✳ الجزء 4 ✳
♥نـــــــــــــية سلطــــــــــــــان♥
🔥 رابحة زين العابدين 🔥
✏ حكايات تيما ✏
🌸تيما مبارك🌸
في الدوار واقفة بين الشجر تخطف من شجرة الرمان و كتدور تسلت تشوف واش من موراها شي حد خدات لي يكفيها هي و عائلتها و خرجات منين جات بلا ما يشوفها شي حد تسلات خيمتهم لي كانت عالية و دايرة بطين ارضها ملسة تقدري تمشي عليها حفيانة ما تجري في رجليك
حطات بلغتها و لتامها من على وجها حيداتو كتشوفي قمرة كحلة العيون وجها بيض و خدودها خوخ موردين و شفايفها كيف التوت محمرين شعرها لي حتى بنت في القبيلة ما تكساب بحالو هابط على خصرها النحيف كحل مسبسب ياسرك من البعيد الحاصل سبحان من خلق هذه الزين
حطات من يديها فوق الميدة رمان و جلسات تستارح دخلات عليها مها كتشوف فيها عاقدة غوباشها فيها
طامو:افين كنتي ا رابحة
رابحة:في جنان مولاي زين العابدين
طامو(ضربات على فخاضها معصبة):اويلي على بنت الهم كتقلبي على الحبس و باك يتشوه وسط القبيلة
رابحة(جمعات يديها كتفرك الرمان):و مالها فاش جاتو راه عندو الخير غير مشعتر هزيت ليا شوية ندوقو منو حتى حنا ياك كي ديوه غير الوزير الشفار و الحاكم السليط
طامو(سدات ليها فمها بديها):سكتي سكتي ا قليلة الحية سكتي لا يسمعك شي حد
رابحة:شكون عيسمعني يالله
طامو:الحيوطة ليهم ودنين
رابحة:نتقب ليهم طبل ودنيهم
طامو:شنو عنقول لباك منين يجي
رابحة(تبسمات):ساهلة ا مي معندك مناش تخافي عتقولي ليه جابتو ليا يامنة صحبتي لي خدامة في قصر السلطان و با عيحشم يمشي يسول المرة
طامو(خلاتها و مشات جبدات طحين تعجن):اححح عليك ا بنت كرشيي ااااح عرفت نولد مشي كيف داك المصعصع ديال خوك نهار كامل و هو يدور كل مرة جاية وحدة تشكى ديما محل وجهي قدام الناس و كيف قالو ناس زمان ما بديالي بقا ولا وجهي تنقى
رابحة(جلسات حداها):ياك انتوما لي فششتوه كي شوف با ينوض في سروية يسرح البهايم و هو يصبح ماد رجليه عند العتبة ناعس ما عندو لا شغل لا مشغلة
طامو؛اح اح خلي داك الجمل راگد و انت ا بنيتي بعدي من صداع الراس الله يرضي عليك مخاصني شوهة وسط القبيلة
رابحة(باس ليها راسها):كوني هانية ا مي
ناض مشات هزات جوج شرويطات و شافت في مها:انا عنمشي الغابة دايرة مع البنات نحطبو شوية البرد قرب نعمرو غير بيت الخزين بالحطب شوية منها ندفاو و منها نطيبو عليه
طامو:الله يرضي عليك و ردي البال لراسك و من مينا الغولة
رابحة:الله يهديك ا مي غير خبير كتعاودوهم لينا باش نخافو
ضحكات معاها و خرجات تلاقات مع بنات الدوار و مشاو الغابة نيشان كي تحتو و يدويو حطبو لي قدو عليه و كل وحدة دارتها في الشريط ديالها قربو جنب الواد و جلسو حداه كي تحتو و يضحكو و ضحكهم واصل لفين و فين
أنت تقرأ
نية السلطان ( الدارجة المغربية ) تيما مبارك
Aksiyon🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 كان حتى كان في قديم الزمان لمّا كان الحبق والسوسان في حجر نبينا العدنان عليه الصلاة والسلام بسم الله العظيم أستهل الحكاية "ن...
