✳ الجزء 5 ✳
♥نـــــــــــــية سلطــــــــــــــان♥
🔥 رابحة زين العابدين 🔥
✏ حكايات تيما ✏
🌸تيما مبارك🌸
وحدة من البنات كتشوف في الواد عامر و ماه غير ديال العومان تبسمات و العشية هذه و حس الخطاوي ما كاينين قربات وحدة منهم و خشات رجليها وسط الماء كتلعب بيهم تبسمات رابحة و حتى هي مدات رجليها و تبعوها البنات كاملات
تورية:حاجي لينا ا رابحة كيف ديما
رابحة:شمن حجاية نعاود ليكم راه لي عندي قلتو ليكم كامل
فطومة:ايه البنات عاودات لينا على رمانة و برطال و هاينة و الغول و وريقة الحنة و حتى من القايدة بامو عوداتها لينا اش بقا
رابحة:بلاتي بلاتي منين كنت خارجة قالت ليا مي على مينا الغولة هذه حجاية كان عاودها لينا با منين كنا صغار و مزالة عاقلة عليها الدابة
حورية:و قولي ا رابحة
رابحة:اوا سمعوني البنات و حلو ودنيكم عنعاود ليكم حتى حكاية غير الحكايات حكاية فيها عبرة و عمر الطماع ما يربح عنعاود ليكم على قصة* حديدان الحرامي و امينا الغولة*
حورية:هذه حديدان كان قال ليا با واحد المرة بلي واحد حرامي و عندو مع تحرميات
رابحة:اييه ا حورية كان عمي العدلاني عندو سبعة اولاد و السابع فيهم سميتو "حديدان" ، و بغا يمشي للحج و خاف على ولادو تجي "امي الغولة" تاكلهم جمعهم كاملين و جلس كي شوف ولادو ملمومين تقدم و نطق كي شوف فيهم واحد بواحد
🥀اول حكاية حديدان الحرمين 🥀
قاسم:با علاش جمعتينا ياك لاباس
عمي العدلاني : اييه او وليداتي انا بغيت نمشي للحج و خفت الغولة تجي تاكلكم من ورايا..
مودن : آبّا ماعندك علاش تخاف علينا
عمي العدلاني:كيفاش بغيتوني منخافش و انا عنخليكم هنا بوحدكم ما عندهم لا حنين لا رحيم حتى نهار لي نرجع
قاسم:ساهلة ا با كل واحد صاوبلو دار باش يحمي راسو و سير و خلينا و معندك مناش تخاف علينا
شاف في عمي العدلاني و نطق: اشنو بغيتي ندير ليك باش تحمي راسك من الغولة ؟
قاسم : صاوب لي دار تراب و بابها تراب ، و خبزة قد السما و قلوش د الما و سير و خليني
مودن : ايه ا با و انا صاوب لي دار خشب و بابها خشب ، و خبزة قد السما و قلوش د الما و سير و خليني معندك مناش تخاف
سلام :و انا ا با صاوب لي دار حجر و بابها حجر ، و خبزة قد السما و قلوش د الما و سير و مهني لا تخمم
نوسى :و انا صاوب لي دار قصب و بابها قصب ، و خبزة قد السما و قلوش د الما و سير و خليني
مصطفى: صاوب لي دار شطب و بابها شطب ، و خبزة قد السما و قلوش د الما و سير و خليني..
رحال :و انا ا با صاوب لي دار جلد و بابها جلد ، و خبزة قد السما و قلوش د الما و سير و خليني..
أنت تقرأ
نية السلطان ( الدارجة المغربية ) تيما مبارك
Action🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 كان حتى كان في قديم الزمان لمّا كان الحبق والسوسان في حجر نبينا العدنان عليه الصلاة والسلام بسم الله العظيم أستهل الحكاية "ن...
