شخصيتها الخفيه

البارت الثلاثين ( الأخير )

تبدأ قصتنا علي فارس والفتيات الموجودين في أحد المطاعم اللي بالقرب من المول
سلمي وهي تجلس على أحد المقاعد : يا يلهوي يا ولاد دا انا رجلي وجعتني من كتر اللف في المول
ساندي بتأكيد : حصل وربنا دا كان يوم ما يعلم بيه الا ربنا دا انا مش حاسه برجلي يا جدع من كتر المشي
سهير بروقان : هو انتوا بتفهموا اصلا هو فيه حد مش بيحب يعمل شوبينج
ساندي بتشنج : سيبنا ليكي الفهم يا ام المفهومية كلها بزمتك هو فيه حد عاقل يفضل يلف فوق الأربع ساعات عشان يجيب لبس وياريت جيبنا اللي احنا عايزينه كله دا احنا مجبناش الا شنطتين يا شيخه اتلهي

سلمي بتفكير : ساندي أنا جعانه
سهير : حاضر يا اختي هنطلب بس استني اخلص كلامي ، وبعدها أكملت كلامها وهي تنظر ليهم / يعني بزمتكم متبسطوش في الخروجه واللف بتاع الأربع ساعات دي ولا لا
سلمي / انبسطنا بس انا جعانه
بصت لها سهير بقرف وبعدها قامت بالمنادهه علي الجرسون
الجرسون / اتفضلوا حضرتكم تطلبوا اي
تكلمت سلمي بسرعه / بص يا كابتن انا عايزه اربعه شاورما واتنين فراخ وواحد بطاطس وعايزه واحد اندومي وعايزه واحد ام علي وصوابع زينه عشان احلي وشوف برضو الاساتذه يطلبوا اي
نظر كل من فارس و سهير لها بصدمه علي عكس ساندي فهي تعلم أن سلمي تحب الاكل جدا أما نيره فكانت تجلس فقط تنظر لفارس بينما تكلم فارس وعلي وجهه الصدمه / هو الاكل اللي طلبتيه ده كله مكنش لينا كلنا
سلمي بصدمه / نعم ؟؟؟؟؟! ده اللي هو ازاي ده يعني عايز تفهمني أن شويه السندوتشات دوول هيقضونا كلنا
فارس / ده المفروض يعني لما تكوني طالبه يجي 8 سندوتشات اكيد طبعا هيقضونا كلنا
سلمي بغباء / هيقضونا ازاي يا اخ فارس بس حضرتك انا طالبه شويه السندوتشات دوول بس عشان انأنأ فيهم علي ما اروح البيت عشان اتعشي مع مازن
فارس بصدمه / تنأنأي اااه يلا يا جماعه نطلب الاكل

طلب الجميع اكل بسيط علي عكس نيره فهي طلبت كميه كبيره مثل سلمي
سلمي بمرح / مكنتش اعرف يا نيره انك زيي بتحبي الشاورما زيي
نيره / لا كلمه بحبه دي كلمه قليله دا انا بعشقه وبالأخص لو عليها مايونيز يا سلاااااام علي الطعامه والحلاوه
سلمي / بصره وانا كمان بحب المايونيز جدا لا دا انتي داخلتي قلبي بقي وعششتي فيه كمان
نيره بمرح / احبيبي يا ابو الصحاب
نظرت ساندي لفارس بخبث وبعدها تكلمت بابتسامة/ الا صحيح يا فارس يا حبيبي اي هي مواصفات فتاه احلامك
نظرت نيره لهم بتركيز لتعرف الاجابه فهي اعجبت بيه من اول نظره ،بينما تكلم فارس بتعجب / ليه يعني بتسالي السؤال ده
ساندي بتمثيل / ابدا مجرد سؤال ما أنا برضو اختك وعايزه اعرف مواصفات فتاه احلامك عشان يمكن الاقيها ولا حاجه وبرضو لو مش عايز تقول فده براحتك برضو
فارس بمناهده / خلاص يا ستي ولا تزعلي هقولك ، بعدها اكمل برومانسية/  ابدا يا ستي انا كل اللي انا عايزوا  واحده تسحرني كده من مجرد النظر ليها لدرجه اني اكون مش عايز ابعد عنها ابدا ولا عن عنيها ،
ساندي بمشاغبه / يا زيدي زيدي
بينما تكلمت نيره بغباء / وانتي ليه تحب واحده ليها في السحر والشعوذة
فارس بغباء / سحر اي وشعوذة اي اي اللي انتي بتقوليه ده هو أنا جبت سيره سحر اصلا في الموضوع
نيره / مش انت لسه قايل دلوقتي أنك عايز واحده تسحرلك
ضرب فارس علي راسه بيأس/ يختاااااااي يا بنتي تسحرلي يعني احبها كده من اول ما يجي عيني في عينها فهمتي
نيره بعفويه / ااااااه زيي كده لما شوفت ..... وضعت ايديها علي فمها بسرعه قبل أن تفضح نفسها ، بينما تكلم فارس بتعجب / شوفتي مين ؟؟؟؟
نيره مغيره الموضوع/ مش هناكل ولا اي يا جماعه اصلا انا جعانه اوي
نظرت ساندي لها بخبث وقالت / طبعا يا روحي يلا عشان نبدا ناكل لان انا كمان جعانه من كتر المشي .
نظرت لها نيره بابتسامه ومن ثم تكلمت مع نفسها / يخربيتك يا فوزي ويخربيت غبائك كنت هتتفضح يا جدع لولا ستر ربنا ، وبعدها نظرت لفارس الذي بدأ يأكل بالفعل وقالت براحه / الحمد لله أنه نسي الموضوع وانشغل في الاكل بدل ما كنت اتفضحت اااخ لو اعرف بس ليه اعجبت بواحد زي ده واحد بارد وتنح ومعندهوش دم ولا احساس وكمان مش بيضحك علي النكت اللي بقولها يا تري اعجبت بيه ليه دا ولا جمال ولا حلاوه ولا نيله ، وبعدها نظرت له بهيام وقالت بصوت عالي : لااااا الواد مز اوي اوي الصراحه يعني مفيش كلام
نظره لها الجميع باستغراب ومفاجأة بينما تكلمت سلمي باستغراب / هو مين ده اللي مز يا نيره يا اختي
نيره بتوتر وهي تبلع ريقها / هااااااا دا دا دا انا قصدي بس اااه افتكرت انا قصدي علي كابتن ماجد اصل عنده عيون إنما ايه جامده اخر حاجه كنت بكرش عليه من وانا صغيره ، تعرفيه ده
تكلمت ساندي بخبث / كابتن ماجد برضو
نيره بتوتر / اااايوا طبعا اومال هيبقي مين يعني
عملت ساندي نفسها مصدقاها ، بينما تكلمت سلمي بمرح / ايوا عارفاه دا انا فضلت اتحايل علي مازن يوم كامل عشان يديني الباسورد بتاع الواي فاي عشان بس اتفرج عليه دا انا بحبه اوي
جاءت نيره تتكلم ولكن توقفت عندما سمعت رنين هاتف ساندي ، نظرت ساندي لهم ببسمه وقالت بغموض / عن اذنكم يا جماعه معايا مكالمه ضروريه
هز الجميع رأسه بتفهم بينما قامت ساندي من علي كرسيها وذهبت بعيد عنهم لترد
ساندي ببرود / اي اللي حصل
تكلم الشخص التاني وابلغها بشئ جعلها مصدومه بشده / ...........
ساندي بصدمه / اي ؟؟؟؟! ايه اللي انت بتقوله دا