شخصيتها الخفيه

البارت الاول

تبدأ قصتنا علي بطلتنا اللي بتصرخ بصوت عالي بسبب رش صديقتها سلمي الماء عليها ساندي بصريخ / اااااع إلحقووووووني بغرررررق همووووووت
ضحكت سلمي عليها ، بينما تحدثت ساندي بعصبيه / انتي غبيه يا بنتي اي اللي انتي عاملتيه ده اااااع حرام عليكي يا شيخه مش كفايه الجو الساقعه الحر اللي احنا عايشين فيه ده لا و كمان بترشي مايه عليا أنا ناقصه يا أختي هزارك علي الصبح كده.
سلمي ببكاء :أنا أسفه والله مكنش قصدي أرش مايه عليكي بس انتي اللي نومك تقيل ومش راضيه تصحي اعمل لأهلك اي يعني الله الحق عليا اني بصحيكي علشان تدوري علي شغل يا اختي بدل ما انتي قاعده كده بتاكل وتنامي وبس كتك القرف في منظرك .
ساندي بصدمه و هي تشير إلي نفسها : كتني القرف في منظري ، أنتي يا بنتي حتي و أنتي بتعيطي لسانك دا مسحوب منك و لازم تشتمي برضو استغفر الله العظيم يا رب استغفرالله العظيم ، يا شيخه دا أنتي أول ما اتكلمتي كدة و أنتي بتعيطي كنت ثواني و هتأثر معاكي ، فعلا تبا لما يحدث علي أرضيه الواقع بجد يعني
سلمي بضيق :يعني سيبتي كل كلامي ومسكتي في الشتيمه بس، ما هنقول إي مهو خير تعمل شرا تعمل
ساندي بغباء :خيرا تعمل شرا تعمل؟؟ إي شرا تعمل خيرا تعمل دي ، ظلت ساندي تفكر لثواني ثم قالت بتذكر / اااااااه قصدك خيرا تعمل شرا تلقي
سلمي بعدم اهتمام و كأنها نست ماذا حدث منذ قليل /  What ever يعني مفرقتش كتير
ساندي / لا مش What ever بقي مهو لو  مبتعرفيش تقولي أمثال يبقي تسكتي خلاص و بلاش امثال  بدل اللي انتي عملاه فينا دا.
سلمي  بملل / حاضر ماشي ماشي المره الجايه إن شاء الله
نظرت ساندي لها بقرف لثواني قبل أن تتحول لنظرات خبث و هي تقول لها /بس يا بت صدقي انا كنت بدأت أتأثر بدموع التماسيح بتاعتك دي ، دا انتي هتبقي إي ممثله شاطره وحاجه عظمه يا أختاااااي علي الجمااااال و العظمه بجد
سلمي بفخر و هي تعدل ملابسها / و الله يا بنتي العظمه لله وحده ، بس أنا يا بنتي ممثله شاطره جدا ، وقريب جدا هروح كوريا وهمثل مع الممثلين القمر دوول وبعدين هشغلك عندي خدامه واقولك بزعيق قومي يا فتحيه اعملي قهوه ليا بسرعه وانتي تعيطي وتقولي حرام عليكي انتي بتعملي فيا كده ليه وانا اقولك حرمت عليكي عيشتك قومي يا وليه اعملي القهوه انجزي وانتي تعيطيييييي وانا افضل اضحك بصوت عالي زي الأشرار اللي في الأفلام بقي و هقهقهق ، مجرد التخيل بس بيخليني منشكحه كدا و مبسوطه
ساندي بصدمه / خدااااامه؟؟
يخربيتك علي يخربيت اليوم اللي شوفتك فيه علي يخربيت المسلسلات اللي كلت دماغك يعني خلاص سافرتي وكمان مثلتي لأ والأكبر من ده كله اني أنا ساندي محمد جابر اشتغلت عندك خدامه انتي يا بنتي شكلك متعرفيش مين هي ساندي محمد جابر انا يا ماما و بعون الله هبقي صحفيه مشهوره وهقضي علي الفساد كله اللي في البلد بكتاباتي ومنشوراتي وكمان هقضي علي الممثلين امثالك وهبقي الصحفيه الشجاعه ساندي محمد جابر و اللي هيتصدر اسمي في جميع الجرايد هقهقهقهقههق
نظرت سلمي خلف ساندي بخوف وقالت وهي ترتعش : ساااااندي سا...ندي
ساندي باستغراب منها / مالك يا بت في إي مش فاهمه و مال وشك قلب كدا ليه
سلمي و هي تبتلع ريقها / الحقي يا ساندي وراكي ، نظرت ساندي لها بعدم فهم بينما هي صرخت بشده / ااااا اااااااع فار فار فيه  وراكي فار  يا ساندي
ساندي هي الآخري بصريخ / اااااع فار فار فاااااااار الحقوني يا عالم الحقوني يا هووووووه اااااع فاااار هموووووت ، كانت ساندي تركض في أنحاء الغرفه و هي تصرخ بشده، بينما وقعت سلمي علي الأرض و هي تضحك بهستريا علي منظرها .
سلمي بضحك /همووووووت مش قادره ، توقفت ساندي عن الركض و نظرت لها بعصبيه فقد فهمت ماذا فعلت فيها، بينما سلمي أكملت حديثها قائلةً / في اي يا ست الصحفيه يا اللي مش بتخافي من حاجه وهتقضي علي الفساد، بذمتك يا شيخه واحده بتخاف من خيالها هتبقي صحفيه وتقضي علي الفساد دا انتي اخرك تقعدي في البيت تأكلي وتنامي بس قال صحفيه قال انا هروح احسن الشغل بدل ما اطرد انا عايزه يا اختي اسافر كوريا واحقق حلمي
تغير وجه ساندي من الغضب ليحل محلها ابتسامه و هي تقول / إن شاء الله يا اختشي تسافري في المكان اللي أنتي عايزاه وتخديني معاكي طبعا يعني
سلمي بتفكير / إن شاء الله يا حبيبي، بس المهم دلوقتي بقي نتعلم الكوري علشان نكون بريفكتو في اللغه ، عشان محدش يضحك علينا لما نسافر ، ها إي رأيك نبقي نحدد وقت و نروح، ولا صحيح انتي بتتكلمي كذا لغه فمش هتحتاجي تاخدي كورسات ، بس مش مهم هاخدك معايا برضو مش حوار يعني .
ساندي بتذمر / هو إي دا هو بالعافيه يعني و لا اي ، دا انا ما صدقت اني خلصت آخيرااااا هروح اخد كورسااات تاني ليييييييه ، وكمان انتي خلاص جيبتي تذكره السفر عشان يبقي اللي ناقصلك انك تتعلمي اللغه بس يا شيخه اتلهي هو احنا معانا نأكل
سلمي بتذمر / ايه يا بت يا بومه كميه التفاؤل اللي أنتي فيها دي الله، قولي يا بت أن شاء الله قولي إن شاء الله ، وكمان انا خلاص قررت هنشوف يوم ونروح ناخد كورس انجليزي وبعدين نتعلم كوري بس انتي الاول دلوقتي تقومي علشان عندك مقابله شغل وانا كمان هقوم البس عشان امشي علي شغلي يلا سلام عليكم
ساندي وهي تقوم لتذهب للحمام / هنشوف يا ست سلمي هنشوف حاضر ثم قالت / وكمان وعليكم السلام ورحمه الله وبركاته،
بعد عده دقائق
كانت سلمي كانت قد غادرت إلي شغلها بينما خرجت ساندي من الحمام و قامت بإرتداء إسدال الصلاه و أداه فرضها و من ثم قامت بخلع الإسدال و قامت بإرتداء فستان موڤ جميل و عليه حجاب باللون الفضي وكوتشي بنفس لون الحجاب

