في مكان ما وبالاخص في بيت ساندي
سلمي بقلق: اي ده هي البت دي اتأخرت كده ليه دي ب الساعه قربت علي واحده والبت لسه ماجتش انا قلقانه عليها اوي انا هرن عليها أحسن بدل ما عقلي عمال يجيبني و يوديني كده .
قالت كلامها و ذهبت واحضرت الفون و جاءت لتتصل عليها و لكن قاطعها جرس الباب
سلمي باستغراب : يا تري مين اللي بيخبط علي الباب في ساعه زي دي ، يا تري ساندي جات و لا اي انا هروح افتح واشوف احسن .
ذهبت سلمي واحضرت حجابها وقامت بفتح الباب
سلمي : ساندي
ساندي: ايوا يا اختي ساندي هيكون في حد غيري يعني
سلمي باستغراب: هو انتي اي اللي أخرك لحد دلوقتي يا استاذه
ساندي: اعمل اي يعني كان ورايا شغل كتير في الشركه بسبب أن المذيعه اتأخرت فكانوا هيطلعوني خلاص علي التليفزيون بس في اخر لحظه المذيعه جت وخدت مكاني فعشان كده قولت اخرج علشان اشتري شويه حاجات للبيت بس مالقتش اي حاجه من اللي انا كنت عايزاها علشان كده جيت من غير ما اشتري حاجه خالص
سلمي بإزعاج بسبب حديثها المستمر / بس بس بس إي راديو اتفتح ، طب خشي غيري علي ما اجهز الاكل هتلاقيكي جعانه
ساندي بتشنج / أنتي تطولي أساسا إني اتكلم معاكي ، بس علي العموم انا جعانه جدا مش قادره بجد بس هروح اصلي الاول علشان لسه مصلتش العشاء تكوني وقتها جهزتي الاكل .
سلمي بإيماء: تمام يا أختشي.
وبعد عده لحظات
ساندي بصوت عالي: سلمييييي انتي يا بت فين الاكل جعاااااااااانه .
سلمي بصريخ هي الاخري :وطي صوتك يا حيوانه انتي الاكل هجيبوا اهو
ساندي بطفوليه: الله يا سلمي ما انا جعانه الله
سلمي: خلاص يا اختي الاكل جاهز
ساندي ب استفسار : إلا صحيح يا بت يا سلمي هو انتي عامله اكل اي عشان شامه ريحه حلوه.
سلمي بفخر: شيف سلمي لو سامحتي انا يا ماما بلا فخر عاملت كيسين اندومي
ساندي بعبس: نعم يا اختي يعني بعد ده كله تقوليلي كيسين اندومي واقولك كمان شيف شيف عليكي وعلي شكلك يا بعيده، ثم تحدثت و هي تحاول أن تهدأ نفسها / سلمي يا حبيبتي اكيد ده اللي هنحلي بيه مش كده علي ما تجهزي الاكل صح
سلمي ببلاهه: لا هو ده الاكل وعاملت جانبها بيضتين اتنين لكل واحد فينا يعني عاملت اربعه
ساندي بنفاذ صبر: يلا يا سلمي يا حبيبتي هاتي الاكل علشان ما ازهقش عليكي يلا انا عارفه ان الكوريين مأثرين عليكي .
قالت كلامها ثم جلست و بدأت بالأكل .
سلمي: لو سامحتي ملكيش دعوه بيهم ماشي يا حبيبتي ماشي لقد أعذر من فنظر .
ساندي بفم ممتلئ: خلاص يا اختي تحسيهم عِيلتك التانيه يلا تعالي كلي انتي كمان
نظرت سلمي ليها بقرف: كتك القرف في منظرك حطه الاكل ده كله في بوقك يا معفنه
ساندي و هي تخمس في وجهها : قل اعوذ برب الفلق اي هتحسديني ولا اي الله اكبر الله اكبر خمسه وخميسه عليا
سلمي: هحسدك اي يا اختي بلا قرف يلا خلينا ناكل
(نسيبهم هما ياكلوا ونروح في مكان تاني وبالاخص في بيت عائله وهدان)
أنت تقرأ
شخصيتها الخفيه
Fiksi Umumاتنين من عالمان مختلفان هي تسعي للانتقام وهو يبحث عن الحب فهل يجتمعوا ام للقدر رأي اخري
