[MUS3] Love In A Mess (PUBLISHED UNDER IMMAC PPH)

CHAPTER 25

Chapter 25

Finn Pov

"Ay! Ano ba 'yan, frenny?!" May inis kong sambit nang biglang binagsak ni Jaheer ang kinukusot niyang short shorts niya. Naglalabada kasi kami dito sa laundry area ng bahay nila. Medyo marami-rami kasi ang labahin niya dahil wala ang mga maids niya dito sa bahay. December na kasi at pinagbakasyon na niya ang kanyang mga maids. Pinauwi niya raw sa mga pamilya nito na nasa mga kani-kanilang probinsiya. Hehehe! Ang bait talaga ni Frenny. Maganda na mabait pa.

Muli akong napaigtad nang tampalin niya ang tubig na may maraming bula.

"Frenny!" Igik ko at tumigil na rin sa pagkukusot ng mga damit niya.

Tinaasan niya lang ako sa kanyang noo at sinamaan ng tingin.

"Maglaba na nga lang tayo, Frenny." aniko at pinulot ulit ang damit at nagkusot.

"Hindi. Masakit na ang kamay ko. And my manicure were already damaged. Gosh!"

"Ehh, malapit na matapos, frenny, oh." Tinuro ko ang mga damit niya.

"Aish! Iniiba mo ang usapan natin, ah, frenny."

Napanguso ako at unti-unting humina ang pagkusot ko sa damit.

"Ehh!"

"Hmp! Di o-obra sa akin iyang paganyan-ganyan mo, Finn. Sige, sagutin mo nga ako. Bakit di mo pa natatanong si Michael Desmond sa label ninyo?" Pangungulit na niya naman sa akin.

Lumaylay ang balikat ko at tumigil sa pagkukusot saka tumingin kay Jaheer. Inip na inip na siyang naghihintay sa sagot ko.

"N-nahihiya kasi Frenny. Gusto ko naman talagang tanungin si Desmond kaso... nahihiya ako. Kapag kausap ko na siya nawawala na sa utak ko ang tanong ko." saad ko kay Jaheer.

"Sus! Nahihiya kang magtanong pero nagpapahalik ka?"

Pinalobo ko ang bibig ko.

Linggo na rin kasi ang lumipas simula noong sinabi sa akin ni Jaheer na kailangan ko daw'ng tanungin si Desmond kung ano ang l-label namin. Sa totoo lang ay maraming beses ko akong nag-attempt na tanungin si Desmond kaso kapag nasa harapan ko na siya nagwawala na ang puso ko. Kapag kausap ko na siya natutulala na lang ako. Kaya nawawala na sa utak ko ang tanong.

Bumuntong hininga ako. Paano kung tanungin ko nang ganoon si Desmond tapos magalit siya? Papaano kung tanungin ko si Desmond ng ganoon tapos di naman niya ako masagot. Marami rin kasing mga tumatakbo sa isip ko na mga what ifs. Tapos may takot pa at kaba.

"Aish! H'wag ka nang malungkot d'yan. Kung kailan mo gusto Finn at kung kailan mo feel saka mo lang ipush ang pagtanong kay Desmond. Don't pressure yourself, but always remember don't let that man touch you anywhere priv--"

"Nagyayakap kami Frenny." Putol ko kay Jaheer.

"Hmm," tumango siya pero alam kong may sarkastiko doon. "Kayo na ang mga malalandi na walang label."

Ngumuso ulit ako sa kanya.

"Pero frenny paano kapag tinanong ko si Desmond... nang ganoon tapos... m-magagalit siya. O di kaya'y di niya ako masagot o... b-baka kapatid or hanggang kaibigan lang ang tingin sa akin ni Desmond, Frenny." Malungkot kong sabi kay Jaheer.

Napabuga siya ng marahas na hininga at kinuha ang kamay kong may bula pa.

"Frenny. Look. Kung magagalit si Desmond. Layasan mo." Payo niya sa akin.

Nalukot ko ang ilong ko.

"Ehh? Si Desmond ang nagpapakain sa akin, frenny. Wala akong mapupuntahan dito. Siya ang naglabas sa akin sa parish, frenny, diba?" Seryoso kong sambit.