شخصيتها الخفيه

البارت التاسع عشر

هو يقول احببتها بصدق  ولكن هي كسرت هذا الحب  وهي تقول أنا أيضا  أحببته كثيرا ولكن وعدي لاهلي كان أكبر  وكان يجب أن أكسر  قلبه  حتي اوفي بهذا الوعد.  

تبدأ قصتنا في بيت عائله وهدان

دخلت فاطمه البيت وقالت محدثه نفسها .
فاطمه بحزن :اي نعم أنا حبيتك من صغري وشوفتك جوزي وكل حياتي وكنت بعمل اي حاجه عشان اكون معاك بس صدقني أنا دلوقتي هنساك  وهتمني انك تعيش بسعاده مع اللي بتحبها  حتي لو كانت البنت دي مش انا انا دلوقتي هستسلم ومش هحاول تاني لان بسبب الحب ده خسرت كرامتي وبينت ليه اني واحده معدومه الكرامه والحب مستحيل يكون كده الحب مستحيل يخسرك لا كبرياء ولا حتي كرامتك ولو بدأتي تخسريها اعرفي أن مستحيل يكون ده حب ، وانا دلوقتي همحيك كلك من عقلي وقلبي يا سيف وهنساك  . مسحت فاطمة دموعها وبعدها  ذهبت لتدخل غرفتها
وعندما كانت ذاهبه الي غرفتها سمعت صوت والدها وامها يأتي من  الغرفه المجاوره لغرفتها 
فاطمه بابتسامه : صحيح هروح دلوقتي احكي لبابا عن يومي عشان ما يزعلش  مني زي المره اللي فاتت ، انا هدخل احكيله احسن  ، وعندما
جاءت فاطمه لتدق باب الغرفة ولكن  سمعت شئ جعلها تقف وعلامات  الصدمه  ظاهره علي وجها .

