✳ الجزء 18 ✳
♥نـــــــــــــية سلطــــــــــــــان♥
🔥 رابحة زين العابدين 🔥
✏ حكايات تيما ✏
🌸تيما مبارك🌸
رجع موسى و يديه فوق راسو عند مولاي السلطان لقاه جالس في المنزه و شاد كويس اتاي كي تنغم بيه و كي شوف في الساقية و عينيه سارحيت و راسو دارح مشي معاه
دخل كي تسلت و لقا عنبر جالس عند رجليه غير سكات لي معمر الدنيا غير احتى وقف عليهم مول الرعدة
موسى:مولاي
عابد:فين هي ديك البوبريصة
موسى:مولاي مجبتها ش
عابد(ناض وقف بالجهالة و شاف فيه): كيييفااااش
موسى:ممممم مولاي مجبتهاش حيت قاااالت ليا شي كلام
عابد:اش هو هذه الكلام
موسى:قالت ليا هي لي حاضية الخيمة
عابد(بالفقصة غوت):هدييييك راه خااااااص هما لي يحضيييييو معاهااااااا
موسى:مممم مولاااي
عنبر:قصر قصر ا موسى و نطق راه مولاي ممساليشاي
موسى:راه لي عندي قلتو
عابد:شكون عايش معاها
موسى؛سولتها على باها قالت ليا:مشى يكبّ الما على الما و فين خوها قتلت :مشى لسوق لخسارة وفين أمها : )شات تجبد الروح من الروح
عابد: واااااخاااا غادا في السروية عتمشي تجيبها ليا و الا مجاتش عنمشي برجلية
موسى:هي الأولى ا مولاي
مشا عابد من تما و هو مفقوص اما عنبر قرب من موسى و شاف فيه:أجي قول ليا كيف دايرة هذه الرابحة
موسى:ما نعرف
عنبر:زينة زينة تليق بمقام مولاي السلطان
موسى:هذيك جينة باسم الله رحمان الرحيم ما هي بسهم مولاي السلطان ما هو من سهمها
عنبر: اوا على الله لالة ام سيدي تلقا ليه العروسة لي توالمو
زادو كي تحتو و يدويو اما عابد دخل لجناحو وجلس في فراشو و كي حك لحيتو و كي فكر في كلامها لي وصيتها لي وصاتو اش بغات تقصد بيها ليلو طال و تخمامو كبر و نعاسو ما ما طاب حتى يجيبها عندو هنا و يشفي غليلو منها
أنت تقرأ
نية السلطان ( الدارجة المغربية ) تيما مبارك
Action🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 كان حتى كان في قديم الزمان لمّا كان الحبق والسوسان في حجر نبينا العدنان عليه الصلاة والسلام بسم الله العظيم أستهل الحكاية "ن...
