✳ الجزء 3 ✳
♥نـــــــــــــية سلطــــــــــــــان♥
🔥 رابحة زين العابدين 🔥
✏ حكايات تيما ✏
🌸تيما مبارك🌸
خارج من المصلى و داير سلهام بيض على ضهرو و جليليبة مخزانية نعام ا سي في الدهبي مخيطة بسقلي الحر و بليغة في الرجل مزيناه و عمامة فوق راسو
لحيتو كحلة و شعرو باين عليه رطب مشعشع تبسيمتو مع تخنزيرة لي عاقدها في حجبانو كي بانو ليك من بعيد خارج مع صاحبو و الوزير من المصلى بعد ما أداة الفريضة ديالهم لي داز يسلم عليه بلهلا يطريه ليه و كاين لي كي سلم عليه بحب
مشية نخوة باينة فيه سلطان و الخدم ديالو و الحرس دايرين بيه وصل القصر ديالو و دخل توجه المنزه نيشان تما لقا ميمتو ام هاني كنتسناه ببتسامتها المعهودة كتلقاه كيف ديما يتحنا عند يديها و يقبلها ام هي كلشي و هي عمارة الدار هو ولدها لي رباتو و سهرات عليه و من كل شر حماتو و من غدر عمامو وقاتو الحامي هو الله و بضلو هو باش جالس دابا في بلاصة باه كي حكم بالعدل على كل واحد
ام هاني:على سلامتك اوليدي
***:الله يسلمك ا ميمتي
ام هاني:ولدي عابد مالك بنتي ليا مهموم
عابد:هموم الدنيا ا ميمتي باش مشطون و زادني كلام با الله يرحمو لي فيه مغزى و معنى عجزو الفقهى و النجامة الكبار يحلوه
ام هاني:و شنو هو هذه الكلام
عابد(شاف فيه و ندق):ناكلو لي قسم الله بعدة و في العشية نتممو الكلام
ام هاني:هي اولى اوليدي
(هزات راسها):مرجانة ا مرجانة جيبي لسيدك يغسل يديه
تبسم ليها و جابت ليه الخادم يغسل يديه و يمسحها و هز راسو كي بانو ليك الطيفور نعام الآلة نصاوب عند الخرازة الكبار وسط منو كاين قصرية ديال كسكسو مصايبة على حقها و طريقها حيدات مرجانة القبة و حطاتها زاد مولاي السلطان كي ياكل من القصرية سخونة الفور كي طلع منها و مع سبع خضاري باينة و اللحم ا سيادنا طايب على المهل حتى كي دوب في لمو
كملو ماكلتهم بالحمد لله و جابو ليه يغسلو يديهم و حطو كيسان اتاي معدل و جلس و تنغم ليك بيه في كل جغمة كي ديرها ام هاني جالسة حداه و كتشوف في الساگية قدامهم حتى ولات تكلمات و هو عارف ما يهدأ ليها بال حتى تسمع منو الحكمة لي قال ليه باه
ام هاني:مزال ما قلتي ليا والو ا وليدي
عابد(شاف فيها):السلطان الله يرحمو "آش تيقول الما ملّي تيغلي" سولت و عاودت حتى واحد ما عطاني الجواب
ام هاني(تبسمات و وجها تبشر لي ولدها كي فكر في لحل هز راسو فيها مستغرب):مالك
ام هاني:هذه الحل غتلقاه عند وحدة لبيبة و حكيمة لي تجاوبك على هذه الحكمة لي قال ليك باك
عابد(تقاد في الجلسة):هي عرفتيها
ام هاني:عرفتها وليني اوليدي راني عادية عاهد على باك باش نبوح ليك بيه حتى تفهم و تجاوبك عليه مولات السر مولات النية
سكت عابد كي حك لحيتو و فين عيلقا هذه مولات نية لي قالت ليه و فين عيمشي تنهد و هز اتاي كي تنغم كاسو اما راسو كي فكر كيف عيدير لقا الحل لمشكيلتو
تعاشات العشية و خرج لابس لباس الخادم يدور في القبائل لي حاكمها و يشوف ناسها اش خاصها و معاه كان يدو ليمن و خدمو لي مكيفارقوش عنبر و صلاح وقفو حدا الواد حتى كي سمعو ضحك جاي لجيهتهم قرب السلطان و حتى كي سمع صوت كي حاجي
أنت تقرأ
نية السلطان ( الدارجة المغربية ) تيما مبارك
Action🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 كان حتى كان في قديم الزمان لمّا كان الحبق والسوسان في حجر نبينا العدنان عليه الصلاة والسلام بسم الله العظيم أستهل الحكاية "ن...
