شخصيتها الخفيه

البارت الثالث عشر

تبدأ روايتنا علي صباح جديد علي ابطالنا وبالأخص في شركه fashion
سلمي بصدمه :انتي بتقولي اي يا بت يا ساره انتي بتتكلمي جد وربنا
ساره بفرحه :اه وربنا بتكلم جد
سلمي :يعني فيه فعلا ناس تركيين  هيجوا الشركه  النهارده
ساره :اه وربنا  دا اللي عرفته دلوقتي من البت سحر  اياها 
سلمي بضيق :يعني ملقتيش غير البت دي وتعرفي منها الاخبار ده لبسها لوحده يقرف وكمان المياصه بتاعتها دي علي اي شاب دي لوحدها تجزع النفس
ساره  بتمثيل الطيبه :اي نعم يا سلمي يا حبيبتي هي فيها الصفات دي كلها بس برضو مينفعش نتكلم عنها وغير كده سيبك منها وتعالي نفكر في التركيين اللي جايين الشركه
سلمي :فعلا معاكي حق أنا فرحانه اوي وكمان أنا حبيت شغلانه السكرتاريه دي اوي
ساره بتفكير :بس كده في مشكله
سلمي بضيق: مشكله اي المشكله يا ملكه التشاؤم
ساره :دلوقتي هما تركيين يعني اكيد هيتكلموا تركي
سلمي بتمثيل الانبهار :اوه ماي جود مش عارفه من غيرك كنت هعمل اي في المعلومه الخطيره دي وبعدها نظرت ليها بغيظ يعني هما تركيين اكيد هيتكلموا تركي يعني  مش عايزه ذكاء هي  الله ايه الغباء ده
ساره :يا بت يا غبيه انا قصدي  أن هما بيتكلموا تركيه احنا  بقي هنفهم كلامهم  ازاي
سلمي بفخر :بسيطه جدا  هو انتي مش بتتفرجي علي مسلسلات تركيه ولا اي
ساره /  اي ده يعني انتي بتعرفي تتكلمي تركي
سلمي بغرور :طبعا يا اختشي اومال انتي فاكره اي
ساره :طب بالله عليكي اتكلمي كلمه تركي كده  اصل بحب لغتهم اوي وكان نفسي اتعلمها
سلمي :كلمه واحده بس دا انا أقولك كلمات كتير خدي عندك بقي كلمه مثلا زي كيفك يا مسعوده وفي واحده تانيه مراد بيك لا تتركني هيك  وفي كمان واحده  الله الله
ساره بغباء :عايزه تفهميني أن ده  تركي ؟؟؟؟
سلمي بفخر :اومال يا بنتي انتي فاكره اي
ساره وهي تمسك دماغها :ااااااخ نفوخي مش قادره
سلمي ببلاهه: مالك يا ساره يا حبيبتي فيكي حاجه
ساره بشردحه :فيا حاجه بس دا انا فيا حاجات يا اختي يعني كلمه كيفك يا مسعوده ومراد بيك لا تتركني هيك  بقي تركي
سلمي بتكمله:نسيتي الله الله
ساره :احنا اسفين يا ست سلمي احنا اسفين يا اختي احنا عارفين اننا غلطنا سامحينا معلشي
سلمي ببلاهه: مسامحاكي  يا ساره يا حبيبتي وكمان يا بت يا هبله مفيش اعتذار ما بينا
ساره وهي تشعر أنها سوف تنشل من كلامها :الصبر من عندك  يا رب يا رب ارحمني برحمتك  انا همشي قبل ما اتشل استغفر الله العظيم يا رب استغفر الله العظيم
وبعدها تركتها ومشيت
سلمي ببراءه  :هي  البت دي  اتجننت ولا اي  اي الشركه الكئيبه اللي انا  فيها دي  أحنا ناس فريش كده هيبقي غلط علي صحتنا لو فضلنا هنا كتير   وبعدها أكملت بخبث  يلا مش مهم اروح بقي اشوف القمرات اللي هيجوا الشركه دوول نيههههههها

أما في بيت ساندي
كانت ساندي تجلس علي الأريكة وتتذكر ما حدث في الليله الماضيه
Flash back
نظرت سهير بصدمه  ودموع لما يحدث ، هل حق هو أمامي الان لا اصدق كيف حدث ذلك علي رجع لي بعد هذه المدة لقد اشتقت ليك حقا
سهير بدموع ممزوجة بصدمه  :انت؟؟!!
