✳ الجزء 30 ✳
♥نـــــــــــــية سلطــــــــــــــان♥
🔥 رابحة زين العابدين 🔥
✏ حكايات تيما ✏
🌸تيما مبارك🌸
خرج السلطان الجنان و هو مخنزر نعام ا سي حتى وصل فين نعت ليه موسى كي لقا وحدة دايرة لتام على وجها و شادينها جوج مخازنية مخفاتش عليه شكون هي دار يديه من مور ضهرو و شاف فيهم
سلطان:رخيوها و سيرو
مشاو و رابحة بقات جالسة و هو كي شوف فيها:وقفي ا رابحة
رابحة(وقفات و هذه المرة راها حاصلة ديال بصح):هانا ا مولاي
عابد:شنو كديري في جناني
رابحة:جيت ناخد شوية من الرمان ا مولاي
عابد(غوت):هذه راه كنتسنى شفررررة
رابحة(هزات عينيها):شفرة حلال كل واحد و ضروفو مانعرف نكون موحمة و باغيا رمان جنانكم ا مولاي
عابد:لسانك سليط ا بنت قاسم
رابحة:مقلت غير الحق ا مولاي
عابد:(مد يديه و جبد عندو رمانة كي لعب بيها في يديه):عارفة انه نقدر ندخلك الحبس دابا
رابحة:مكنشوفش راسي درت علاش ندخل
(شافت فيه):دخل هدوك لي ناويين ليك على الشر و على الغدر مطمرين
عابد:شكتقصدي بكلامك ا رابحة
رابحة:اول حاجة عتعطيني الامان انك تخليني نمشي بحالي
عابد:عليك 66 امان غير نطفي
رابحة(كتشوف في موسى و عنبر و تصرط ريقها):قبيلة و انا في جنان يالله نزلت سمعت الوزير ديالك ا مولاي كي تكلم مع واحد من المخازنية باش يديرو ليك السم في كاسك امولاي
عابد(خنزر):اشششش هذه الكلاااااام ا رابحة
رابحة:قلت ليك لي سمعت امولاي و هو لي كاين
عابد:باش عنتيق بكلامك
رابحة(هزات كتافها):تيق اولا تيق قلت ليك لي عندي واش انا عنخليهم يشدوني كون راني هربت كيف كل مرة ولكن قلبي مطاوعنيش امولاي
عابد(تبسم):هي مولفة تاخدي الرمان من جناني ا رابحة
رابحة(تبسمات):كول عام امولاي
عابد(جابت ليه الضحكة):موسى
موسى:نعام ا مولاي
عابد:عيط على المخازنية
رابحة:وياك امولاي انت عطيتيني الكلمة
عابد:جمعو ليها الرمان و صلوه ليها الخيمة
موسى:هي الأولى امولاي
رابحة:عتخليني نمشي
عابد:لا ولكن غادا مع العصر بغيت نلقاك حدا البير
دار عاطيها بالضهر و هي كتشوف فيه دخل بحالو و هي مشات بحالها مزالة مصدومة من كلامو ليها واش تبسم ليها بصح لا جاب ليها الله
أنت تقرأ
نية السلطان ( الدارجة المغربية ) تيما مبارك
Action🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 كان حتى كان في قديم الزمان لمّا كان الحبق والسوسان في حجر نبينا العدنان عليه الصلاة والسلام بسم الله العظيم أستهل الحكاية "ن...
