✳ الجزء 20 ✳
♥نـــــــــــــية سلطــــــــــــــان♥
🔥 رابحة زين العابدين 🔥
✏ حكايات تيما ✏
🌸تيما مبارك🌸
عند كحل العفطة لي مشا عند مولاه و هو حاني راس معرف ما يقول ليه غير وقف قدامو و هو كي تفتف هز راسو و عابد بدون ما ينطق عرف المراد
عابد:مخدم رباعة الرجال مفيديهم فائدة دمدومة ديال الخلى مقديتوش تجيبوها ليا
موسى:راها ابليس في صيفت بنادم ا مولاي ملفاتش تشد ليا
عابد؛بسيف انا محزم غير بالدمادم
عنبر:مولاي كون تخليني نمشي نجيبها ليك انا
عابد:انا لي عنمشي بيدي
موسى:لا ا مولاي لا لا تمشي دير لي شي موصيبة
عابد:مشي انت لي عتوريني اش ندير
دار غادي خارج و هو ينطق موسى:مووولاي
عابد(شاف فيه):اش كاين
موسى:قالت ليا شي كلام
عابد:دويييي تكلم
موسى:قالت ليا مها بلي قلبات العتبة و بدلات الرحبة و في سروية مشات تجيب الخليقة لي كتمشى بلا رجلين و تشوف بلا عينين
عنبر:هذه لسانها طول منها
سمح فيهم و خرج ركب على عودو و قصد الساقية السلطان مشي شي واحد هبيل و كلامها و ضريب المعاني لي صيفطات ليه فهم عرفهم ولكن مراد رابحة مزال ما وصلات ليه لي دايرين بيه دايرين من بغاو و هذه الشي لي باغيا تبين ليه هو لا بغا يفهم وصل عليها لقاها كيف توقع و صيفطات ليه في المعنى انها عتكون عند ساقية لي جنب الواد و داكشي لي كان جالسة و حاطة حداها رزيمتها و كتحسب الرمان في يديها و تحط في خريقتها غير سمعات صوت العود و انه نزل منها مولاي السلطان تبسمات و نطقات
رابحة:ما يتسالكشاي فهمتي المعنى
عابد:فين هو الخنجر
رابحة(وقفات و شافت فيه):عرفتي ا مولاي كي قولو الا بغيتي تدخل الجنة خاصك تحسب رمانة و مطيح ليك حتى حبا
عابد:قولي استغفر الله و انت لسانك مبري منك شنو عتقضي گاع دمدومة بوبريصة لي نشدها بيديا و نمعسها
رابحة (خنزرات):اصلا منين تلاقيتك هنا عرفتك نيتك مصافياش و همك هو حاجتك تاخدها و تقلب طريق كون جيتي امولاي نيشان بلا كدوب ولا دوران مكنتش نبقا نخلي الرقاصة ديالك طالعين نازلين
عابد:فين هو الخنجر
رابحة:على طولت لسانك اوالله لا خديتيه الا مخليتك تحفظ حروب النسا انا منتسماش رابحة بنت قاسم الفلاح
عابد(غوت):لزمي خدودك و عرفي راسك معامن كتدوي راه مولاك السلطان وقف قدامك
رابحة:مولاي و مولاك هو الله سبحانك و انت عبد ضعيف وسط هذه القندورة لي لابس متسوى والو قدامها باقا الدابة موقراك حتى انت وقرنا
عابد:اشمن وقار كتدوي عليه و انت يديك خف من الميزان
رابحة:اوا سمعني ا مولاي كاينين ناس ملاح وناس ماضية بحال المقدَّة ،ناس اليوم تكون مزيانة وتجيك بوجه آخر غدَّا ،ناس تتغير وناس تجيب معاك مدة
عابد(تبسم و نطق):ناس بحالها بحال الحرباء كاتبدل الجلدة ,ناس واخا حتارمتيها لحدودها كاتعدَّا
رابحة(دارت رزيمتها على كتفها و تبسمات مغددة):وناس عقلها صغير واخا تبارك الله الطول والقلدة اوا الله ينجيك من الساكت إذا دوا، ومن الغدار إذا نوى، ومن الجيب إذا خوا، ومن الصداع إذا قوا، ومن الشيطان إذا غوا. و كيف ما وقراتك بوبريصة الكحلة حتى انت وقرنا
خلاتو و زادت كي شوف مغدد و حلفها فيها هذه المرة ديال بصح و حتى هي حالفة حتى توريه حرب النسا
أنت تقرأ
نية السلطان ( الدارجة المغربية ) تيما مبارك
Action🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 كان حتى كان في قديم الزمان لمّا كان الحبق والسوسان في حجر نبينا العدنان عليه الصلاة والسلام بسم الله العظيم أستهل الحكاية "ن...