الشخص  بشوق :اي موحشتكيش ولا اي يا قمري انتي
اقتربت سهير بسرعه الي هذا الشخص حتي صارت أمامه بالضبط، رفعت يداها  لتتحسس كل إنش  في وجهه
سهير ببكاء :انت موجود صح انت قدامي انا  مش  بتخيل مش كده  أنا مش قادره اصدق نفسي  انت رجعتلي بجد يا مروان مش كده
وبعدها ارتمت في حضنه وظلت  تحتضنه بشده
مروان :ايوا يا روحي  انا موجود ومش هبعد عنك ابدا ياااااا كان نفسي اشوفك تاني ولو دقيقه واترمي في حضنك  واخيرا حلمي اتحقق بسبب الاستاذه ساندي   شكرا ليكي بجد 
ساندي: لا يا باشا أنا معملتش حاجه  انت برضو كان ليك الفضل  في الموضوع ولولا انك وافقت انك تساعدني مكوناش عرفنا نمسكها
خرجت سهير من حضن مروان وبعدها نظرت إلي ساندي
بخجل  وامتنان :بجد مش عارفه اقولك اي انتي بجد اختي اللي مجبتهاش امي وابويا  ، انتي اجدع صديقه شوفتها في حياتي
ساندي باحراج: متقوليش كده انا وعدتك أن لو كلامك صح هدخلك حماتك دي السجن واكشفهالك علي حقيقتها وارجعلك جوزك وكان لازم أكون قد كلامي و اوفي بوعدي ليكي
سهير باستغراب: بس انتي ازاي عملتي كده اقصد يعني ازاي خليتي   حماتي تعترف بكل عمايلها اكيد هي مش هتتكلم من تلقاء نفسها  و بالسهوله دي 
ساندي بثقه :عيب عليكي يا بنتي هو انا اي حد ولا اي بس علي العموم اللي حصل كالتالي
      Flash back
بعد خروج سهير من بيت ساندي
سلمي :هتعملي اي يا ساندي  وليه كمان توعديها انك تساعديها انتي ممكن توقعي نفسك في مشاكل واحنا مش ناقصين
ساندي بعصبية: قصدك اي يا سلمي ها انتي مش شايفه هي قد اي اتظلمت يعني اسيبها وامشي ولا اكن شوفت حاجه انتي مالك اتغيرتي كده ليه فين سلمي  اللي مش بتسمح تشوف ظلم قدامها واللي ممكن تضحي بكل حاجه علشان تنقذ حد مالك بجد انتي تغيرتي اوي  فين سلمي اللي انا اعرفها
سلمي: مش القصد يا ساندي والله بس انا خايفه عليكي انتي متعرفيش انا ببقي حاسه بإيه لما  تروحي تؤدي مهمه من مهماتك انا ببقي عايشه في خوف انتي اختي وامي وابويا انتي أغلي حاجه في حياتي  يا ساندي  ومش هقبل اني  اخسرك ابدا ،  وكمان ايه اللي يضمن أنها بتقول الحقيقه دي واحده لسه عارفينها من شويه  ايه اللي خلاكي تثقي فيها بالسهولة دي
ساندي بابتسامه  وثقه /  متقلقيش يا سلمي اللي ربنا حاميه   عمره ما يحصله حاجه اوعي تخافي وافتكري دائما أن ربنا معانا وكمان أنا اتأكدت من كلامها  ولاحظت من إشارات جسمها انها مش بتكدب عشان كده انا مصدقاها وكمان هساعدها زي ما وعدتها وانتي عارفه ان المارد مش بيخلف بوعده ابدا  ولا انتي ناسيه 
سلمي بابتسامه : ونعمه بالله ، وبعدها أكملت  / تمام بما انك واثقه فيها يبقي معنديش حاجة أقولها يا سياده المارد  وها هنعمل اي دلوقتي
ساندي: ابدا يا ستي هنرمي طعم للفريسه قبل ما نمسكها ونخليها هي اللي تتكلم وتعترف بكل  حاجه بس قبل ده كله لازم اروح لمروان في المستشفي
سلمي باستغراب:   هتروحي المستشفى ليه وكمان انتي ناويه علي ايه
ساندي بخبث: هقولك بعدين
نظرت ليها سلمي وابتسمت 
في صباح يوم جديد علي ابطالنا
ساندي :عايزه حاجه يا سلمي أنا ماشيه
سلمي :ماشيه راحه فين من دلوقتي لسه بدري علي الشغل
ساندي بضيق :يا بت يا غبيه انتي ناسيه أحنا اتكلمنا في أي امبارح  مش قولت هروح ازور  استاذ مروان في المستشفى
سلمي بتذكر :اااااه  افتكرت بس انتي جيبتي عنوان المستشفي منين
ساندي بغمزه :عيب عليكي عاملت بس اتصال  صغير وعرفت العنوان
سلمي :نفسي اعرف بس الغموض اللي معيشانا فيه ده  هيخلص أمتي بقالنا اربع سنين وداخلين علي خمس سنين عايشين مع بعض ومع كده مش عارفه افهمك ولا أفهم غموضك حتي  
ساندي بغموض :قريبا قريبا ان  شاء الله هتفهمي ويلا بقي علشان الحق اخلص الموضوع مش معايا وقت غير النهارده بس
سلمي: تمام يلا سلام ربنا يوفقك
ساندي :يا رب ويلا بقي مع السلامه 
وبعدها ساندي خرجت من البيت لتتجه لطريقها للمستشفي 
وفي مكان آخر في مستشفى للأمراض العقلية
ساندي  :لو سمحتي أنا جايه  زياره لمريض هنا اسمه  مروان يونس
الممرضه بعمليه: اسفه جدا  لسه ميعاد الزيارات  مجاش فمش هقدر ادخلك زياره ليه  دلوقتي
ساندي بعمليه هي الآخر  :تمام ممكن ثانيه واحد وبعدها أخرجت الفون واتصلت علي شخص ما
ساندي وهي تعطي الفون للممرضه : اتفضلي كلمي
الممرضه  اخذت الفون منها :الو
الشخص الآخر :.....
