✳ الجزء 17 ✳
♥نـــــــــــــية سلطــــــــــــــان♥
🔥 رابحة زين العابدين 🔥
✏ حكايات تيما ✏
🌸تيما مبارك🌸
عند رابحة لي مها كتجري من لهنا لهنا حتى هزات ملحقتها و غادا خارجة مدرمة و رابحة تابعاها حتى سدات الباب و دخلات شوية سمعات الدقان عوتاني طلعات الفوق و طلات من الشريجيم و رجعات لور
رابحة:وليني وحلة هذه انا لي ينطابق عليا كلمة اش دربك ا خدي قاليك يدي
رجعات سمعات دقان و هي طل و شاف:شكووون
موسى:انا مرسول من عند مولاي السلطان
رابحة:اش بغيتي
موسى:مولاي السلطان طالبك عندو في الحين
رابحة:علاش
موسى:منعرف حتى تمشي و تعرفي
رابحة:و راه ميمكنش
موسى:علاش
رابحة:حيت خلاوني مقابلة الخيمة غير بوحدي
موسى :علاش فين باك
رابحة:مشى يكبّ الما على الما
موسى:فين خوك
رابحة:مشى لسوق لخسارة
موسى:وفين أمك
رابحة؛شات تجبد الروح من الروح
موسى:و هي اش
رابحة: هي حتى يجيو و نجي برجلي عند مولاي السلطان
موسى:واخا
موسى مفهم والو رجع بحالو عند مولاي عابد و رابحة زنگات ولات تفكر فشي حيلة لي تهنيها من هذه الصداعات حيت باين السلطان معيتهنى حتى يرجع الخنجر ديالو و حاجة باينة دخلات الكوشينة دير العشى و راسها كي فصل و يخيط منين كملات دخلات البيت حتى كتخلع كان خوها ناعس و رايح كل رجل فين و ريحة تعطعط منو متقديش تشميها و هي تمتم بين شفايفها
رابحة:اللهم الخلا والنعاس ولا كمامر شي ناس خزيت يا لطيف
مشات هزات حوايجها و مشات تعوم ليها باش الصباح تمشي لاين باغيا باش حتى الا شدوها رجال مولاي عابد ميشموش فيها الريحة
أنت تقرأ
نية السلطان ( الدارجة المغربية ) تيما مبارك
Action🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 كان حتى كان في قديم الزمان لمّا كان الحبق والسوسان في حجر نبينا العدنان عليه الصلاة والسلام بسم الله العظيم أستهل الحكاية "ن...