وفي أحد الأماكن والاخص في دار ايتام.
البنت بصدمه وعياط  : يختاااااااي  يعيني عليكي يا شابه اعمل اي دلوقتي اي المطبخ اللي خربان ده دي ماما  سماح لو جت وشافت المطبخ هتقتلنا  كلنا
جاءت فتاه من وراها وتحدثت بمرح   :محصلش حاجه يا نيره  يا اختي يعني انتي مش متعوده علي الموضوع  ده يعني  علي اساس اول مره تحصل
نظرت نيره  بغيظ للفتاه التي ما زالت تبلغ من العمر عشر سنوات
نيره بغيظ: بت يا محنو انتي انتي غيظاني من الصبح انت والواد محنو التاني ده  عشان كده متعصبنيش عشان ماقتلكوش انتوا الاتنين
البت بدلع  : متقوليش علي  مرمر كده لو سمحتي  بعد الشر عليه
نيره وهي تعوج بوقها  بقرف : مرمر   مراد كخه بقي اسمه مرمر يا ست لوجي  يا بتاع مرمر.
لوجي بغضب طفولي  :متقوليش عليه كده  لو سمحتي لانه هو هيبقي جوزي   وهو وعدني بكده لما نكبر 
نظرت نيره بغباء وبعدها قالت بحسره  : طب دلوقتي اروح أدفن نفسي  ولا اعمل اي لما يكون دوول بيتفقوا علي الجواز  أنا  أعمل اي يا خيبتك السوده يا نيره يا بنت ام نيره .
قاطع حديثهم  دخول طفلين  آخرين للمطبخ
نيره بسخريه : اهو استاذ مرمر وأستاذ حازم  جوهم اهم
تكلم مراد الذي  يبلغ من العمر اتناشر سنه  ببرود :   انتي واقفه ليه يا استاذه نيره ماما  سماح لو جت ولقت المطبخ كده هتقلب الدنيا  وتفضل تزعق ولوجي بتخاف من الصوت العالي  عشان كده لو سمحتي خلصي بسرعه
لوجي بدلع :اي ده انت بتقلق  عليا يا مرمر
مراد بحنين : اومال لو مش هقلق عليكي هقلق علي مين يعني   يا روح مرمر  انتي ناسيه انتي تبقي اي بالنسبه ليا .
لوجي بخجل : خلاص بقي يا مرمر انت عارف اني بتكسف  وكمان نيره وحازم واقفين
نظرت لهم نيره ببلاهه وبعدها رفعت ايديها لسما وقالت : يا رب انت اللي عالم بيا يا رب وعالم بحالي  يا رب انا تعبت من المحن اللي  الواحد بيشوفوا كل يوم  وبعدها نظرت لحازم هو  الآخر  ببرود :اي  مش عايز حاجه   ولا عايز تحب واحده انت كمان ولا اي ما انا خلاص بقيت طنط نيره   وراحت عليا .
حازم   ببرود : لا أنا مليش  أنا في الكلام الفاضي ده انا مش هعيش عشان بنت ...
قاطع كلامه
نيره  وهي تقول بتأثر: ربنا يكملك بعقلك يا  حازم يا ابني  والله
حازم  بتكميل حديثه :أنا مش هعيش عشان بنت واحده أنا هعيش عشان كل البنات الحلوه  وعشان ابسطهم واسعدهم  .
نيره بصدمه : ربنا يخدك يا  حازم  يا ابن ام حازم  غور يلا من هنا
وبعدها نظرت للوجي اللي كانت بتضحك بعد ما قال مراد  حاجه في ودانها
نيره بقرف : وانتوا كمان هتفضلوا عايشين كتير في جو روميو وجوليت ده ولا اقولكم علي حاجه يلا غوروا انتوا  كمان خلوني اخلص عشان أنا معنديش غير مراره واحده  ومش ناقصه تتفقع  عبو شكلكم  في الأرض  قصه حب معفنه بصحيح
لوجي بطفوليه  : انا عارفه انك غيراني مننا  عشان كده احنا مش هنهتم بكلامك  ده ،  وهنعذرك يا طنط نيره يلا بينا يا مرمر
مراد باستفزاز : يلا يا عيون مرمر
نيره وهي تشير علي نفسها بعدم استوعاب : أنا هغير  من شويه اطفال لا وكمان اناااااا طنط نيره أنا يتقال ليا يا طنط ااااخ يا لوجي الكلب انتي ومراد كخه بتاعك ده  ، بس بجد  هو قالها يا عيون مرمر  ولا انا بيتهيئ لي ، هو بجد مين فينا اللي اطفال عشان انا بدأت اتوغوش
حازم من وراها : مهو انتي برضو يا اختي اللي سيبتي نفسك لزمن وما بقتيش تهتمي بروحك يا ضنايا  وكل اللي انتي بتهتمي بيه هو بس الترويق والطبخ لحد ما الريحه طلعت
نيره وهي تهز راسها بتأثر : دي حقيقه فعلا  والله يا حازم يا ابني
حازم هو كمان بتأثر : اي نعم انتي متعرفيش حاجه عن المكياج ولا بتعرفي تلبسي كويس ومش بتهتمي بنفسك وبتستحمي من العيد للعيد بس اكيد هيجي واحد اعمي أو مجنون يحبك ويتجوزك عشان مستحيل حد يتجوزك وهو في كامل قواه العقلية أو حتي بيشوف
وفي خلال ثواني تغيرت نظراتها من التأثر  للاشمئزاز وقالت بغضب   : غور يلا من هنا خلينا  اخلص  قبل ما ماما سماح تيجي  قال اعمي أو مجنون قال غور يلا من هنا
شوح حازم بإيديه   وقال وهو يهم بالذهاب / الحق عليا اني برسيكي علي الموضوع عشان متتصدميش في الاخر يا حلوه وبعدها ذهب مسرعا  الي الغرفه عندما رأها  تبحث عن شئ لترميه عليه
نيره في نفسها /  خلاص ما بقاش ناقص غير حازم كخه   يجي يديني نصائح،  الصبر من عندك  يا رب  ،  وبعدها قامت بتشمير أكمام العبايه وقالت وهي تتنهد  : استعنا علي الشقي بالله
وفي  احد الفنادق بباريس
ساندي بابتسامه : اتفضل قهوتك اهي
سيف برومانسية:  تسلم ايدك يا احلي واجمل واحده شافتها عنيه
وبعدها بدأ بشرب القهوه
اقتربت ساندي منه بدلع
ساندي بدلع : سيفا حبيبي  ممكن اطلب منك طلب  صغنون
سيف بتوهان : انتي تؤمري انتي لو طلبتي عمري كله هديهولك  وانا مبسوط و فرحان
ساندي بثقه :هخد عمرك قريب   فا متستعجلش  اوي كده
سيف باستغراب : نعم انتي بتقولي اي
ضحكت ساندي بهستيريا :ههههه هههه هههه. متقلقش اوي كده انا كنت  بهزر معاك  مش اكتر بس علي العموم انا عايزه أخرج مليش دعوه  مهو احنا مش هنيجي باريس ومش هنزور الاماكن اللي فيها
سيف بابتسامه  :  بس كده يا ستي يلا روحي  اجهزي  عشان نخرج
ساندي بمرح زي الاطفال : يس يس يس هنخرج هييييه
وبعدها ذهبت لتجهز نفسها
نظرت سيف لاثرها بحزن  وقال في سره  : يا تري يا ساندي بتخططي لي اي  انا  عارف انك بتحبيني بس في نفس الوقت متأكد  انك مخبيه حاجه عليا .
وبعدها ذهب هو الآخر  ليجهز نفسه 
وبعد عده دقائق خرج سيف من الغرفه بعد ما جهز نفسه  وخلال ثواني أخري
دخلت  ساندي وهي تردي فستان فضفاض لونه ابيض وحزام بنفس اللون وحجاب لونه اسود