمار مالك، ، هسي نحنا وين والعمال وين، ، قالت ليها برضو  ادخلوا الغرفه جوه، ،، هاجر همست لي جنب اضاني قال لي الغيره يا بتي، ،، ما رديت عليها ،، عمار قال لينا ما سامعين انتو ،، خالتو ليلي و هاجر  دخلوا طوالي ،، انا قاعده ،،، من غير اي كلام مسك يدي وسحبني وراه قال لي انتي بذات تدخلي ،،،،  اول ما دخلت قفل باب الغرفه ،خالتو ليلي ضحكت قالت لي جننتي عمار يا هديل  ،،،سكتتته وانا محروجه ، قالت لي صحي دايرين تغيروا عفشكم ليه !!! قلت ليها اا ااا عمار قال احسن نغيروا قالت لي اا احسن والله ،، المهم تاني لي باليل ما صادفته عمار منتظره متين يخلصو لاني  كنت فترانه وخاصه اني وقفت في المطبخ، ، بعد ما خلصوا   وطلعوا عمار نزل ومسكني من يدي ،، عيونوا كانوا بيبرقوا، ، حتى خجلت من نظراتو  ،،طلعنا كلنا فوق ،،، الشقه اتغيرت تغير توتلي  عيني علي اي اثاث اخترتوا انا امبارح خالتو ليلي وهاجر و عبد الحفيظ اتبهروا، ،عمار جراني علي جانب وقال لي كدا رضيااانه!!!!،،، عاينت ليهو بس ،،  خالتو ليلي قالت لي مبروكات والله 💜،، هاجر قالت لي من اختيارك ،!!، هزيت ليها راسي قالت لي ماشاء الله  والله ،،، بعديها طلعوا ،،، دايره ادخل الغرفه عمار مسكني ،، قال لي هديل !!!! اتكلمي معاي ،،، عارف نفسي غلطتا مستعد اعمل ليك اي حاجه مقابل انك ترضي عني ،،،ما رديت،، قال لي ياااااخ، ، قلت ليهو اا لو عايزني اقتنع  وكذا  خليني انزل اشتغل معاك ،،، عاين لي مسافه قال لي ما عشان انا بوافق ليك علي  كل الدايره تسوقي  فيني ،،اي انا مشتري خاطرك، ،، لكن انتي ما دايره تجيبها علي البر ،،، وطلع قفل الباب الشقه ده بقوة ،، وقتها حسيت اني غلطته كترتها والله ،، في الوقت الهو بيحاول يصلح البينا أنا بخرب اي حاجه  ،،، عارفه نفسي ضغطت عليها شديد ،،، طلعت وراه طوالي دايره احصلو، ،ما نزلت خطوتين من السلم اشوف ليك هند  في حضن عمار ،،،،،.....💔