" ဘယ်လိုလုပ်ကြမလဲ DoYoung "
"မင်းက ဘာလို့...မသိတော့ဘူး!!! ဘယ်လိုလုပ်ရမလဲ "
ကုတင်ပေါ်ကဆင်းလာတဲ့ TaeYongဟာ DoYoungကိုကြည့်ရင်းပင် သူကိုယ်တိုင်လည်းဗျာများရသည်။
နိုးလာချိန်မှာ ဘေးနားမှာမရှိသော ချစ်သူကြောင့် အခန်းပြင်လည်းထွက်မရ၍ ကုတင်ပေါ်တွင်သာထိုင်စောင့်နေချိန် တံခါးဖွင့်သံနှင့်အတူ ဝမ်းသာအားရကြည့်လိုက်မိတဲ့အခါ မျှော်လင့်ထားသလို DoYoungမဟုတ်ပါဘဲ သက်လတ်ပိုင်းအရွယ်အမျိုးသမီးဖြစ်နေပြီး နှစ်ခါမျှလောက်အဝေးမှမြင်ဖူး၍ DoYoungအမေဖြစ်သူဆိုတာ တန်းသိလိုက်ချိန်မှာ ပူထူသွားသောခေါင်းနှင့်အတူ ဘာပြောရမည်မသိ။
အံ့ဩစွာကြည့်နေသော ထိုအမျိုးသမီးဟာလည်း ဘာမှမပြောနိုင်။
တစ်ခုခုပြုတ်ကျသံကြောင့် အသံလားရာကြည့်မိချိန်မှာ ထပ်တူအံ့ဩနေသော DoYoungနှင့်အတူ ဒေါသနှင့် ဧည့်ခန်းအတွင်းလိုက်လာရန်ခေါ်သံကြောင့် နှစ်ယောက်လုံးမှာ တုန်တက်သွားရပြန်သည်။" ဖြစ်သမျှအကြောင်း အကောင်းပေါ့ကွာ "
TaeYongအားပေးစကားနှင့်အတူ အခန်းတွင်းမှထွက်လေတော့ တည့်တည့်တိုးသည်မှာ Mayနှင့်။
" DoYoung အသံတွေဆူနေလို့ ဘာဖြစ်..."
TaeYongကိုမမြင်သေးသော် Mayဟာ စကားတွေဆက်တိုက်ပြောနေပေမယ့် အခန်းတွင်းမှထွက်လာသူ TaeYongကြောင့် ဘာမှဆက်မပြောနိုင်ဘဲ ပါးစပ်အဟောင်းသား။
"Lee TaeYong !! နင်က ဘယ်လို.. ဒီအခန်း..."
"အကြောင်းစုံသိချင်ရင် အောက်ကိုသာလိုက်ခဲ့တော့ "
ဘာမှပြန်မပြောဘဲ ဆင်းသွားသော DoYoungအနောက်ကို TaeYongအပြင် Mayပါလိုက်လို့လာသည်။
Mayရဲ့စပ်စုနေသော မျက်လုံးတွေကိုတော့ TaeYongရဲ့ ပြိုတော့မည့်မိုးလိုအပြုံးတွေနှင့်သာအဖြေပေးရသည်။ဧည့်ခန်းသို့ရောက်ချိန်မှာ Mayဖေဖေဟာလည်းရှိနေပြီး TaeYongကိုမြင်ချိန်မှာ သူဟာ ဘာမှနားမလည်။
Mayဖေဖေဟာ အလယ်တည့်တည့်မှာခုံမှာထိုင်ရင်း DoYoungမေမေဟာတော့ ဘေးဘက်မှခုံတွင်ထိုင်သည်။
DoYoungနှင့် TaeYongဟာလည်း မျက်နှာငယ်ဖြင့် အမေဖြစ်သူ၏ မျက်နှာချင်းဆိုင်ခုံမှာဝင်ထိုင်လိုက်ချိန်မှာ Mayဟာတော့ DoYoungမေမေ ဘေးမှာဖြစ်သည်။