شخصيتها الخفيه

البارت التالت

ساندي بصريخ :اااااااع هموت
نزل الشخص  من السياره و الذي لم يكن غير سيف  :انا اسف يا انسه بس انتي طلعت قدامي فجأه فا مشفتكيش ف بعتذرلك جدا يعني و الله

ساندي :عادي ولا .......فجأه توقفت ساندي عن الكلام  ،  مما جعل سيف يستغرب.
سيف باستغراب: انتي كويسه يا انسه،  حصلك حاجه كفالله الشر
ساندي بعياط :انت بتسألني إذا كنت كويسه بعد كل اللي عملته ، وكمان ناسي حبنا والشارع اللي جنبنا ترارارارارا
سيف بصدمه :هو انا عملت حاجه يا انسه وكمان حب اي وشارع ايه تقريبا كده الحادث اللي حصل من شويه اثر عليكي و علي دماغك 
ساندي ببكاء اكتر :انت فاكر ان كلامك ده هيعمل حاجه ولا هيرجع حاجه من اللي انت عاملته انت مش عارف انت عاملت اي
سيف بملل :يا تري عملت اي يخليكي تعيطي كده بصي انا مشغول وعايز امشي ورايا مشوار مهم فانجزي قولي اي اللي حصل

ساندي بعصبيه :يعني بعد ما القرص بتاعتي وقعت بسببك ويا ريت كانوا قرص ساده لأ يا بابا  دي كانت بالشكولاته  كمااان،  اااااع وربنا ما انا مسامحه ولا هعدي الموضوع ايهق ايهق
سيف ببلاهه :نعم يعني انتي مكنش فارق معاكي انك هتتداسي بالعربيه دلوقتي وممكن تموتي وزعلانه علي القرص بتاعتك
ساندي :طبعا انت عارف القرصه الواحدة بكام
سيف بزهق:يا تري بكام
ساندي بفخر :الواحده بتنين جنيه ونص يا أستاذ
سيف و هو يكاد ان ينفجر من العصبيه  :يعني انتي مأخراني علي مشواري ومش كده وبس وعماله تعيطي وحسيت اني عملت مشكله كبيره او حصلك حاجه  و إتأذيتي بسببس  ،  فأجي اشوف الاقي السبب التافه ده
ساندي بعصبيه :سبب تافهه بتقول علي القرص سبب تافهه انت عارف كام شخص فقير بيتمني يلاقي القرصه دي علشان ياكل ويأكل عياله بس انت هتعرف ازاي الموضوع ده وانت اكيد عايش في القصر ولا همك حد انزل مره واحده كده وشوف الناس اللي نايمه في الشارع بسبب انهم مش لايقين مكان يعيشوا فيه وبيلفوا في الشوارع ويمدوا أيديهم للناس من امثالك علشان يجيبوا اكل يأكلوا هما وعيالهم
سيف ببرود :ها خلصتي ممكن بقي تعديني علشان امشي علشان متأخر
ساندي بصدمه :يعني بعد كل كلامي ده ماثرش فيك فعلا صدق اللي قال اللي عنده مال نسي أن يكون عنده قلب

سيف :ويا تري مين اللي قال المثل ده اصل اول مره اسمعه
ساندي بفخر:انا يا بابا اللي قولته و  يلا عديني كده علشان ورايا شغل مهم ومش عايزه اتأخر عليه بس قبل ما امشي حسبي الله ونعمه الوكيل عمري ما ها سامحك ابدا علي القرص اللي وقعت بسببك دي.
وبعدها  هوشت عليه بايدها انو يبعد عن الطريق ومن ثم ركبت سياره الأجره   ومشيت من المكان. 
بينما ظل سيف واقف بصدمه بسبب فعلتها وقال في سره :هي هوشتلي انا بإيديها علشان ابعد انااا انا اللي كل البنات هتموت وتكلمني انا يتعمل فيا كده بسبب بنت مكملتش 156 سم انا يتعمل معايا كده،  يا بااااي لو شوفتها تاني هعمل منها بطاطس محمره  .

علي الناحيه الاخري في شركه  المحمدي

مالك/ يعني اي لحد دلوقتي مش لاقي ولا موظف ولا موظفه واحده تنفع تشتغل في القناه عندي
السكرتيره بخوف :والله يا فندم زي ما حضرتك شايف مفيش حد بنفس المؤهلات اللي حضرتك طالبها
مالك بزهق/ اسمعيني كويسه يا نورا لو ملقتيش صحفي أو صحفيه النهارده اعتبري نفسك مطروده انت فاهممممه
نورا بخوف:حاضر يا فندم أن شاء الله هنلاقي صحفيه النهارده
مالك :تمام هنشوف يلا اخرجي بره
نورا :تمام يا فندم
أغلقت نورا الباب خلفها و من ثم تحدثت في نفسها بغيظ : يااااا باااي عليك يعني علشان حلو شويتين تتعصب عليا  بالطريقه دي بس مش مهم مصيرك تحبني و هخليك خاتم في صباعي و أكون أنا زوجه مالك المحمدي .