ثواني و غادرت ساندي المنزل هي الاخري بعد ما جهزت.
كانت ساندي تسير في الشارع مبتسمه قبل أن يقابلها أحد الشباب الذي يظهر عليها إنها تعرفه ، لتتغير هذه الإبتسامه و يحل محلها البرود .
نظر هذا الشاب و الذي كان يدعي سامي نظرات غير مريحه لها و قال بمغازله / إلا صحيح الحلو رايح فين كدا علي الصبح . نظرت ساندي له ببرود وبعدها قالت / وانت مال اهلك أنت.
سامي / طب و ليه الغلط بس يا أبله ، دا أحنا حتي بنحبك.
ساندي بمقاطعه / حبك برص يا بعيد، اسمع يا جدع أنت ، أنت ملكش دعوه بيا أنت فاهم و لا لأ ولو حاولت مجرد محاوله بس إنك تقرب مني هندمك عمرك كله وهبلغ عنك البوليس .
قالت كلامها و جاءت لتغادر و لكن سمعت صوته وهو يضحك بشده، نظرت له بقرف ، بينما تكلم هو / هو انتي فاكره بجد انك بتهديدك ده هتخوفيني ولا اي هههههههه لا يا ماما سامي مش بيخاف من حاجه ، ثم اقترب منها بسرعه ومسك ايديها وبص عليها بطريقة شهوانيه / انتي ملكي انا وبس يا ساندي وهتتجوزيني غصب عنك وعليا عرفتك و بعدها ضحك بطريقه مختله ومشي، بينما ساندي نظرت في اثره بقرف وقالت / كتك القرف يا شيخ في منظرك هي نقصاك علي الصبح ، يااااا رب أنا عملت إي في حياتي عشان أبدأ يومي علي المنظر دا ، و يتعكر مزاجنا، ما امشي احسن بدل ما الوظيفه تضيع عليا.

