شخصيتها الخفيه

البارت الثاني عشر

في شركه fashion
ساره : طب يلا بسرعه قبل ما المدير يعرف
ولسه هيخرجوا اوقفهم صوت مازن
مازن :اي اللي بيحصل هنا وانتوا رايحين فين
ساره بتوتر :اححححنا كنا بس بس
مازن ببرود :انتي هتفضلي كده كتير ولا هتقولوا رايحين فين و بعدها نظر إلي سلمي وقال بقلق حاول أن يخفيه وانتي كمان مالك وشك عامل كده ليه وليه ماسكه بطنك
سلمي بتعب :ابدا اصل تعبت شويه وساره قالتلي أن نروح للدكتور في الوقت البريك ده وكنا جايين نستأذن حضرتك قبل ما نمشي
مازن بقلق :وانتوا مستنين اي روحوا بسرعه وبعد ما تيجوا تعالي يا سلمي علي المكتب علشان عايزك
وبعدها سابهم ومشي دون أن يسمع منهم رد
نظرت ساره بغيظ لما يحدث بينما تكلمت سلمي بخوف :هارسوح هارسوح خلااااص انطردت من الشغل
ساره بتمثيل :إن شاء الله مش هيحصل حاجه بس يلا بسرعه نروح نكشف علي وجع بطنك ده
وبعد مرور عده لحظات
ساره :الحمد الله الدكتور قال إن الوجع شويه وهيروح بس اهم حاجه انك تخدي الدوا علي الوقت
سلمي براحه:ااااااه الواحد ارتاح الحمد لله من هنا ورايح مش هعمل اي مقلب في حد تاني ده وعد مني، بينما نظرت ساره لها بشك ، سلمي ببلاهه / شكلك مش مصدقاني انا فعلا مش هعمل اي مقلب غير للضروره بس
ساره : كنت عارفه وربنا انك مش هتعقلي ابدا
وبعدها قالت بس بما أن الأستاذ مازن بعت ليكي القهوه ده معناه انو كان عارف انك حطه فيها حاجه
سلمي بتفكير :تصدقي صح وكمان هو قالي اروحلوا بعد ما اكشف ده معناه اني هطرد هارسوح
ساره بغل حاولت أن تخفيه : لا يا بت متقلقيش انتي مش شايفه الاستاذ مازن اول ما عرف انك تعبانه كان قلقان قد اي لا وكمان هو اللي لاحظ تعبك قبل ما نتكلم كمان
سلمي :ما عادي يعني ايه اللي حصل اي مدير لازم يكون بيقلق علي موظفينه
ساره : انتي غبيه يا بت انتي مدير مين اللي يخاف علي موظفينه دا انا بقالي سنتين ونص وداخله علي تلات سنين ولحد دلوقتي عمروا ما قالي حتي صباح الخير قال بيخاف علي موظفينه قال
سلمي :مش عارفه بقي ومش مهم دلوقتي المهم نروح الشغل بسرعه بدل ما نطرد احنا الاتنين بدل ما كنت أنا لوحدي نبقي احنا الاتنين عواطليا
ساره بخوف :لا يا اختي فال الله ولا فالك إن شاء الله مش هيحصل بس يلا نمشي بسرعه قبل ما المدير فعلا يطردنا
وبعدها مشيوا مسرعين الي الشركه
في مكان آخر في شركه المحمدي
روان :ساندي عايزاكي تساعديني في الحمله دي احنا لازم نكسب والا الفريق كله هيخسر شغله
ساندي بثقه: تمام متقلقيش خلال يوم واحد هيكون ملف الحمله الجديده جاهز بس بشرط واحد
روان باستغراب / شرط شرط اي
ساندي: هو شرط بسيط جدا وهو انك تضمني انك تجيبي ليا اجازه لمده اسبوعين
روان: اي اسبوعين ده مستحيل الاستاذ مالك مش هيرضي ابدا
ساندي :وانا كمان اسفه مش هقدر اساعدك لأن زي ما انتي عارفه أن شغلي بس اني اعمل مقابلات صحفيه مش اكتر يعني الحملات والحاجات اللي زي ده مش تخصصي وكمان انا لسه تحت التدريب يعني سوري
روان : اعتبر ده ابتزاز
ساندي ببرود: اعتبريه زي ما انتي عايزه
روان: تمام يا ساندي هستغني عن اجازتي وهخليكي تخدي اسبوعين اجازه زي ما انتي عايزه
ساندي بابتسامه :واعتبري الشغل اللي طلبتيه جاهز
نظرت روان لها بغيظ ومشيت
في ناحيه أخري في الشركه
فاطمه بضيق:الله يخرب بيتك يا مالك يا ابن ام مالك اي الشغل ده كله بسبب الشغل ده لحد دلوقتي مشفتش سيف وبعدها سكتت شويه ثم قالت بخبث لا بقي أنا لازم دلوقتي اشوفه
وبعدها همت بالوقوف لتذهب لتري حب حياتي كما تقول