الممرضه باحترام :تمام يا فندم
الشخص الآخر: ......
الممرضه :لا يا فندم ملوش لزوم تتعب حضرتك خلاص  دي الانسه في عينيا
الممرضه :تمام مع السلامه يا فندم  مع الف سلامه
وبعدها نظرت الممرضه لساندي وابتسمت : اتفضلي يا انسه  تليفونك وكمان  هروح حالا دلوقتي هستأذن الطبيبه المختصه بحاله المريض علشان حضرتك  تقابليه
نظرت ساندي للممرضه وهزت رأسها بالموافقة
وبعد عده لحظات  خرجت الممرضه واخبرت ساندي بموافقه الطبيبه
دخلت  ساندي ل مروان
ساندي باحترام: حضرتك استاذ مروان مش كده
نظر إليها شاب في نهايه العشرينات  يظهر عليه تعب ويوجد حول عينه سواد وهالات سوداء من قلت النوم
مروان بجمود  :ايوا أنا حضرتك مين  وعايزه مني اي  .
ساندي: انا اسمي ساندي وجايه  هنا عشان اساعدك
مروان ببرود: ويا تري بقي هي اللي بعتاكي لهنا
ساندي بعدم فهم :هي مين دي
مروان بغل :  نجوي هانم مكفيهاش اللي عملته فيا أنا ومراتي وابني  وكمان بعتاكي  انتي كمان  ليا هي عايزه اي تاني  مني مش كفايه لحد كده ولا ايه 
ساندي: لا مش هي اللي بعتتني هنا ليك  اللي بعتتني هي سهير
مروان بحنين :بجد  طب هي عامله اي دلوقتي وبعدها سكت شويه ثم قال  / طب واي اللي يخليني اصدق انك تبع سهير  مش من اتباع نجوي هانم
ساندي بثقه:  سهله لو انا تبع نجوي هانم كنت هعرفتها انك مش مريض ولا حاجه وان مش زي ما الدكتوره قالت  انك عندك صدمه  عصبيه نتيجه الحادثه اللي حصلت  زي ما  بينت ده لسهير   هي ونجوي هانم  يا حرام  وكمان أنا  عارفه أن نجوي هانم لو عرفت  انك كويس هتخلص عليك  ومش بعيد كمان تخلص علي مراتك كمان لانك انت الوحيد اللي عارف أسرارها وسبحان الله بتتكلم معايا عادي جداً ولا اكن فيك حاجه ومش معقول دا شكل واحد مجنون ومصاب بصدمه عصبيه ولا ايه
مروان بتفاجأ :  انتي انتي  عرفتي دا كله منين انتي مين ؟؟!!
ساندي بابتسامه :مش مهم تعرف انا عرفت منين ولا انا مين بس المهم اني انا الوحيده بعد ربنا اللي اقدر  اخرجك من هنا واجيب حقك وحق مراتك  ها قولت ايه
مروان بتفكير :طب وانتي عايزاني اعمل اي  دلوقتي
ساندي بجديه: كده  انت  بدأت  تعجبني هقولك تعمل اي وعايزاك تنفذ  كل اللي هقوله  بالحرف الواحد  دا   لو عايز ترجع لمراتك وحياتك مره تانيه ، ها جاهز
مروان بجديه   : ايوا جاهز ، انا مستعد اعمل اي حاجه عشان انتقم لموت ابني وعذاب مراتي  وكل  اللي شافيته بسبب نجوي هانم