✳ الجزء 19 ✳
♥نـــــــــــــية سلطــــــــــــــان♥
🔥 رابحة زين العابدين 🔥
✏ حكايات تيما ✏
🌸تيما مبارك🌸
صباح الصباح و فتح الفتاح و رابحة ناضت جمعات بلاصتها و كيف كل صباح تقدي مع مها الشقا ديالها لبسات حايكها و دارت لتامها هزات رزيمتها و جات خارجة و هي تسمع صوت مها من الكشينة
طامو:ا فين غادا مدرحة ا دواحة
رابحة(دارت): غادا عندي ما يتقضى
طامو:خايفة عليك اااا بنت كرشي تخرجينا في حيط
رابحة:متخافيش ا ميمتي راني نقد بقبيلة و تجيني قليلة
طامو:راه جابو ليا الخبار بلي رجال السلطان جاو يسولو فيك
رابحة:والو ا مي هداك معندو لا شغل لا مشغلة
طامو:عنداك غير تكوني درتيها بيه حتى هو عوتاني
رابحة(بدات دور في عينيها):الله يهديك ا مي اش عنديرها بالسلطان واش انا من مقامو
طامو:الاااا لي تسرق من جنان رمان ديالو ديرها و تقد بيها
رابحة؛راني داخلة سوق جوايا ما ندير شر ما جبد عار غادا جنب الحيط
طامو؛اح ا بنت كرشي حتى منكونش كنعرفك و نقول واخا
سمعو صوت الباب كي ضرب و هي شوف في مها مشات طلات و رجعات عندها الكشينة و نغزاتها
رابحة: مي ا مي
طامو:مالك اش كاين
رابحة:ها انت شوفي راه رجال السلطان هنا في الباب و باغين يديوني عندو و انا مباغياش
طامو(ناضت ضربات مع جنابها):ا شدرتي ا بنت لحرام
رابحة:و صافي ا مي سمعيني عتخرجي عندهم ياك و تقولي ليهم علامن كتقلبو قلبات العتبة و بدلات الرحبة و في سروية مشات تجيب الخليقة لي كتمشى بلا رجلين و تشوف بلا عينين
طامو:اش درتي ا بنت الهم اش
رابحة:ديري داكشي لي كنقول ليك ا مي ز متخافيشاي يالله
حركات طامو راسها و كلام بنتها تبعات خرجات البرا كتلقا موسى داير يديه من مور ضهرو و كي تسنى و هو عيحماق و خايف غير تحل الباب و هي تنطق
طامو:اش حب الخاطر ا سيدي
موسى؛كاينة بنتك
طامو:الااا مكايناشاي
موسى:باسم الله رحمان الرحيم و فين هي
طامو:و علاش لغيتوها
موسى:مولاي السلطان لي طالبها عندو
طامو؛اوا اش نقول ليك ا وليدي قلبات العتبة و بدلات الرحبة و في سروية مشات تجيب الخليقة لي كتمشى بلا رجلين و تشوف بلا عينين
موسى:كيفاش
طامو:خليتك على خير اوليدي
دخلات و سدات الباب في وجهو و هو خنزر و دار غادي عند السلطان معارف ما يقول ليه رابحة غير حسات بالخطاوي مشات خرجات و من نكير مها ما سلمات شدات طريق الساقية و تما جلسات
أنت تقرأ
نية السلطان ( الدارجة المغربية ) تيما مبارك
Action🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 كان حتى كان في قديم الزمان لمّا كان الحبق والسوسان في حجر نبينا العدنان عليه الصلاة والسلام بسم الله العظيم أستهل الحكاية "ن...
