✳ الجزء 23 ✳
♥نـــــــــــــية سلطــــــــــــــان♥
🔥 رابحة زين العابدين 🔥
✏ حكايات تيما ✏
🌸تيما مبارك🌸
رابحة بعد ما خلات السلطان و مشات مع جنب الواد و هي معصبة من كلامو حكرها بزاف و طيح بكرامتها الارض ضربات الحساب لكلشي و عارفاه عيفدي فيها الخنجر لي خدات و حتى هي هذه الشي لي باغيا
جلسات جنب الواد و تنفسات حطات يديها على حنكها و تنهدات تمنات كون غير متلاقاتوش عيكون حسن أو أنها مفكاتش ليه الحكمة حلات الصريرة و شافت في الخنجر و تمتمات
رابحة:عنكرهك فيا مزيان ا مولاي انت غير بنت بسيطة مقادة علا مقامك ولا هيبتك تستاهل وحدة من اسياد الشراف
منين نطقها تجنباتها باش متفسرهاش حيت عارف عيدورها في راسو عيفهم الكلام المعنى باين و واضح وضوح الشمس
#اش كي قول الما منين كي غلي # راه تيقول العود اللّي سقيتْ منّو تكويت
المقصود بالعود لي سقيت هو الحكيمة لي غتفسر ليه الكلام من الرعاية ديالو هو الحامي ديالها في ديك القبيلة و الماء لي غلى السلطان التكويت هو العشق و الغرام
يعني يرابحة هي المقصودة علاش سرقات ليه الخنجر باش متخليش ليه الفرصة فين يفكر في كلامها و تولي هي و ياه في شد ليا نقطع ليه حيت كتشوف راسها مقامو ما هو من مقامها
جبدات خبيزة و بدأت تقطع و تاكل و تفصل و تخيط حتى هي شوية كنسمع الغاشي جاي و كي نگر شدها الفضول و ناضت خشات خبزها في رزيمتها و تبعات صوت البكا حتى وصلات عندو
رابحة:سلام عليكم ا شريف
***:وعليكم السلام
رابحة:ياك لاباس سمح ليا على فضولي سمعت البكا جيت عندك قاصدة
***:جلسي ا لالة نقص عليك قصتي و انت حكمي
رابحة:ياك لاباس
كان مول الناقة جلسات حداه رابحة و ودنها عطات و هز بدا كي عاود ليها كل ما جرى معاه هي حركات راسها بلا حولة و سكتات كتفكر في كلامو و ترجع ليه حقو لي منو سلبوه اما مول الناقة مسكين معرف ما يدير منين قال السلطان كلمات ضلمو هذه المرة حيت كلشي باين و واضح
رابحة:مسح عينيك ا شريف و سمعني اشنو عتدير
مول الناقة:واش بصح ا الالة
رابحة:غادي ترجع عند السلطان وغادي تقوليه: «راه كنت غارس الشعير فجنب لبحر ناض كالو ليّ الحوت»
مول الناقة:واش كضحكي عليا
رابحة:تبع كلامي ا سيدي و ميكون غير الخير رجع عندو و قولها ليه
شاف حتى عيا و قال مخاسر والو و هو ينوض مشا عندو القصر و بدا كي دق حتى خرج ليه الحارس و اصر يشوف السلطان منين سمع غواتهم امرهم يدخلون عندو دخل و جلس مقابل معاه و تكلم
مول الناقة:جيت قاصدك ا مولاي تحل ليا مشكل ديالي
عابد:تكمل اشمن مشكل عوتاتي
مول الناقة:راه كنت غارس الشعير فجنب لبحر ناض كالو ليّ الحوت
عابد(تعصب كثر و وكثر وقف و هو مخنزر):شفتك جاي تضحك عليا علاه الحوت تياكل الشعيرْ
مول الناقة:وعلاه الحمارة كاتولد البعيرْ ا مولاي كون ما السيدة لي عتقاتني هي لي فتات عليا هذه الري و انت و عدالتك ا مولاي
عابد سكت و جلس كي فكر بعقلو عاد فهم الحكاية و انه مفكرش بعقلو هز راسو فيه و نطق:شكون هذه العالمة لي فتات عليك هذه الكلام
مول الناقة:مقالتش ليا اسمها ولكن عيونها كبار كي فتنو كل ما شافها سبحان من خلقها
غير نطق عرفها شكون هي تنهد و شاف في موسى و عنبر لي عرفوها هي بوبريصة و هو ينطق عابد
عابد:موسى عتمشي مع الراحل و ترجعو ليه بهيمتو و مول الحمارة اجيبوه الحبس يجلس فيها يوماين حتى يتربى على عملتو
موسى:هي الأولى ا مولاي
ناض مول الناقة فرحان و خير رابحة كي دكرو على فمو سمعاتو ام هاني و تبسمات قررات تمشي لدار رابحة تشوفها كيف دايرة او واش تليق بولدها السلطان
أنت تقرأ
نية السلطان ( الدارجة المغربية ) تيما مبارك
Acción🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 كان حتى كان في قديم الزمان لمّا كان الحبق والسوسان في حجر نبينا العدنان عليه الصلاة والسلام بسم الله العظيم أستهل الحكاية "ن...
