✳ الجزء 6 ✳
♥نـــــــــــــية سلطــــــــــــــان♥
🔥 رابحة زين العابدين 🔥
✏ حكايات تيما ✏
🌸تيما مبارك🌸
عمي العدلاني سمع لولادو كاملين الا واحد لي كان ساكت و كي شوف ساد على فمو حتى كملو خوتو اش طلبو و بغاو هو يتقدم لعند باه و تكلم
حديدان:انا با باغي تصاوب لي دار حديد و بابها حديد و سوارتها حديد ، و خبزة قد السما و قلوش د الما و سير و خليني
سمع لكل.واحد اش بغا ايوا صاوب ليهم بّاهم اشنو طلبو منو و مشا للحج و خلاهم كلها في دارو، شوية جات "امينا الغولة" ريبت دار التراب و كلات الاول و هرست الخشب و كلات الثاني و ريبت الحجر و كلات الثالث و حطمت القصب و كلات الرابع و نفخت على الشطب و كلات الخامس و قطعت الجلد و كلات السادس...
حتى جات لدار حديدان و مالقات منين دوز ليه دارو حديد و بابها حديد و كانت "امي الغولة" كل نهار تجي تتربص بيه و تراقبو حتى تسالات ليه الماكلة ، و كان حديدان يخرج من الدار في الصباح بكري و يمشي للعين يشرب الما و فاش يكمل يرمي فيه الزبل و يخلوضو مزيان و يطلع للكرمة الكرموسة الزينة يديرها في سلتو و الخامجة يضرب بيها "امي الغولة" و كانت عورة عندها عين و عين لا فاش تنزل عليها الكرموسة
تقول : زيد آخير بابا ربي زيد...
و حديدان فوق الكرمة يضحك عليها و يقول ليها: آ مي الغولة درتها بيك شربت الما منين كان صافي و خلوضتو ليك و خديت الكرموسة الزينة و ضربتك بالخامجة
و هي فاش تسمع هاكا كتبغي تشدو و هو تيهرب ليها و يركب ليها فوق الدحيشة ديالها و يهرب لدارو و منين توصل عليه ماتتلقى منين تدخل .و بقات هاكا حتى فكرات مزيان و مشات " امي الغولة" عند السراحة و تحلفات عليهم و هما خافو
امي الغولة: كل واحد يجمع لي كبة ديال العلك ( المسكة ديال الشجر اللي تتعلك) قد راسو و اللي ماجمعهاش ناكلو
هما بكثرة الخوف جمعوها ليها السراحة و دارتها فوق الدحيشة وفاش حديدان هاذ المرة بغا يركب و يهرب لصق و ضحكات عليه "امي الغولة" و قالت لو
امي الغولة : دابا حصلتي يا حديدان
حديدان : آ مي الغولة واخا تبغي تاكليني راه فيا غير العظيمات انا نعطيك واحد الاقتراح ديريني في مطمورة و عطيني ناكل اللوز و الڭرڭاع و فتاحة ( ابرة) و مَخْيَطْ و فاش ننسمن نخرج ليك المخيط و كوليني
أنت تقرأ
نية السلطان ( الدارجة المغربية ) تيما مبارك
Action🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 كان حتى كان في قديم الزمان لمّا كان الحبق والسوسان في حجر نبينا العدنان عليه الصلاة والسلام بسم الله العظيم أستهل الحكاية "ن...
