✳ الجزء 2 ✳
♥نـــــــــــــية سلطــــــــــــــان♥
🔥 رابحة زين العابدين 🔥
✏ حكايات تيما ✏
🌸تيما مبارك🌸
خارج من جناحو يديه ليمنة لابس ليك عباية رجالية مفضفة و سروال قندريسي و بليغة في رجليه مع سلهام تانيه و دايرو عند يديه الا سمعتيه من بعيد تقول مرأة كتكلم و الا شفتيه تقولي اعودو بالله من هذه المخلوق لي كلو ملمم باين عليه شيطان في سيفت انسان ولكن لسانو حلو واخا هاكداك القلب البيض و يموت على السلطان
مشكلتو مشكيلة يتخشا بين جمايع العيالات في الكوزينة و يسمع هذه اش قالت و لخرى اش دارت و حتى هما كي ديو خبار سيد السلطان لي القد و قامة عرض و هامة يديه ليمينة سميتو عنبر و منين كتكون القردة طالعة ليه كي عيطو ليه موحا
دخل الكوزينة عند العيالات كل وحدة اشنو كدير ها لي كتفور كسكسو ها لي كتغسل الماعن ها لي مقابلة كنجير لا يتحرق و تصدق سامعة الهضرة لي ما تعجبها والمعيور و الحاصول كل وحدة قائمة بشغلها لا تمشي تسمع النقي ودنيها بينهم وحدة كي عيطو ليها دادا رقوش هي لي مكلفة بالخدم كاملين غير شاف فيها حطات المقراج من يديها و ناضت عندو حادرة عينيها
رقوش:سيدي عنبر ا شحب الخاطر
عنبر(بصوت خافت كي تبحلس):سيدنا و سيدك رسول الله الغدا واجد
رقوش:عليا افضل الصلاة و سلام ها هو ا سيدي راه باقي غير تفويرة لخرى و ها هو وجد
عنبر:طلقي راسك طلقي راسك راه سيدي مبقا ليه والو و يدخل كيبغي كسكسو نهار الجمعة سخون يالله
رقوش:كون هاني ا وليدي
عنبر دار خارج و هو يدور عندها و شاف فيها: درتي معاه زبيب بالبصل معسل
رقوش:ايه اوليدي متخممشاي
عنبر:مزيااااان
سمح فيهم و مشا و ضحكات وحدة من الخدامات:كي دير كيف مولات الدار المسمومة
التانية:خليه راه هو لي طالع ليه الزهر فينا
رقوش:خدمو و سكتو بركة من النميمة
زمو فامهم و رجعو لخدمتهم يكملو شغالهم
أنت تقرأ
نية السلطان ( الدارجة المغربية ) تيما مبارك
Action🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 كان حتى كان في قديم الزمان لمّا كان الحبق والسوسان في حجر نبينا العدنان عليه الصلاة والسلام بسم الله العظيم أستهل الحكاية "ن...
