✳ الجزء 8 ✳
♥نـــــــــــــية سلطــــــــــــــان♥
🔥 رابحة زين العابدين 🔥
✏ حكايات تيما ✏
🌸تيما مبارك🌸
صباح صباح ماليه الملحة و سر عليه فاق مولاي من نومو و راسو مزال كي خمم في مولات السالف التالف لي صوتها كي دوب و خلاتو يبقا واقف يسمح و يتنغم بصوتها لي فيه ميزان و عبار
ناض و جابو ليه الخدم الماء يغسل وجهو و دخل عندو الخادم عنبر حط ليه سلهام ديالو هز فيه مولاي عابد عينيه و تكلم
عابد:غير دي داك السلهام ا عنبر جيب ليا لباس ديال الخادم نخرج ليه الدوار نشوف اهلها اش خاصهم
عنبر(حاني راسو):سمح ليا امولاي ولكن راك خرجتي لبارح اليوم خاصك تكون في دار القضى
عابد(وقف و كي مسح وجهو):الرعية ديالي اهم من دار القضى دابا ا عنبر طلق راسك
عنبر:هي الاولى ا مولاي صالح زيد يزيد طلق راسك سمعتي مولاي اش قال
خرجو من تما جابو ليه الفطور فطر على كويس اتاي و و مسمن مغريبي اصيل لي ريحتو تجبد كل واحد ليه بدون ما يخمم تلقاه هو الاول سابق الميدة ما يدوي ولا يتكلم يهبط راسو و اليصرط
كمل و ناض كي مسح يديه لبس لباس الخادم و خرج هو و عنبر على عود كي تمشى بيه بين ويدان القبيلة وصل و كي دور و زاد على سوق الدلالة و وقف كي سمعو الناس كي تزايدو على واحد البغل عقد غوباشتو و تكلم مع واحد من الرعية ديالو
عابد:اشنو واقع هنا ا شريف
***:باين عليك غريب و براني
عابد:اه انا غريب و براني و غير الطريق لي مدوزاني اما طريقي مزالة بعيدة على دواري قول ليا اشنو واقع هنا
***:اسيدي مرحبا بيك هذاك بغل ا سيدي سيد البغول
عنبر:حشاك ا سيدي
***:ا سمح ليا ا سيدي بغيت نقصد ان هذا البغل مكاينش شي دار لي دخل منها إلا و قتل مولات داري منين تمشي حاشاك تنكس ليه كي ضربها حتى كي جيب الله العمر
عابد(شاف في عنبر):باش من حق هذا لي عيشريه يقتل ليه مرتو
***:اسيدي مخفاك علينا حنا الرجال عزيز علينا الزهو و المرة النگارة هذه الشي لي خاصها
عابد:بشحال داك البغل كي بيعوه في الدلالة
***:كل واحد و شحال مولاه طالب فيه متقال و انت و شطارتك كتزايد عليه
هز ليه السلطان براسو و زاد كي شوف في عنبر لي فهم الموراد و شنو بغا بالضبط مولاي السلطان تم غادي معصب معاجبو حال منين وصل السوق و دخل بين الناس كي دور و كي سمع السلعة بشحال كتباع وقف قدام واحد لقا المرة كتشاطر مع مول القمح لي زايد عليها 3 الوقيات على لي كي تباع بيه
أنت تقرأ
نية السلطان ( الدارجة المغربية ) تيما مبارك
Action🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 كان حتى كان في قديم الزمان لمّا كان الحبق والسوسان في حجر نبينا العدنان عليه الصلاة والسلام بسم الله العظيم أستهل الحكاية "ن...
