شخصيتها الخفيه

البارت العاشر

في بيت سيف
سيف بضيق :يا امي انتي ليه مش عايزه تفهميني انتي عارفه ومتاكده اني مش عايز اتجوز ومتحاوليش معايا لو سمحتي وان شاء الله لما أقرر احب حد أو اتجوزه هتكوني انتي اول واحده تعرفي
نظرت نورا له بقرف لثواني وبعدها تغير وجهها لطيبه : يا ابني أنا مش هبقي موجوده ليك طول العمر وكمان أنا نفسي اشوفك عريس واشيل عيالك قبل ما أموت
سيف بحنيه : بعد الشر عليكي يا امي ليه بتقولي كده
نورا بتمثيل وهي تري أن خطتها نجحت :يا ابني عمر الموت ما كان شر انا بس كل اللي انا عايزاه أن اموت وانا مطمنه عليك يعني مش عايز تحققلي امنيتي الوحيده دي
سيف بخبث: خلاص يا امي قريب جدا هحققلك أمنيتك دي ها مبسوطه
نورا بفرحه : الا مبسوطه دا انا مبسوطه اوي كمان
نظر سيف لامه بابتسامه وغادر
أما نورا فنظرت في أثره بخبث / مستحيل اسمحلك انك تضيع كل اللي عملته لحد دلوقتي ولازم تتجوز بس مش من اي حد لا لازم تتجوز فاطمه بنت عاصم اخويا عشان اقدر اسيطر علي كل الأملاك

