✳ الجزء 32 ✳
♥نـــــــــــــية سلطــــــــــــــان♥
🔥 رابحة زين العابدين 🔥
✏ حكايات تيما ✏
🌸تيما مبارك🌸
اما في القصر
كان عابد واقف و عند رجليه جالس لي كي كل ليه اتاي و حتى من الوزير جالس حداه و كي سمع ليه و يتبسم عنبر و موسى شادين على خنجرهم من تحت سلهامهم
هز راسو عابد و شاف فيهم موسى هز ليه براسو و غير بالاشارة فهد المعنى دار
عابد:عطيني كاسي
(كان كي ترعد شاف فيه و شاف في الوزير و مدو ليه):هاك امولاي
عابد(شد الكاس و هزو السماء كي شوف فيه و دار عند الوزير):هاك ايدي ليمن في الحكام
الوزير معرف راسو باش تبلى بقا كي شوف في الكاس و هز راسو في السلطان:منتفضلش عليك امولاي
عابد:لا بغيت نكرمك راك ضيف عندي اولا ا موسى
موسى:اييه امولاي
الوزير:لا امولاي بلاش
عنبر:خود من عند مولاي متخليش يديه ممدودة
الوزير شاف في السلطان و شاف في كاسو مد يديه ياخدو يرشف منو ولكن مقدرش و و رماه من يديه و خاف اما عابد خنزر و عاجبو حال وقف و شاف في الحرس ديالو شدوه و عطاوه علاش يدور
عابد:الغدر صعيب الوزير ياك
الوزير:والله امولاي
عابد:متحلفش شكون لي سلطك عليا
(مد ليه موسى سيفو و على رقبتو حطو):دوي ولا نحرك دوييي
الوزير:ووووولد عمك واد عمك ا مولاي
عابد:ولد عمي لي من خيري و خير باااا الله يرحمو وكلناااه حتى عض يديه لي ممدودة ليه و انت
الوزير:هووو امولاي لي طمعني و الطمع طاعون امولاي
عابد:قالوها سافر تعرف الناس وكبير القوم طيعه كبير الكرش والراس بنص فوله تبيعه
منين قال هذه الكلام الوزير عرف المعنى انه خاصو يطيهو هو لي والي الأمر والطماع والمغرور بنفسو ليه و لي فكر فيه خانو و غدرو
شاف في موسى و عطاه الأمر يديه لاين يتربى حتى يشوف اش يدير معاه هو و لي كان يعطيه اتاي اما هو امر رجالو يحضرو ليه ولد عمو حتى لبين رجليه
أنت تقرأ
نية السلطان ( الدارجة المغربية ) تيما مبارك
حركة (أكشن)🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 كان حتى كان في قديم الزمان لمّا كان الحبق والسوسان في حجر نبينا العدنان عليه الصلاة والسلام بسم الله العظيم أستهل الحكاية "ن...
