နေ့လယ်စာစားချိန်မှာ TaeYong ကသေချာပေါက်ဖုန်းလှမ်းဆက်ခဲ့ပြီး DoYoungဟာလည်းသေချာပေါက် SooYoungကိုခေါ်သွားခဲ့ပါသည်။
"JaeHyunက လေ့ကျင့်ရေးကြောင့်မလာဘူးတဲ့ "
"အင်း...."
သူတို့ဟာကျောင်းCanteenမှ ဆိုင်တစ်ဆိုင်မှာဖြစ်သည်။
"Hi တွေ့ရတာဝမ်းသာပါတယ် ငါက DoYoungရဲ့ အချစ်ဆုံး သူငယ်ချင်း Park SooYoung "
သူမ ပုံစံအတိုင်းတက်တက်ကြွကြွဖြစ်နေတဲ့SooYoungကိုကြည့်ရင်း DoYoung မျက်နှာတည်ထားသည့်ကြားမှ ပြုံးမိပါသေးသည်။
"နင်က Lee TaeYongမလား သိပါတယ်...ကျောင်းမှာနာမည်ကြီးပဲကို "
TaeYongမမိတ်ဆက်ခင်ပင် TaeYongအကြောင်းကိုပြောလိုက်သောကြောင့် DoYoungမှာ မျက်မှောင်ကြုံ့ကြည့်လိုက်သည်။
--Lee TaeYong ကနာမည်ကြီးတဲ့လား --
" အာ...အဲ့လောက်လည်းမဟုတ်ပါဘူး "
" TaeYongနဲ့ DoYoungက ဘယ်ကတည်းကသိခဲ့ကြတာလဲ "
"စပ်စုလိုက်တာ Park SooYoung "
DoYoungက သူ့ဘေးမှ သူငယ်ချင်းမလေးကို တံတောင်နဲ့တွတ်ပြောလိုက်တော့ မျက်နှာချင်းဆိုင်မှာထိုင်နေသူ TaeYong က ကြည့်ရင်း ခပ်သာသာပြုံးလိုက်သည်။
"အထက်တန်းနောက်ဆုံးနှစ်မှာ သိကြတာလေ... "
"ဒါဆို မနှစ်ကလောက်မှသိတာပေါ့ "
"အင်း..."
"စားစရာရှိတာ စားပါPark SooYoung ရယ် အမေးအမြန်းထူလိုက်တာ "
DoYoungအပြောကြောင့် SooYoungဟာ နှာခေါင်းရှုံ့ပြီး လျှာထုတ်ပြသည်။
"သခွားသီး မစားဘူးမလား ပေး "
DoYoung ပန်းကန်ထဲမှာ သခွားသီးကိုယူလိုက်ပြီး စားနေသော SooYoung ကို TaeYongကြည့်နေမိသည်။
"မင်းတို့က အရမ်းရင်းနှီးသလိုပဲနော် "
TaeYong အပြောကြောင့် DoYoung အစာစားနေရာမှ TaeYongကိုကြည့်လိုက်သည်။
"ငါပြောတယ်လေ ငါက DoYoungieရဲ့ အချစ်ဆုံးသူငယ်ချင်းပါဆို "
DoYoungဟာဘာမှမပြောပေမဲ့ အစာစားရင်းပလုတ်ပလောင်းသံနှင့်SooYoungဟာပြောလိုက်သည်။