في مكان آخر وبالأخص في بيت ساندي
سهير :أنا هقولكم الحقيقه كلها
ساندي وسلمي بتركيز :تمم واحنا سامعينك
سهير : أنا هقولكم كل حاجه ومش مستنيه منكم انكم تصدقوني أو لا بس انا تعبت من كتر ما أنا كاتمه جوه قلبي الحكايه بدأت من وقت ما امي وابويا ماتوا وانا عندي عشر سنين وروحت سكنت مع عمتي كان في الاول المعامله بتاعتها كويسه جدا وبعدين شويه شويه لقيت معاملتها اتغيرت معايا وبقت تعتبرني كخدامه ليها ولعيالها وبقيت مستحمله كده لحد لما بقيت عندي 19سنه و ظهوره هو في حياتي غيرها 180درجه مروان بيه ظهر ك الملاك كان دائما بيقف جنبي وكان بيخليني مبسوطه ولما عرف اللي عمتي بتعملوا فيا قرر أنه يتجوزني وبما أن عمتي اكتر حاجه بتحبها الفلوس اول ما عرض عليها فلوس وافقت علي الجواز وفعلا اتجوزنا بعد تعب كتير اوي ورفض أمه التام علي جوزنا لاني يتيمه وكمان مش في مستواهم
علشان كده رفضت بس قدام أسراره التام وافقت وفعلا اتجوزنا وعيشت معاه احلي عيشه مع أن أمه ما كنتشي طايقاني الا اني كنت مستحملها علشان معامله مروان ليا حبيته جدا ويشهد ربنا علي كلامي ده وبعد سنتين من جوازنا الحمد لله ربنا أراد ليا الحمل وحملت وبعدها بقي ظهرت اسوء ايام حياتي لما لقيت حماتي بقت تعاملني كبنت ليها وكانت شايلاني من علي الارض شيل أنا انبسطت جدا قولت اكيد لما عرفت اني حامل في حفيد ليها قلبها مال من نحيتي المهم بعدها بقت تحصل حاجات غريبه جوزي بقي يعاملني بطريقه غريبه يعني كل ما يشوفني يقولي انتي مين وفين مراتي وبقي لاول مره في حياتنا مع بعض يمد أيده عليا ويضربني ، انا فعلا مكنتش فاهمه تصرفاته ومعاملته معايا يعني ازاي ده جوزي بعد ما كان بيحترمني ورفعني لسابع سما ودائما واقف جنبي ومش بيخلي أمه تقربلي طول ما هو موجود ازاي يعمل كده بس قولت اكيد في مشكله في الشغل ومضايق شويه مش اكتر بس لقيته بقي يتعامل معايا اسوء من الاول وبقي كل ما يشوفني يصرخ في وشي وفي أوقات بيرمي عليا اي حاجه في أيده وتاني يوم بلاقيه صاحي عادي ولا أكن حصل حاجه وبيعاملني بحنيه والأغرب أنه كان بيسالني علي العلامات اللي في جسمي مع أنه هو اللي ضربني والاقي قد اي هو خايف عليا أنا كنت بستغرب جدا من معاملته المزدوجه دي يعني بليل يعاملني بعنف ويفضل يضربني وكمان مش بيكون طايقني والصبح هو اللي بيداوي جرحي اللي هو عاملهولي ويا ريت وقفت الأمور علي كده ده كان كان كان وبعدها ظهر الرعب علي وجه سهير وهي بتتكلم ده كان بيكون معايا في البيت وفي نفس الوقت بلاقي التليفون بيرن ولما اجي ابص بلاقي هو اللي بيرن عليا ويقولي انوا مش هيجي البيت النهارده أنا لاول مره احس بالرعب لحد لما بقيت اشك في نفسي وفضلت اقول اني بيتهيقلي بس في نفس الوقت ما كنتش مطمنه من ناحيه حماتي لانها هي الوحيدة اللي بتكون هاديه وهي شايفه معامله ابنها ليا وبعد لما الأمور خرجت عن السيطره قررت اروح ازور شيخ وفعلا تاني يوم استئذنت من جوزي وقولت ليه اني هروح عند الدكتوره علشان حسه بتعب ورفضت انوا هو يجي معايا لأن مكنتش عايزه اقوله علي اي حاجه عن أمه غير لما اتاكد لان اكيد مكنش هيصدقني لما اقول اني شكه في أمه أنها السبب في اللي بيحصل في حياتنا بعد لما حكيت ليه كذا علي اللي بيحصل ودائما كان يبكدبني المهم روحت فعلا للشيخ ..... وقالت الاسم ، المهم حكيت علي اللي بيحصل في البيت وعلي معامله جوزي ليا بعد ما أمه زارتني واللي حصلي بعدها وبعدين سألني شويه اساله و قالي أنوا هيجي البيت النهارده في منتصف الليل فعلا لما روحت جهزت الحاجات اللي هو طالبها مني بالحرف وبخرت البيت كله ولما جوزي جيه من برا فضل يزعق ويتخانق علي ريحه البخور وأنها مضايقاه وبعدها لقيته فضل يصرخ بصوت عالي وقرب مني وحاول انوا يقتلني أنا كان كل اللي يهميني من للي كان بيحصل يا تري دي جوزي اللي قال انوا عمره ما هياذيني ابدا هو دلوقتي اللي بيحاول يقتلني بعدها معرفتش أنا عاملت كده ازاي بس لقيت نفسي تلقائي اقرا قرآن بصعوبه من شده مسكه ليا ولقيته بقي يصرخ اكتر ولقيته سابني وفضل يحط أيده علي ودنه وفضل يقولي أني ابطل بس انا مرضتش وفضلت اقرا لحد لما سمعت باب الشقه بيخبط جريت بسرعه فتحت الباب وانا جسمي بيترعش لقيت الشيخ هو اللي كان جيه وفضل يقرأ قران عليه وكمان فضل يرمي حاجه عليه وهو كان بيصرخ لدرجه ان من كتر عصبيته ولع في البيت كله وربنا أنا مش بكدب وبعدها الجيران اتلمت علي المكان ودي كان اخر حاجه فاكراها قبل ما يغمي عليا وبعد لما صحيت في المستشفى كان جوزي دخل مستشفى المجانين ومفهمتش السبب وحماتي بقت عندها شلل نصف وبعدها كملت بعياط هستيري وابني ابني اللي في بطني راح مني بسببها هي دا كله حصل بسبب حماتي
ساندي بهدوء :وانتي عرفتي منين أنها حماتك هي اللي عاملت كده معاكي مش يمكن تكوني فاهمه غلط
سهير بهستريا :لا هي أنا متأكدة لأن بعد ما خرجت من المستشفى هي قالتلي كل حاجه وان مروان ده اصلا مش ابنها وأنها كانت عايزه تخلص منه علشان تاخد كل الأملاك بس لما لقت اني حامل حست أن الورث كله كان هيروح منها علشان كده عاملت ده كله واتفقت مع الدجال علشان تعمل لينا عمل و تخرب حياتنا وبعد ده كله مكتفتش أنها بس تعمل كده لا و كمان هي اللي دخلت جوزي مستشفى المجانين وكمان فهمت الناس كلها اني ساحره ودجاله واني أنا اللي عملت كده في جوزي علشان الورث
سلمي : وايه اللي يخلينا نصدق كلامك
سهير :أنا مطلبتش منكم انكم تصدقوني بس اهم حاجه عندي انقذ جوزي اللي في مستشفى المجانين من شهور وهو اصلا مش مجنون بس لو عايزه تعرفي الحقيقه في تلات طرق يا اما الشيخ اللي جيبته بس هو للاسف بعد الحادثه دي حماتي حاولت تقتله علشان ميعترفش باي حاجه ويفهم الناس أن جوزي فعلا كان معمول ليه عمل وأنه مش مجنون وهو في المستشفى دلوقتي بين الحياه والموت وجوزي عايش في صدمه من اللي عرفه عن امه وفي أمه نفسها ودي هي الوحيده اللي تقدر تقول كل حاجه بس عمرها ما هتعترف علي نفسها
ساندي بشر :صدقيني لو حماتك دي فعلا هي اللي عاملت كده انا هعرف اخليها تعترف ازاي حتي لو غصب عنها