✳ الجزء 25 ✳
♥نـــــــــــــية سلطــــــــــــــان♥
🔥 رابحة زين العابدين 🔥
✏ حكايات تيما ✏
🌸تيما مبارك🌸
صباح الصباح فتح الفتاح
جلسو على الميدة كي فطرو و ناض قاسم غيل يديه و هز عتلة ديالو و خرج من الدار يترزق الله او هو في طريق كي سمع البراح كي غوت و يقول
البراح:يا اهل القبيلة و ناسها لالة ام سيدي كتعلمكم و تقول لي عندها بنت في عمر الزهور بلغات و صامت رمضان 4 اعوام تجيبها في اخر شهر لموسم رمان باش تكون وحدة من زوجات السلطان
قاسم حرك راسو فرحان و مشا الخدمتو و اهل القبيلة لي عندها شي بنت حق عليها دخلات تبلغ راجلها و بنتها و شكون فيهم لي كرهات بنتها تكون مرات السلطان
في خيمة رابحة سمعو البراح و ناضت طامو طلات و رجعات عند بنتها فرحانة و رابحة تنهدات تكات على الحيط و سرحات
طامو:سمعتيه ا بنيتي
رابحة:سمعتو ا مي سمعتو
طامو؛ان شاء الله حتى انت عتمشي لموسم الرمان
رابحة:معنمشيش ا مي فيقي السلطان راه ما حنا بمقامو ولا بشانو
طامو؛و علاش ا بنتي اش فيها الا كنت انت بلاصتك حدا السلطان اش ناقصك يد ولا رجل
رابحة (ناضت تجمع الطبلة):مي السلطان ماشي في مقامنا
طامو:علاه مالك طلعي حتى انا و تولي كلمتك كتمشي على كلشي
رابحة:اااا مي راه كلشي كي تكركب في الحدورة
طامو (ناضت تابعاها):مكيتكركبش الا عرف راسو كيفاش يطلع
رابحة(جلسات تعجن الخبيزتها):قالو ناسنا الاولين امي الله يرحمهم عليها يا ذا الزمان الغدار يا كسرني من ذراعي ،نزلت من سلطان وركبت من كان راعي
طامو: هذه الهضرة قولي لراسك ابنتي
رابحة:الله يهديك امي كون تعرفي اش كان راه معمر السلطان يتلفت ليا
طامو؛و مالها بنتي زين و العقل و القلب الكبير و هذه الوقت ابنت كتنطابق علينا حيلة اللي ما عندو فلوس كلامو مسوس وجلاسو بين الناس خسارة وفكري في كلامي و تفهمي المعاني
ناضت كتحرك راسها و مشات رابحة واحلة ليها غصة في حلها صرطاتها و نطقات:غرزة زايدة فيا و هم لعرى فايت فيا امي واش سلطان عاد باقي يتلفت ليا
حنات تعجن عجينتها
أنت تقرأ
نية السلطان ( الدارجة المغربية ) تيما مبارك
حركة (أكشن)🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 كان حتى كان في قديم الزمان لمّا كان الحبق والسوسان في حجر نبينا العدنان عليه الصلاة والسلام بسم الله العظيم أستهل الحكاية "ن...
