✳ الجزء 26 ✳
♥نـــــــــــــية سلطــــــــــــــان♥
🔥 رابحة زين العابدين 🔥
✏ حكايات تيما ✏
🌸تيما مبارك🌸
قاسم وصل الارض و بدا في الحريت يگلبها و يستارح حتى كي شوف المخزن جا عندو و قف عليه الا شاك لا هو داير شي حاجة و معارفش
موسى:سي قاسم
قاسم:ابييه ا سيدي
موسى:زيد معانا
قاسم:او لاين ا سيدي
موسى:لدار مولاي السلطان
قاسم:ككككككك كيفاش علاش اش درت
موسى:حتى تما و تعرف زيد
حنا راسو و زاد معاه و هو مسلم تامرو لله معرف راسو اش دار و شمن تهمة تابعاه وصل معاه لقصر و دخل كي سرح عينيه و يتبسم حتى وصل بعد مولاي سلطان و بين رجليه جلس و تمتم
قاسم:مولاي اشمن تهمة درت
عابد(جلس مقابل معاه):قالو ليا عندك بنت هي الشاطرة في القبيلة زينة مخلية الناس تهلل غير بيها
قاسم:بنتي فطينة راس عامر غير بالحكمة معرفتش منين جايباها حرفاتو لعولمة و الفقهة و الحكيم ا مولاي
عابد:اممم هذه الشي كامل
قاسم:بنتي ا مولاي مرضية ما مربيها على طمع ولا تمد يديها على ديال الخير توقف معاك و معمرها تسمع منها انا درت ليك دير الخير و تسكت عليه بالحق لي حكاها فيها تحك باسو و تجبد نخاسو امولاي
عابد كي حك لحيتو هز راسو في قاسم و تكلم :من جاور الأجواد جاد بجودهم ومن ناسب الأرذال خاب ضْناه، ومن جاور القدرة اتلطخ بحمومها ومن جاور صابون جاب نقاه
قاسم:مفهمتكش ا مولاي
عابد:عتمشي عند بنتك و تقول ليها هذه الكلام و غادا في صباح نبغي الجواب
قاسم:و الا معرفتش ا مولاي
عابد:راسك و راسها عيطير ا سي قاسم وصلوه لباب
دخل بحالو و خلا قاسم غير كي خرج عينيه ناض موسى وصلو الباب و مشا نيشان الخيمة طريق كاملة يفكر و يفصل حتى وصل دخل سلم على اهل المكان و جلس في بلاصتو حطو الغدا تغداو و هو مرفوع مهواش هنا حتى وصل ليل كلها فرش مكانو باش يطيب نعاسو غوت على رابحة جات گعدات حداه
رابحة:هانا ا با من قبيلة انت تفكر و تفصل تقول رافد هموم الدنيا لي معندها حد
قاسم:اليوم سلطان سيفط ليا مرسولو
رابحة(خافت على باها):اوا اش بغا
قاسم:سولني عليك ا بنتي و قال ليا شي كلام كي قلب عليه على معنى و انا ما فهمت اش بغا
رابحة:اشنو قال ليك
قاسم:قال ليا "من جاور الأجواد جاد بجودهم ومن ناسب الأرذال خاب ضْناه، ومن جاور القدرة اتلطخ بحمومها ومن جاور صابون جاب نقاه"
كيف سمعاتها سكتات كتخمم و قاسم خاف على بنتو و راسو:اوا ابنتي عرفتي
رابحة(طبطبات ليه على يديه):نعس ا با ولا ترفد هم لي مقسم في الارزاق جاية ا با غير نعس
قاسم:عرفتي الحل
رابحة:صبح و يفتح
ناضت من حدا و مشات تخشات في مكانها غير كتقلب في بلاصتها و تخمم حتى صباح الصباح و فتح الفتاح
أنت تقرأ
نية السلطان ( الدارجة المغربية ) تيما مبارك
Action🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 كان حتى كان في قديم الزمان لمّا كان الحبق والسوسان في حجر نبينا العدنان عليه الصلاة والسلام بسم الله العظيم أستهل الحكاية "ن...