بينما في مكان ما وبالأخص في مركز الشرطه

كان ينظر في ملفات التي أمامه في ضيق شديد وبيخاطب العسكري الذي امامه  بعصبيه / يعني اي دا مفيش اي حاجه نقدر نسجن بيها عائله وهدان و لا اي .
العسكري باحترام / للاسف يا فندم حضرتك شايف إي اللي بيحصل لما بنمسك عليهم حاجه ، و إزاي بيقدروا يطلعوا منها زي الشعره من العجين ، عن طريق إن حد تاني بيعترف مكانهم إن هو اللي ارتكب الجريمه ومش بيرضي يعترف عليهم ولما بنضغط عليه تاني يوم بيكون مقتول في السجن زي ما انت شايف ومش عارفين نمسك عليهم دليل واحد حتي .

سيف / خلاص روح انت دلوقتى وانا هشوف الموضوع دا .
العسكري و هو يقدم التحيه العسكريه / تمام يا فندم
قال كلامه ثم غادر المكان بينما تحدث سيف بينه و بين نفسه / ماشي يا أحمد أنت و ابنك مصيركم تيجوا تحت ايديّه انتوا الاتنين بس استنوا عليا ، وانا بقي هعرفكم مين هو سيف حمدان

في المساء

في أحد المناطق المشبوهه و التي تشبه (الغرزه)
كان يوجد بعض شباب متجمعين و يقوموا بالضحك و هم يشربوا المنكرات يوسف صديق سامي / اي يا عم مش هتفكك بقي من البت اللي اسمها ساندي دي ولا اي
سامي و هو يتذكرها و يتذكر ابتسامتها و جسمها / افكني ازاي بس يا أخي انت مش شايفها عامله ازاي و لا اي، اااااخ البت مزه وتلزمني أوي
يوسف بضيق / يعني هي تلزمك انت بس مهي تلزمني انا كمان ولا هي حلوه ليك ووحشه ليا
سامي بغضب و هو ينقض عليه و يضربه :انت اهبل يالا ولا اي أنا عايزها ليا أنا بس مش من اجل المتعه يا روح امك انا عايزها علشان اتجوزها وعلشان انا بحبها
دفعه يوسف عنه بصعوبه و جاء ليضربه هو الاخر ولكن توقف عندما رأي شخص يرتدي أحد الأقنعه الغريبه و داخل عليهم
نظر يوسف له بغباء بينما تحدث سامي باستغراب / أنت ميين
الشخص بابتسامه مرعبه  / أنا المووت يا روح أمك

استوووووووب.......
يتبع...........
روايه شخصيتها الخفيه بقلم جميله عادل