✳ الجزء 15 ✳
♥نـــــــــــــية سلطــــــــــــــان♥
🔥 رابحة زين العابدين 🔥
✏ حكايات تيما ✏
🌸تيما مبارك🌸
كان واقف يديه لمينة مع شي حرص سلطان عقدات غوباشتها و لسانها وجدات وقفات عند الباب و بين شفايفها تمتمات
رابحة: ياك لاباس ا سيدي
موسى:كاين شي عيالات من غير هنا في الدار
رابحة:سمح ليا ا سيدي راك خطيتي الصواب شنو هذه الكلام لي سائر تقول
موسى:جاوبي على قد الكلام
رابحة:و شكون انتوما بعدة و شنو بغيتو
موسى: حنى من قصر مولاي السلطان عابد و جينا لقبيلة كنقلبو على مولات لتام لي شفرات الخنجر
رابحة:اشمن خنجر
موسى:خنجر مولاي عابد
خرجات عينيها بصدمة و نطقات:عاود اش تشفر و لمن
موسى:خنجر مولاي السلطان
رابحة:لاواه لاواه مشي حتى لهذه الحد ويلي
موسى:مشغليشاي واش كديري لتام
رابحة:لا مكنديروشاي و شفتيني واقفة معاك بلا بيه او لا
موسى:ايه عندك الحق قولي ليا كتعرفي هنا العيالات لي كي ديرو اللتام
رابحة:لا مكنعرفش كيف كتشوف انا حدودية و عتبت باب دارنا ما كنعتبها غير الحاجة داكشي علاش سير بلا ما ضيع وقتي ولا وقت راه عندي ما يتقضى
موسى:هي الأولى
رابحة:اجي سيدي اش سماك الله
موسى:سميتي موسى
رابحة:دخلتي ليا الخاطري بغيت نعطيك شي كلام توصلو لمولاي السلطان
موسى:اشنو هو
رابحة:قول ليه لا تسرج حتى تلجم واعقد عقدة صحيحة ،لا تتكلم حتى تخمم لا تعود لك بفضيحة
موسى:و هي اش
رابحة:هو غدي يفهم غير لا تنساش
سرسباتهم و دخلات بحالها البيت و مشات جبدات الخنجر و حطات على قلبها و كتمشي و تجي في داك البيت منين فسرات الحكمة كانت عارفة عيرجع يقلب عليها حيت الحكمة عليها دايرة و لي فسراتها مع تمشي حتى تكون اميرة في هذه القبيلة و السلطان باين عليه واحد مساهلش و هي وحدة درويشة كنحلم على قدها و تلبس على قدها كي واتيها ما باغية عيشت القصور ما باغيا الحشم و خدم غير طرف الخبز تاكلو بالي قسم الله
أنت تقرأ
نية السلطان ( الدارجة المغربية ) تيما مبارك
Action🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 كان حتى كان في قديم الزمان لمّا كان الحبق والسوسان في حجر نبينا العدنان عليه الصلاة والسلام بسم الله العظيم أستهل الحكاية "ن...
