✳ الجزء 12 ✳
♥نـــــــــــــية سلطــــــــــــــان♥
🔥 رابحة زين العابدين 🔥
✏ حكايات تيما ✏
🌸تيما مبارك🌸
دخل الجناحو و حيد حوايجو و هو كي قلب و يعاود معرف راسو باش تبلا عيا يقلب و يقلب او والو اما عنبر حاني راسو و كي شوف فيه وموسى ساد فمو و داير ليه لجام
عنبر:سيدي لالة ام هاني من قبيلة و هي تسول عليك منين عرفاتك مكاينش في دار القاضي و هي تقلب و تبحت حيت تخلعات عليك ا مولاي
عابد(جمع يديه و هو مخنزر و نطق):دارتها بيا مولات النگاب
عنبر:كيفاش ا مولاي شكون هذه الخليقة
عابد:الخنجر ديالي ا عنبر مكاينش عندي
موسى:كيفاش ا مولاي و انا بيدي جبتو ليك الصباح
عابد(كي حك يديه ما بعضياتهم بغضب كبير): كنت عارفها معتعطيني الجواب حتى تاخد حاجتها مني حيت حتى حاجة بلا مقابل
عنبر:سمح ليا ا مولاي ولكن علامن كتدوي
عابد(شاف في موسى):سمعني ا موسى غادا عتجمع ليا جميع العيالات ديال الدوار وحدة بوحدة نسا و بنات لي كي ديرو لتامهم و تجيبهم ليا و تسولكم على الغريب مول الحكمة واش شفتوه لي قالت ليكم اه جيبوها ليا
موسى:امرك ا مولاي
عابد(مخنزر):و العزبة لي عتكون بيناتهم اسمها رابحة
موسى:هي الأولى ا مولاي
عابد(غوت عليهم):تحررررررررررك
ا طارو من حداه و حتى واحد ما دار من موراه اما عابد بدل حوايجو و الغضب عمى ليه عينيه و تفكيرو مشا كامل لخنجر باه مخلاه يفكر گاع فلي قالت ليه مولات النگاب كان بحساب ليه النسا نية .. نية ميقدروش يديروها بالرجال ولكن طلعات ليه وحدة حية لي بسمها تقتل كل من قال انا راجل و سيد الرجال
في عز تفكيرو دخلات عليه ام هاني مبتاسمة و كتشوف فيه جلسات حداه جلسة النخوة
ام هاني:مالك ا ولدي فين مشيتي من شحال و انا نقلب عليك
عابد(تبسم ليها مغطي على الغضب ديالو):لا والو ا ميمتي غير مشطون مع الخدمة و ناس القبيلة
ام هاني:عارفة لي كاين و مسؤولية صعيبة ت ولدي ولكن عارفاك قاد و حتى حاجة متغلبك
عابد:رضاتك عليا هي لي مقوياني
ام هاني:خاص حتى رضات مراتك اولدي
عابد(تكا و كي حك شفايفو و حر شمتة كتاكل فيه)
ام هاني:شفتك سكتي هي لقيتي أميرة هذه القصر
عابد(شاف فيها):مكاينش لي تحلا ليا ا ميمتي
ام هاني:اممم اوا سمعني اولد كرشي هذه الدار خاصها اميرة لي تعاونك و تساندك و غدي تزوج هي غدي تزوج اليوم قبل غدا و معنمشي حتى نلقا ليك لي توالمك واخا عارفاها عتقاصي معاك
عابد:ديري لي بغيتي
تبسمات و ناضت خرجات فرحانة حيت خلا ليها هي تختار اما عابد وقف و هز كويس اتاي و خرج الجردة الكبيرة ديال للقصر كي تسارا فيها و يدور و حجبانو معقودين مهاموش الخنجر بزاف ولكن شمتة لي شمتاتو فيها رابحة راه مينساهاش معرف كيف دارت ليها بنت الحرام
أنت تقرأ
نية السلطان ( الدارجة المغربية ) تيما مبارك
Action🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 كان حتى كان في قديم الزمان لمّا كان الحبق والسوسان في حجر نبينا العدنان عليه الصلاة والسلام بسم الله العظيم أستهل الحكاية "ن...
