✳ الجزء 34 و الاخير ✳
♥نـــــــــــــية سلطــــــــــــــان♥
🔥 رابحة زين العابدين 🔥
✏ حكايات تيما ✏
🌸تيما مبارك🌸
جا نهار جديد و رابحة ساقت الخبار بلي باها عطا الكلمة لام هاني باش يزوجوها نوضات معاهم لي ما ينوض و بلي كتشوف راسها مشي من مقامو ام قلب معالم بيه غير الله
فاقت كيف ديما و دوزات شغالها كيف موالفة داز الضهر تغداو و جا العصر بقات كتفكر واش تمشي او لا واش تمشي او لا حتى دارتها في يد الله و خرجات من تما نيشان البير
فعلا لقات مولاي عابد جالس حدا البير و عودو حداه واقف كي ياكل من الربيع هز راسو منين شافها جاية و تبسم
عابد:گلت معتجيش
رابحة:الكلمة هي الكلمة
عابد:عندك الحق
رابحة:علاش بغيتيني امولاي
عابد(شاف ليها):علاش سرقتي مني الخنجر ا رابحة
رابحة(تنهدات):حيت كنت عارفة عتفهم القصد و بغيت نكرهك فيا امولاي
عابد؛و كنتي كتفكري بلي كرهتيني فيك
رابحة:كنضن اه
عابد:راك غالطة
رابحة:لالة ام سيدي جات لبارح لدارنا و با عطا ها كلمتو
عابد:و انت اش كتقولي
رابحة:لا كلمة فوق كلمة با امولاي ولكن انا من ايها الناس خاصك وحدة لي تليق بمقامك
عابد:شنو عندير بوحدة غنية متكساب لا عقل لا والو
سكتات و ولات :شنو درتي مع الوزير
عابد:طلع ولد عمي لي باغي يصفيها ليا
رابحة:سمح ليا على فضولي ا مولاي ولكن شنو ناوي دير معاه
عابد:عنفيه لمدينة بعيدة و يخوي عليا القبيلة
رابحة:زين ما عدير امولاي
عابد:هذا كلامك
رابحة:هزات براسها
عابد(تنهد):معندي زهر في العائلة ا رابحة
سكتات منين قال ليها هذه الكلام حتى نطقات من جديد بحكمتها لي ولات تسطيه
رابحة:اعْمَلْ خِيرَكْ وَارْمِيهْ فْبْحَرْ جَارِي إِلَى ضَاعْ عَنْدَ الْعَبْدْ مَا يْضِيعْ شِي عَنْدَ الْبَارِي.
هز راسو فيها. بقا كي شوف فيها شحال حتى جا ريح خفيف حلا الشال ديالها يتحل و يهبط من على خلاه يتبسم حيت اول مرة يشوف وجها مد يديه و حطها على خدودها الوردية و تبسم لهذه الجمال الرباني لي قدامو تفتن خلا العقل يقول فين انا
عابد:العقل فات الزين وسعدات اللي حازهم الاثنين من لهنا موسم الرمان ا بنت قاسم تكوني في داري و اميرة في قصري تهزي عليا الحمل و نقاسمي معايا التقل نديرك بلارة حرة في حياتي نولد معاها لي يخلف في عرشي اش قلتي
رابحة:مولاي
عابد:مقامك من مقامي و ما نبغي اعتراض ا بنت قاسم حيت بغرامك تكويت
صدمها و خلاها كتشوف و مشا و هذه الشي لي كان حل موسم الرمان و ام هاني زوجات بنات القبيلة اسياد الشراف و كل بنت مادة يديها الحنة ختارها لي بغاها قلبو من اول نضرة
اما مولاي عابد لي كان يقول على نسا نية اليوم نيتو هو لي غلبات و رابحة على حبو حصلات و خلفات منو بنين و بنات و عاشو في خير و سلام
و مشات خبيرتي من واد الواد و بقيت انا تيما باركة مع بنات الجواد
أنت تقرأ
نية السلطان ( الدارجة المغربية ) تيما مبارك
Action🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 كان حتى كان في قديم الزمان لمّا كان الحبق والسوسان في حجر نبينا العدنان عليه الصلاة والسلام بسم الله العظيم أستهل الحكاية "ن...
