حسن مكنش توكسيك بالمنظور اللي في دماغنا ، كلامي ممكن يزعل فئة محددة بس بجد ال toxic relationship متبقاش كدا هو شخص يمكن يقول للشيطان هات الشوكة مكانك آه ، بس العلاقات السمة بجد بتكون بالتخلي، أنا هكون في علاقة سامة لما آلاقي الطرف التاني أنا مش فارقة معاه ب٣ج في ظل إنخفاض سعر الجنيه كمان، لما آلاقي مثلاً الشخص دا مبيهتمش بمشاعري أو أنا أقدمله كتير لكن بالمقابل ملاقيش غير تجاهل، شخص بيقلل مني شخص بيتريق ،شخص عايزني أنا بس اللي أضحي، شخص شاطر في قلبان التربيذة..
حسن آه كان بيقلب التربيذة بس عشان يحافظ على رغد جنبه ، دا يفرق عن شخص بيقلب التربيذة عشان يذل اللي قدامه ويستعبد مشاعره...
حسن كان توكسيك ،بس لما تنزلوا الأرياف أو البلاد الصغيرة المتدينة بالفطرة هتلاقوا أحقر وأدن منه ، بلاد تقدس كروموسوم Y، وتلاقي الزوجة بتضرب ، بتطرد مع إن باباها بيبقى مجهز شقتها بالشيء الفلاني ، بتخلف وتشتغل وتصرف على البيت ، ولو فتحت بقها تاخد عليه ،مع تبريرات للخيانة غير طبيعية للراجل ، وتبريرات لا متناهية في عصبيته وتطاوله،والله يا جماعة بسمع قصص توقف شعر البدن من الظلم الواقع على النساء....
وهقولكوا على حاجة أنا ضدد تيار الفيمنست ، أنا بقا عايزة الشرع اللي بيحلل أربعة وبيلزمنا بالطاعة بس أنا عايزة الشرع كله بقا...
عايزة الشرع اللي بيقول مالك لها ومالها لها...
عايزة الشرع اللي بيقول رفقاً بالقوارير...
عايزة الشرع اللي بيقول ولا تأخذوا مما أتيتمهن شيئا..
عايزة الشرع اللي بيقول استوصوا خيراً بالنساء..
الشرع اللي بيقول وعاشروهم بالمعروف....
عايزة الشرع اللي بيقول في القرآن الكريم بسم الله الرحمن الرحيم
وَلَا تَتَمَنَّوْا مَا فَضَّلَ اللَّهُ بِهِ بَعْضَكُمْ عَلَىٰ بَعْضٍ ۚ لِّلرِّجَالِ نَصِيبٌ مِّمَّا اكْتَسَبُوا ۖ وَلِلنِّسَاءِ نَصِيبٌ مِّمَّا اكْتَسَبْنَ ۚ وَاسْأَلُوا اللَّهَ مِن فَضْلِهِ ۗ إِنَّ اللَّهَ كَانَ بِكُلِّ شَيْءٍ عَلِيمًا
صدق الله العظيم
أحنا عايزين مودة ورحمة ودا اللي أنتوا أُمرتوا به،مهر ،وتجهز أنت كله ،النفقة بكافة أوجهها، التي تكفل لها الحياة الكريمة،مش أقل من بيت والدها، عدم منعها من إكمال تعليمها، وثالث حقوقها: عدم منعها من زيارة أصولها وفروعها وإخوتها، واستزارتهم بالمعروف، براً بواليها وصلة لأرحامها، ورابعها: عدم التعرض لها في أموالها الخاصة، باعتبار أن لها ذمة مالية مستقلة، تخولها التصرف في أموالها كما تشاء، وخامسها: عدم الإضرار بها مادياً أو معنوياً.....
دي حقوقها وواجبك ،هتقصر في واجبك يبقى جتك كسر حُقك...
