✳ الجزء 11 ✳
♥نـــــــــــــية سلطــــــــــــــان♥
🔥 رابحة زين العابدين 🔥
✏ حكايات تيما ✏
🌸تيما مبارك🌸
مولاي عابد معرف باش تبلا منين يك شوف هذه الخليقة لي قدامو كتغوت و تنوح تما فهم لبنت و اشنو المقصود هذه باغيا فيه مصيدة في البلاصة مشا النتف القلادة لي مزية عنقها و رماها في الساقية و مشا فزگ حوايجو و رجع عندها بحال الا مدار والو و رجال الحطابة القبيلة تلمو عليها كي شوفو فيها مخنزرين كل واحد هاز العتلة في يديه
****:اش واقع ا رابحة و علاش كنتي تغوتي
رابحة فمها تلجم كتشوف في هذه الغريب كيفاش كان سرع منها و في البلاصة فهم المقصود منها صرطات ريقها بشوية و بدأت تمتم تقلب على حياة اخرى تخرج بيه راسها ما خاسرة ما رابحة حيت باين على هذه الغريب لبيب و حكيم و ما معاه ملاغة
رابحة:واالو السيادي مكاين والو غير قلادة لي شرا ليا با طاحت ليا في الساقية و هذه الغريب الله يرحم ليه الوليدين جبدها ليا
***:خلعتينا يحساب لينا شي موصيبة
رابحة:حتى انتوما تبرك الله عليكم رجال الله يكمل خيركم كتسالو كل خير و منساهش ليكم
هزو الرجال براسهم و مشاو و رابحة شافت في مولاي و من تحت لتامها تبسمات اما مولاي كي شوف فيها و هو مخنزر و تخنزيرتو فيها نوع من الغضب و التهديد
رابحة:سير بحالك ا ولد الناس راك خطيتي الدار و مقصودك مشي فيها
عابد:كنتي باغيا ديري ما دارت مولات لتام لطالب خلاتو ينزل يجبد القلادة و بيتاتو في قاع البير يوماين
رابحة:اوا مولات اللتام بغات تقريه حروب النسا باش معمرو ينسى
عابد:قولي حسيفة
رابحة:ومنين عارف علاش مهربتيش
عابد:مدرتش علاش نهرب نيتي صافيا و انت لي فيك الدغال
رابحة:شنو هي هذه الحكمة لي انت باغي تعرفها
عابد(تبسم):"آش تيقول الما ملّي تيغلي"
رابحة كتشوف فيه و في تبسيمتو عقدات حواجبها و نطقات دارت هزات حجرة و شافت فيه و هي معصبة و نطقات
رابحة:شكون انت ما انت من قبيلتنا ولا من دوارنا
عابد:اذن عرفتي الجواب
رابحة:جواب يتقال لناس همة و شان مشي لي داير خنجر في حزامو و كي تسارة في دواور
عابد(معجبوش كلامها):شنو زعمة حكرتيني
رابحة؛عنسولك و في سؤالي عتعرف الجواب هذا الا كنتي حكيم كيف ما كتداعي بصح
عابد:سولي
رابحة:انت راك ما غريب ما براني انت لي مصيفطك مولاك تكشف ليه على السر
عابد: دوي نطقي هذه الشي بعيد عليك
رابحة(تبسمات):سير قول ليه »راه تيقول العود اللّي سقيتْ منّو تكويت»..
عابد:كيفاش مفهمتش
رابحة:كلامي باين و واضح غير الا مبغيتيش تفهم خلاتها مولاتها انا نبرگم و انت تفهم المهم العشية تعاشات و مي يحساب ليها تجليت بسلامة الغريب
هزات رابحة رزيمتها و سرات و خلات مولاي عابد غي كلامها هبلان ما عرفها اشنو قصدات و لاياش لمحات حك لحيتو و دار شاد طريق الغابة منها عيمشي القصرو غير وصل حلو ليه الباب ودخل مشا الجناحو تعرض ليه عنبر حاني راسو
أنت تقرأ
نية السلطان ( الدارجة المغربية ) تيما مبارك
Action🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 كان حتى كان في قديم الزمان لمّا كان الحبق والسوسان في حجر نبينا العدنان عليه الصلاة والسلام بسم الله العظيم أستهل الحكاية "ن...
