شخصيتها الخفيه

البارت التاسع

في بيت سيف حمدان
نور والده سيف :سلوي سلوي انتي يا بنتي
سلوي الخدامه :نعم يا ستي  تؤمري بحاجه
نورا : هو سيف فين جيه من الشغل ولا لسه
سلوي : ايوا يا ستي هو لسه داخل من شويه صغيرين
نورا باستغراب :غريبه يعني ازاي يجي وميعديش عليا
سلوي بمبرر: لا يا ستي اكيد راح علشان يغير هدومه وهيجي حالا
نورا : تمام روحي انتي دلوقتي نادي عليه وقولي اني انا عايزاه ضروري
سلوي : حاضر يا ستي تؤمري بحاجه تانيه
نورا /  لا مفيش بس اهم حاجه تنادي علي سيف بسرعه
سلوي باحترام / حاضر يا ستي تؤمري
وبعدها مشيت
في غرفه سيف
سيف  محدثا نفسه : اممممم يعني ده كله يحصل من غير ما  أعرف ماشي يا ساندي لو مكنتش رجعتك لحضني تاني واعرف كل اللي حصل زمان ودلوقتي ماكونش انا سيف حمدان
                        Flash Back
سيف :ازاي ده يحصل أنا متأكد اني سمعت صوتها   بس يا تري ليه  معظم رجال  المخابرات عارفه أنها ولد مش بنت   وازاي قدرت تغير صوتها بسهوله دي من  غير محد يكشفها اكيد في حاجه وانا لازم اعرفها
وبعدها أخرج الهاتف و اتصل علي شخص ما
سيف : بقولك اي  أنا عايز بيانات  لشخص
الشخص الآخر : اعتبر أن البيانات قدامك دلوقتي بس قولي بس اسمه او اسمها 
سيف بخبث :عايز بيانات عن المارد الأسود
الشخص الآخر بصدمه :قصدك المارد اللي هو معلم علي  معظم رجاله المافيا 
سيف :الله ينور عليك ها تعرف تيجيب كل حاجه عنه  ولا اشوف حد غيرك
الشخص الآخر : مش عارف يا باشا والله بس دا المارد واكيد مش بالغباء ده عشان يسيب اي حاجه عنه  بس  هحاول اجيب كل البيانات عنه
سيف :تمام  اتصل بيا لما تعرف اي حاجه
الشخص الآخر: اوكي

في نفس اليوم بليل
في مكان ما
سيف : ها جيبت كل المعلومات
الشخص الآخر :عيب عليك يا باشا جيبت كل حاجه  عنه  وبكل سهوله  كمان عن المتوقع كمان
سيف  بخبث:كنت متوقع كده من الاول
الشخص الآخر بجهل :قصدك اي
سيف :لا مفيش هبقي اقولك بعدين
الشخص الآخر :تمم يا باشا اتفضل المعلومات  اهي
سيف :تمام طير انت بقي وابقي اقولك علي كل جديد
الشخص الآخر:سلام
بعد ما الشخص ما مشي
سيف بتركيز : امممم تعالي بقي عشان نشوف إذا كان تفكيري صح ولا لا
بعد قراءه الملف
سيف بابتسامه ثقه  : كنت عارف انك انتي المارد من الاول بس ثانيه واحده كده هي ازاي قدرت تدخل بسهوله كده في المخابرات لا وكمان تقدر  تخفي نفسها ومحدش يعرفها ابدا  ازاي كده  ، وبعدها اكمل بتفكير  : وكمان فهد المخابرات   (والد ساندي ) ده كان صديق ابويا  ايوا أنا فاكر  وكمان ابويا مات بعد التاريخ موت الراجل ده باسبوع بضبط اكيد في علاقه ما بين الاتنين الراجل ومراته يموتوا  بعد ما كانوا هما مخلصين الاجازه ومشيين وابويا مات برضو في نفس المكان ده برضو وكمان علي حسب كلام امي قالت إن ابويا  عمل حادثه  اكيد في إنه في الموضوع ولازم اعرف  ثانيه واحده ازاي بسهوله دي اعرف المعلومات دي كلها ومش كده وبس لا أعرف أن معلومات شخصيه عن  الفهد نفسه واللي اعرفه ان المعلومات دي محدش يعرفها وأنها بتبقي معلومات سريه جدا ومحدش يقدر يوصلها  ابدا  الا بقي إذا كان صاحب المعلومات  ده عايز يعرف حد  مثلا  
اكمل كلامه  بوعيد   : أما أنتي بقي  يا ساندي الفتره اللي  جايه هتلاقيني دائما في وشك لحد ما اعرف كل حاجه مخبياها عني بس استني عليا
                        Back
سيف  /  يا تري ليه يا ساندي تديني  كل المعلومات دي ، انا لازم اعرف كل حاجه حصلت من وقت ما سافرت لحد دلوقتي لأني متأكد انك انتي  تعرفي حاجه عن موت ابويا وانتي الوحيده اللي هتوصليني للقاتل  لاني متأكد أن أمي مخبيه حاجه عني  وأنها كذبت عليا لما قالت إن ابويا عمل حادثه 
خرج  سيف  من تفكيره عن سمع دق شخص ما علي الباب
سيف  بهدوء : ادخل
دخلت سلوي الغرفه وقالت باحترام :سيف بيه ستي عايزاك ضروري  في غرفتها
سيف باستغراب : ضروري ؟؟؟  ومتعرفيش عايزاني في أي
سلوي :لا يا بيه والله  ما اعرف  هي طلبت مني اقولك كده مش اكتر
سيف  بإيماء:تمام اقوليلها أني جاي  دلوقتي
سلوي :حاضر يا سيف بيه
وبعدها خرجت من الغرفه