✳ الجزء 14 ✳
♥نـــــــــــــية سلطــــــــــــــان♥
🔥 رابحة زين العابدين 🔥
✏ حكايات تيما ✏
🌸تيما مبارك🌸
صباح جديد و اجواء القبيلة هي هي كل وحدة كتنوض توجد طحينها و تعجن عجينتها و على العواد طيب خبيتزها تحلب البگرة و و تمخض لبينتها و تخرج زبيدتها و تنكس لبهيمتها و تجمع ركيتنها توجد فطورها مع عائلتها و يتلممو على طبلة بالفرح و ضحكة تعمر دنيتها
الاب ينوض لخدمتو و الام تنوض تشوف شقاها اما الولد يمشي يعمر مع صحابو في سوق الخسارة محاسس بهم الدنيا و الوليدين اش كي عانيو اما مولات العقل ناضت جمعات طبلتها و خرجات تابعة مها لجارة ديالها غير وصلات لباب مكرهة دقدقات و خرجات عندها وحدة دايرة يديها على جنالها و نيتها مصافياش
خدوج:ياك لاباس ا رابحة اش جابك عندنا
رابحة:مجاياش عندك كون ما مي لي باغياني نعاونها
خدوج:مك قادة بشغلها و حتى مي معاوناها انت معندك فين دخلي
رابحة:امم باين العربون أُولاَدْ الفْشُوشْ إِيطَلْبُوا حَاجَة يَعْطِيوْهُمْ جُوجْ
خدوج:اش بغيتي تقولي ا رابحة
رابحة:انا نبرگم و انت افهم هذه المدونة عطيها المي و الا مقديتيش تهزيها عيطي على خويدم الدار راه دراع گاضي و اللسان ماضي ما تدي خبار ما تيجبي خبار اللسان مقدم و الرجل محشوش كون نحطوك بين لا لياتك تقولي ياريت كون يرجع بيا الزمان و ناخد من الشقى ولو قنطار
رمات ليها رابحة الكلام و مشات خلات خدوج عتبخ الدم على كلامها المسموم اصلا من دينا مكتحملهاش حيت جامعة بين الزين و الحداكة و للسان اللحلو و السليط فمها ما ينطق غير بالحكمة و نيتها المزيانة ديما غالبة الا جيتي للخير تفرح ليك و الا جيتي لنية مصافياش لشر طمر ليك
وصلات الخيمة و دخلات حتى كتشوف باها داخل من الباب و كي قلب على مها شاف فيها و نطق
قاسم:فين هي مك ا رابحة
رابحة:مشات لخيمة يطو تفتل معاها الطعام
قاسم:فيها خير انت علاش ممشيتيش
رابحة:علاش عنمشي ا با الله يهديك واش على كحال عيونكم ولكن خدمتهم المسگدة ولا على ضحكة الوجه و الغدر مطمرين
قاسم:الله يهديك ا بنتي راه العيالات هما هدو
رابحة؛ايه كل ماهْذَار مسوس يجيب الهلاك لراسه، يستاهل ضرب بموس حتى يبانوا أضرلسه
قاسم:اش هذه الكلام ا رابحة مربيتكش على هذه الشي
كمل كلامو كي مع الدقان عقدات حجبانها و مشات تحل الباب تعرف شكون جا
أنت تقرأ
نية السلطان ( الدارجة المغربية ) تيما مبارك
Acción🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 كان حتى كان في قديم الزمان لمّا كان الحبق والسوسان في حجر نبينا العدنان عليه الصلاة والسلام بسم الله العظيم أستهل الحكاية "ن...
